ياسمين عز عن رضوى الشربيني: من كتر الشعوطة بتاخد الجملة بتاعتي وتعمل منها حلقات.. لو ممغوصة من نجاحنا خدي مسكن

بعد فترة من التوقف، عادت الإعلامية ياسمين عز، أمس الخميس لتقديم برنامجها “كلام الناس” الذي يعرض عبر قناة “MBC مصر”.

ياسمين عز عن رضوى الشربيني: من كتر الشعوطة بتاخد الجملة بتاعتي وتعمل منها حلقات.. لو ممغوصة من نجاحنا خدي مسكن

وشهدت الحلقة مهاجمة إحدى المذيعات دون ذكر اسمها، ولكن توقع الجميع أنها تقصد الإعلامية رضوى الشربيني، حيث قالت ياسمين عز، مقدمة البرنامج: “عارفين أحلى حاجة في الحياة إيه إنك تكون مشغول.. بمجرد ما بيكون الإنسان مشغول ما بيبقاش عنده وقت يتكلم عن حد غيره أو يراقب حد غيره أو يتفرج على حد غيره”.

وأضافت: “علشان تكون مبسوط لازم تركز على نفسك وأنا دايمًا بقول الحمد لله إن أنا ربنا شغلني بنفسي مش بغيري وده اللي مخليني مبسوطة.. قالولنا زمان حكمة رائعة بتقول يا محلى المبسوطة قدام المشعوطة.. طبعًا المبسوطة كلنا عارفينها أما المشعوطة دي يعني متشعوطة كده لا على حامي ولا على بارد مفلفلة كده اللهم أحفظنا”.

وتابعت: “فأنا لما أجي أتكلم عن الكرامة بين الزوج والزوجة.. واتكلم عن الزوج والزوجة.. هو انتي زوجة؟ طب لما اتكلم عن الراجل والست.. الراجل والست.. هو انتي ست من اللي أنا أقصدها.. أبدًا اطلاقًا.. إذا انتي ممغوصة من نجاحنا خدي مسكن.. وإذا انتي مشعوطة من كلامنا خدي مسكن.. انتي حابة تكوني زيك زي الراجل كوني.. عايزة تكوني ند بند وراس براس عوزي.. حابة تكوني مسترجلة حبي.. في كل الأحوال النوعية دي بتوع الصوت العالي والردح للرجالة والتحريض على خراب البيوت حاسبينها على قسم الرجال”.

واستكملت: “فلما تجيلك واحدة مشعوطة معقدة محرضة تجاربها فاشلة وليكن من جماعة الست تبات بره بيتها من غير ظابط ولا رابط.. والهاجس اللي بيكون في حياة المريض اللي عنده تجربة فاشلة فعايز يكون كل الستات فاشلة زيه فتتشعوط أوي من جملتي إن مفيش كرامة بين الزوجين.. ومن كتر الشعوطة تاخد الجملة بتاعتي وتحكي عليها حكايات وروايات ونعمل منها حلقات”.

وواصلت: “ايه دخلك بين المتجوزين أنا مش عارفة.. ايش حشرك بين المتهنيين مش فاهمة.. ايه علاقتك بالحنية والبنات المتهنية.. المنطقة دي محظورة ما تجيش هنا تاني.. المنطقة دي كلها دلع حنية ستات متهنية لو جيتي هنا تتحرقي يا ماما ما تجيش هنا تاني”.