كلمات شيله يا كنترول سجل دخول

كلمات شيله سجل دخول عاش السعودي وهي شيله وطنيه رائعه للشعب السعودي تتحدث عن عزيمته وبساله جيشه وهي من انواع الشيلات الحماسيه وهي من كلمات الشاعر بندر السهلي واداء المنشد معاذ الحربي.

كلمات شيله يا كنترول سجل دخول 1 3/12/2017 - 6:04 م

ياكنترول سجل لنا اقوى دخول
حسب الدلايل والفعول
فعل السعودي مايزال
حنا ليا ثارت نشوش
ونقلب على البيداء وحوش
وامن الوطن دونه جيوش
بالثياب بالبدال
نقدح طناخه من سطر
ماهمنا درب الخطر
نشرب من الدم الحمر
كانه فناجيل الدلال
ومعاهدين ال سعود
ولانفرط بالعهود
حنا عمى عين الحسود
من دون شك ولا جدال

حنا فدايا أبو فهد
وابشر بعزك والسعد
على العهد على العهد
مانميل لو مال العقال
بارواحنا نفدى البلد
بأكبر ولد واصغر ولد
ولانحسب حساب احد
ناقف على خط القتال
والي يريد الزعزعه
والله ما حنا معه
بالسيف الاملح نردعه
لو كان ابن عم وخال
الجيش عنوان الصمود
هيباتهم هيبات اسود
وحنا جميعاً له جنود
من الجنوب للشمال

ايران هي شر البلاء
على كل الملاء
من قم حتى كربلاء
هي شر لا بده يزال
لكن جيناها سوا
ما للمرض غير الدوا
وندوس ملعون الثوى
في السلم ولا الاحتلال
النار تقدح بالزناد
وتحول الأعداء رماد
صباح ولا فـ الهجاد
ما للهبال الا الهبال

نمشي على كل الدروب  شمال ولا فـ الجنوب
حنا مطانيخ الحروب   رجال لا قالو رجال
والي عبث في ديننا   والله ما يدخل بيننا
ينهان قبل يهيننا   ويداس من تحت النعال
أبشر بعزك يـ المليك  اسلامنا ما به شريك
وحنا صقورك ما عليك   صقور من فوق الجبال
وأسم العروبه نحتميه  لو تطمع الانذال فيه
في وجيهنا قبل الوجيه  نفداه في حال ومال
والحربي بندر قالها   المملكه برجالها
باقوالها وافعالها  ما تختلف في كل حال
كذا المراجل أو بلاش  عاش السعودي عاش عاش
ما عاد في الدعوى نقاش   ياللي تعادينا تعال


قد يعجبك أيضاً

اترك رد

لن يتم نشر عنوان بريدك الإلكتروني.

3 تعليقات
  1. Avatar of خلود الحايطي
    خلود الحايطي يقول

    يا لبيه على الصصوت

  2. Avatar of خلود الحايطي
    خلود الحايطي يقول

    كفو يا ولد عمي

  3. Avatar of
    غير معروف يقول

    تتعتعتع