مي كساب تنصح البنات بعدة نصائح تعرفي عليها

نصحت الفنانة المصرية مي كساب، الفتيات بعدة نصائح من خلال برنامج دودي الذي تقدمه الإعلامية دعاء صلاح عبر فضائية النهار.

مي كساب تنصح البنات بعدة نصائح تعرفي عليها 1 29/1/2018 - 5:35 م

قالت مي ” أنا جربت كل وصفات الشعر، مافيش وصفة ماعملتهاش، بعمل كل الوصفات عشان شعري يبفي كويس؛ لأن دايما شعري خفيف وما بيطولش وبزيت بسرعة، بجد اسمعوا مني الخلاصة الحاجات الصبيعية مافيش أحسن منها”.

أول وصفة الجاز” وده بجد حاجة مش طبيعية؛ لأنه بيطول وبينعم وبيعمل كل حاجة واللي عايزة وهي متجوزة تستخدمه، تنتهز الفرصة وجوزها مسافر؛ لأن دي الطريقة للتخلص من ريحة الجاز”.

وأضافت ” الجاز ده بتجيبه من عند بتاع البنزينة، وتحطيه على شعرك ودلكي فروة شعرك في الوقت اللي تحبيه، والأحسن أنه يكون  على شعرك طول الوقت، وكل ماينصب على الشعر بيكون أحلي”.

وقالت ثاني وصفة هي التوم والجرجير” أنا برضوا بحب الوصفة دي جداً، بتأخدي التوم والجرجير وتفرميهم مع بعض،  لازم مع بعض  وبتحطيهم في الخلاط أو كابة أي حاجة يعني، وضيفي عليهم شوية مياة صغيرين خلاص”.

وتابعت” بعدين بتلاقية بيعمل زي الماسك، وتحط الماسك على فروة شعرك وتفضلي تدلكي جامد وتحركي الدورة الدموية في دماغك، وتحطيه في أي وقت أنتي عايزة وكل ماتسبيه أكتر بجيب نتيجة أحسن”.

أكدت ” الجاز والتوم والجرجير هما أفيد حاجة للشعر، وكلي جرجير كتير وكلي خضار كتير وكلي فاكهة كتير، الحاجات دي كلها مفيدة  للجسم؛ لأنها بتكون حلوة للبشرة والشعر والجلد”.

وأوضحت أيضاً ” أول ما اشتغلت كنت عاملة نفسي فنانة، وماكنتش بعرف اسم أي نوع من الكريم غير لمة أجيبه، وكنت بجيب كريمات كتيرة أوي ما سيبتش أي نوع من الكريم غير ماجيبته، لأقيت كل ده بينضحك عليه، بيضحكوا على عقول الناس وخلاص، بالعكس ده بيأثر بالسلب على البشرة وبتعحز بدري، خدوا بالكوا أنا مابتعملش خالص غير بكلام الدكاترة، مابحطش أي حاجة على وشي وجرب أي كريم مش عارفة أي ده”.

وصرحت” أحلي حاجة في البني آدم أنه يفضل بطبيعته، الحاجة الوحيدة اللي بعملها  ل وشي، بحط مياة ورد عليه، بصحي من النوم بغسله بغسول معين طبي الدكتور هو اللي كاتبهولي، ساعات بغسل وشي بصابونة طبيعية بزيت الزيتون صاحبتي جايبها من فلسطين زيت زيتون طبيعي وصافي بغسل بها هي أو الغسول، بعدين بحيب قطنة وشوية مياة ورد وبعدين بدهن بها وشي  كله من أوله إلي آخره”.

وأشارت أيضاً” بخلي وشي يشربه، ويفضل عليه وفي ناس بتخب تعمل ماسكات طبيعية كتير دي حاجة مش وحشة كله مفيد مايضرش بس دول عندهم وقت، أنا ك مي الحاجات دي بحطها وأتمني أنكوا تعملوا كده، اللي بيفضلوا يشتكوا من التجاعيد وتقدم سن البشرة، واللي عايزين شعرهم يكون حلو يستخدموا الحاجات دي أنا بستخدمها”.