تكلمت الفنانة “شيري عادل” عن التفاصيل في قصة حبها هي وزوجها الفنان طارق صبري كما كشفت عيوب الفنان التي تعاني منها.
قالت الفنانة شيري عادل ” أنا إتغيرت بالطبع للأحسن وذلك بعد زواجي من طارق وأنا ملاحظة إن من أكبر عيوب زوجي إن صوته عالي ودا بيظهر لمن حولنا من الجيران ويظنوا أننا بنتخانق”.
كما ذكرت الفنانة لقطات من قصة حبها وزواجها من الفنان طارق صبري وصرحت شيري عادل: أنا وطارق صبري إتفاجأنا بمشروع الجواز، وإحنا كنا أصدقاء من أول ما إشتغلنا مع بعض في مسلسل “بنات سوبر مان” سنة 2016، ومن بعدها أصبحنا أصدقاء لفترة مش كبيرة كما كنا نتقابل ونتحدث عن حياتنا”.
ثم تابعت الفانة شيري عادل ” حبنا بدأ صدفة وكنا نتشارك في حياة بعض بدون ترتيب، هو كان بيكلمني دايما إننا نتقابل لأي سبب وأنا صراحة كنت ما بصدق علشان أقابله”.
وقالت إن مشاعر الحب بدأت بينا تبان مع الوقت، وطارق طلب مني إننا نتزوج فجأة وأنا رديت عليه وقلت يعني على طول كده؟، ولم يكن هذا ردي لوحدي دا كان رد أصحابنا أيضا هما كانوا شايفين أننا أخذنا قرار سريع وكان ردهم: بسرعة كده؟.
ثم قالت شيري أنا كان نفسي أعمل الفرح على البحر، وأنا زي البنات الي الفرح بالنسبة لها شئ مهم جداً مش زي الرجالة اللي مش بيهمهم الخطوة دي، وفي الآخر إتفقت معاه نعمل الفرح الصيف الجاي.
