هل تذكرون الفنان محمد عطية نجم ستار اكاديمي؟! هل تذكرون كم كان نحيلًا وليس فتى معضل! الآن تغير شكله بصورة كاملة مفاجئًا جمهوره قبل أشهر بتلك العضلات الضخمة بخلاف ما اعتاد عليه الجميع.
محمد عطية يكشف سر عملية تحوّل جسده ويرد على منتقديه بقوة
محمد عطية يرد على منتقدي تحول جسمه لمعضل
ورد محمد عطية على التعليقات التي انتقدته، حيث نشر على صفحة الرسمية بموقع التواصل الاجتماعي ” فيسبوك ” يوم الأحد 6 أغسطس الماضي يقول فيها: ” الفترة اللي فاتت أكتر من صفحة لقيتهم منزلين صوري وكاتبين عن التغيير اللي حصل في شكل جسمي.. أكتر تعليق الناس كاتبينه.. إن الفلوس بتعمل كل حاجة.. (ده على أساس إني ثري عربي ).. هفترض معاك إنه فلوس.. رغم إن فيه ناس كتير معاهم فلوس ومابيعملوش كده.. بس اللي كاتب كده مش عارف إني بتمرن مرتين في اليوم / ٦ أيام كل أسبوع / بصحي الصبح ألعب كارديو ٤٥ دقيقة عالريق وباليل بأتمرن ساعتين أوزان و٤٥ دقيقة تانية كاريدو”.
وتابع عطية: ” .. يعني بتمرن في اليوم ٣ ساعات ونص.. ده غير إني حارم نفسي من كل سكر والدهون والزيوت والمحاشي وخلافه وباكل بالجرام وبيعدي عليا أيام كتير زيرو كارب مابيدخلش في بفي غير بروتين وبس.. كل عزومات رمضان كنت بروح متفرج.. أصحابي بيكونوا عندي بيطلبوا بيتزا وماكدونلدز وانا قاعد باكل خيار وصدور فراخ من غير أي حاجة عليها”.
واستطرد محمد عطية: “.. أنا فاكر كويس إن أول يوم زيرو كارب وأنا راجع من التمرين كنت هعمل حادثة أكتر من مرة وركنت العربية خمس مرات عشان عنيا مزغللة ومش قادر أسوق.. ده غير بفي إن المدرب بتاعي اللي وصلني للشكل ده كابتن Hassan Bond.. مش بيرحم وتمرينته تقيلة جدا.. أنا كنت مصاحب.. وصاحبتي كانت دايما بتتخانق معايا بسبب إن مش عارفة تخرج معايا بسبب إلتزامي بمواعيد الجيم ولو خرجنا مابنعرفش ناكل حاجة سوا.. يعني حارم نفسي من حاجات كتير جداً عشان أوصل للشكل ده.. الغريب بفي إن لو دخلت على صفحة منزلة تغيير في جسم أي فنان برة هتلاقي كل التعليقات (يا سلام عالارادة.. شوف الإصرار ).. ما اعرفش المتلازمة دي إسمها إيه الصراحة.. من الأخر لو إنت مقتنع إن الموضوع فلوس يبفي عمرك ما هتعمل حاجة “.
https://www.facebook.com/login/?next=https%3A%2F%2Fwww.facebook.com%2FMohamedAttiaProfile%2Fposts%2F10155231296791077%3Fpnref%3Dstory
ومين اقنعك انك فنان اصلا ؟
لاء هو فنان وكان مشهور جدًا أيام ستار اكاديمي وحتى عمل فيلم اسمه درس خصوصي وكتير من الناس تحب تتفرج عليه في التمثيل
كل الكلام حلو لكن لفت نظري جملة ( انك مصاحب وصاحبتك بتتخانق معاك عشان الخروجات)… يعني ايه مصاحب ؟ يعني لك عشيقة ولا ايه؟ لو انت مؤدب كنت قلت خطيبتي مثلا او ماجبتش سيرتها وتجاهر بالقرف… انا كنت مقفولة منك دلوقت قرفانة منك..
انتم معشر الفنانين رغم الشهرة و المال الا انكم تحيون حياة ضنكة افيقوا و توبوا قبل الغرغرة الله غالب