جيل العظماء.. لأول جيل دخل على الانترنت فيه جيل معانا مش هايفهم يعني إيه لحظة الرعب اللي كنت بتعيشها وأنت بتكتب مسج SMS وممكن بسبب حرفين زياده تدخل على صفحة جديده وتدفع نصف جنيه زيادة
يعني إيه كارت الشحن ب 115 جنيه، منهم 85 رصيد والباقي ضرايب وحبشتاكانات ! آه والله
يعني إيه حتة sim card كانت ب 1000 جنيه.
يعني إيه فودافون كان إسمها كليك وموبينيل كان إسمها ألو، ومكانش في إتصالات grin emoticon
يعني إيه المنتخب كان بيلبس تيشرت أخضر وعليه إعلان كليك grin emoticon .
يعني إيه موبايل بيصور فيديو لمدة تسع ثواني بس، والكواليتي بلح…وكان حوار
يعني إيه ال نوكيا 3310 ب 800 جنيه
يعني إيه “سيمنز”
يعني إيه تبعت أغنية infrared وتيجي على 95% وتقطع علشان حركت الموبايل حاجه بسيطة
يعني إيه موبايلك يقعد بالتلات أيام ماتحطهوش في الشاحن !
يعني إيه تدوق البطارية بطرف لسانك
يعني إيه جملة “شاحن رفيع”
يعني إيه ضاع ساعات من عمرك وانت سهران بتحاول تألف رينج تون بالأرقام
يعني إيه “نغمات بوليفونيك”
يعني إيه تشتري رينج تون “النغمة بنصف جنيه”
يعني إيه لعبة “التعبان” Snake
يعني إيه لو الموبايل خلص شحن، تقفله وتشغله تلاقي البطارية ظهر فيها شرطة !
يعني إيه إشتغاله شركات المحمول، أنك تشيل السيم كارد وأنت بتتكلم، وهاتكمل باقي المكالمة ببلاش
يعني إيه “برنامج تسجيل المكالمات”
يعني إيه MMS وGSM
يعني إيه صاحبك يمسي عليك ب “ميسد”، وترد عليه ب “ميسد”
يعني إيه الدقيقة كانت بإتنين جنيه وتلاته جنيه !
يعني إيه تشتري الخط في “علبة سي دي”
يعني إيه “خط الساحر”
يعني إيه “فترة سماح”
إحنا أول من قال lol وbrb وrofl وtyt وwtf وكتبنا 3 بدل العين و5 بدل الخاء و7 بدل الحاء
