رد الفنان هشام عاشور، لاعب الاسكواش السابق، وزوج النجمة نيللي كريم، على الانتقادات التي تعرض لها مؤخرًا.
هشام عاشور: قبل ما نتجوز نيللي كريم قالتلي خلي بالك أنت ممثل تقيل
حيث قال هشام، ردًا على زعم عدد من رواد مواقع التواصل الاجتماعي، أنه دخل التمثيل بمساعدة زوجته: “قبل ما نتجوز نيللي كريم قالتلي خلي بالك أنت ممثل تقيل.. بس لو ظهرنا مع بعض ده هيبقى ضغط كبير عليك”.
وأضاف، خلال لقائه ببرنامج “ET بالعربي” الذي يعرض عبر قناة “MBC4”: “قالتلي الناس هتقارنك بيا وكنا عارفين الحكاية دي.. بس لما الناس هتشوف فيا ممثل حقيقي هيفصلوني عنها ويبصوا لي بصة مختلفة”.
وتابع: “ميفنعش أجيب واحد النهارده وأحطه قدام المؤلف والمنتج والمخرج وأقولهم ده هيمثل معاكوا.. ما هو دول مش ناس هبلة.. يعني مفيش واحد هيغامر بالفلوس اللي صارفها وبالنجوم اللي معاه ويحط حد يبوظ الشغل”.
وأردف: “هشتغل مع نيللي كريم تاني في مسلسل (رورز وليلى) اللي هيتعرض قريب على منصة (شاهد VIP).. وهعمل دور جوز نيللي”.
وأستطرد: “الدور مش كبير أوي بس المسلسل لذيذ.. وبيتهيألي الناس هتطلب منه أجزاء تانية عشان هو مسلسل مختلف ومتصور بطريقة جديدة”.
الجدير بالذكر أن آخر أعمال الفنان هشام عاشور، مسلسل “عملة نادرة” الذي خاضت به زوجته النجمة نيللي كريم، السباق الرمضاني للعام الحالي.
“عملة نادرة” بطولة: نيللي كريم، وجمال سليمان، وأحمد عيد، وكمال أبو رية، وندى موسى، ومريم الخشت، ومحمد فهيم، وفريدة سيف النصر، وإيمي إسلام، وأحمد فهيم، من تأليف: مدحت العدل، وإخراج: محمد جمال العدل.
