حلت الفنانة دينا فؤاد، ضيفة على الإعلامية ياسمين عز، مقدمة برنامج “كلام الناس” الذي يعرض عبر قناة “MBC مصر”.
دينا فؤاد ردًا على طلب أحد الفنانين: قولتله أنا مش منى زكي
وتحدثت دينا، خلال الحلقة عن طلب أحد الفنانين منها ترشيحه لدور معه في أحد الأعمال، حيث قالت: “حصل مرة تليفون من فنان بدون ذكر أسامي ومن فنانة قابلتها مرة في مكان دينا رشحينا معاكي في حاجة.. قولتلهم لأ أنا مش منى زكي عشان أرشحك معايا لما أبقى منى زكي هبقى أرشحك في مسلسلي”.
وأضافت: “والفنان قالي لو في حاجة مناسبة ياريت أبقى معاكي قولتلهم أنا يا جماعة والله أنا لسه المكانة اللي أنا فيها ما تسحمليش أعمل ده بس حقيقي غصب عني فعلًا لو فيه أكيد هعمل ده”.
وعن فكرة الاعتزال نهائيًا قالت: “عارفة لما بتجيلك أزمة نفسية بعيدًا عن الشغل بتحسي إن انتي طاقتك خلصت أنا مش عايزة أعمل حاجة.. أنا عايزة أسيب الشغل وعايزة أبعد عن أصحابي وعايزة أقفل على نفسي وأتقوقع وأفضل قاعدة كده مع نفسي.. بس بتخلص يعني مع مرور الأزمة بتعدي.. بس أنا حاسة إحساسي إن أنا هعتزل بدري يعني أنا لو حققت التارجت اللي أنا داخلة له سواء السنة الجاية اللي بعدها بعد سنتين بعد خمس سنين وخلاص أنا حاسة إن أنا أكتفيت أنا هقول خلاص كفاية”.
