كشفت الفنانة غادة عبد الرازق، عن معاناة الفنانين مشيرة إلى أن نظرة المجتمع لهم خاطئة تمامًا، وذلك من خلال تصريحات صحفية أدلت بها منذ ساعات قليلة.
غادة عبد الرازق: كلنا علينا أقساط.. وربنا بيدي كل واحد على قد شيلته
حيث قالت: “كلنا علينا أقساط.. وفيه ناس كتير مش بتصدق ده.. والحقيقة إن ربنا بيدي كل واحد على قد شيلته”.
وأضافت: “لو فيه واحد بياخد مليون جنيه لازم تبقى متأكد إنه شايل 20 واحد غيره.. وإيه المشكلة لما يبقى فيه فنان عليه أقساط دي حاجة مش عيب يعني”.
وتابعت: “ده حتى نجوم الصف الأول بيجي عليهم وقت وبيتعرضوا لمشاكل مادية.. لإن التمثيل زيه زي البورصة بالظبط.. وأوقات الواحد بيبقى تفكيره غلط وبيكتشف بعد فترة إنه خط فلوسه في مكان غلط وبيكون فات الأوان.. وساعتها بيضطر إنه يشتغل تاني عشان يعوض الفلوس اللي اتصرفت في تفاهات”.
الجدير بالذكر أن آخر أعمال الفنانة غادة عبد الرازق، مسلسل “تلت التلاتة” وهو مسلسل مكون من 15 حلقة، عرض في النصف الثاني من شهر رمضان الماضي.
“تلت التلاتة” بطولة: غادة عبد الرازق، ونجلاء بدر، ومي سليم، ومحمد القس، ومصطفى درويش، وليلى أحمد زاهر، وصلاح عبد الله، من تأليف: هبة الحسيني، وإخراج: حسني صالح.
