حل الفنان مصطفى حشيش، ضيفًا على الإعلامية ياسمين عز، في حلقة أمس السبت من برنامج “كلام الناس” الذي يعرض عبر قناة “MBC مصر”.
مصطفى حشيش: أنا أستاذ جامعة فمينفعش أعمل دور اتهزأ فيه.. وبرفض إن بنتي تشتغل في التمثيل
وكشف حشيش، خلال الحلقة الكثير من الأسرار بشأن حياته الشخصية والفنية، حيث قال ردًا على اتهامه برفض العديد من الأدوار التي تعرض عليه: “طبعًا كلام صحيح جدًا جدًا لسبب مهم أوي.. إن أنا أستاذ جامعة.. يعني أنا أستاذ في الجامعة فمينفعش إن أنا أطلع بشخصية بتهزأ فيها أو بتطرد دي قدام الطلبة بتوع مش لطيفة فبنتقي أدواري”.
وأضاف: “هو طبعًا يفترض إن الممثل ممثل بس في النهاية لو انتي ممثل صرف.. لو أنا وظيفتي فقط ممثل هعمل كل الأدوار إنما أنا محكوم إن أنا أستاذ جامعة.. يعني أنا في الأساس أستاذ جامعة”.
وعن سبب رفضه عمل ابنته في الفن، قال حشيش: “آه برفض إن بنتي تشتغل في التمثيل عشان أنا شايف قد إيه الزملا الفنانين بيتعبوا في شغلهم وقد إيه سوري أنا آسف ليهم جدًا جدًا وقد إيه هما مبهدلين في الشغلانة دي وقد إيه بيسيبوا بيوتهم.. إحنا بنقعد في الأستوديو بالـ 20 ساعة فتخيلي واحدة متجوزة وعندها ولاد سايبة بيتها بالعشرين ساعة.. أنا مش عايز بنتي تبقى مقصرة في حق جوزها”.
وتابع: “أنا بنتي ستي وتاج راسي وهي المتحكمة فيا فيمكن أنا عشان بحب بنتي أوي فبقول ده”.
