كلمات أغنية قتل عمد “التنمر” – شيماء مغربي مع على غزلان.. النسخة الأصلية بالفيديو

نوضح كلمات اغنية قتل عمد – التنمر والتي حققت مئات الآلاف من المشاهدات خلال ساعات من إطلاق الأغنية، حيث يشترك على غزلان مع شيماء مغربي في أداء أغنية قتل عمد والتي توضح صعوبة الاستهزاء بالمعاقين أو الذين أصابهم مرض، وكيف أن كلمة الاستهزاء أو السخرية هى بمثابة قتل عمد للشخص المريض، حيث تعتبر كلمات قتل عمد من الكلمات القوية والتي تحث على تقبل كل منا للآخر، واحترام المشاعر والآراء، وان كلمات السخرية هذه أو الكلمات المحبطة تقتل الكثير منا، فالكلمة قوية لدرجة انه تستطيع أن تُحي الأمل في شخص، وبالكلمة أيضا تستطيع أن تقتل الحلم بداخله، وسوف نوضح كلمات اغنية قتل عمد مع استعراض الفيديو.

كلمات اغنية قتل عمد علي غزلان
كلمات اغنية قتل عمد على غزلان
كلمات اغنية قتل عمد

كلمات اغنية قتل عمد

كلمات قتل عمد

جوه قلبك وألا قلبي كلام محدش بيسمعه

ربنا وحده اللي عالم اللي فيه وبيوجعه

متعيرش في حد نقص.. قوي قلبه وشجعه

واسنده خليك في ضهره اوعى حد يوقعه

******************

ربنا لما خلقني وجوه حاجه مني ناقصه

كان بيبعتلك رسالة.. كان بيزرع فيا حكمة

والرسالة انك تكمل اللي ناقص عندي عندك

لو وقعت تشلني رجلك.. لو ضعفت تقويني كلمة

كلمتك ممكن تقرب أو تتطمن أو تشيل

أو تخلي الدنيا أصعب حملها على الروح تقيل

***************

أي واحد حب يجرح أو جه الزمان عليه

كل دي مش قوة لكن ضعف ده بيدريه

هو حس انه ناقص قم يطلع نقصه فيه

وانه مش فاهم بجهله إنها بتترد فيه

حاجه متقللقشي مني لو رفيع أو تخين

برضه مش هيعلى منك لو تقلي كلام مهين

الهزاء مش ضحكة طالعة  تجلي بيه اللي مداري عيبه

والجدع مش عيبه ابداً شكله إيه وألا ابن مين

******************

ربنا من لطفه بيا جابني بس برجل واحدة

كنت بمشي ابدا برجل واحدة وفي ايديا العكازات

كانوا دايما بيندهولي ياللي عاجزة واللي ساندة

انتي شكلك ليه يخوف ياللي مش زي شكل البنات

كنت دايما عندي حالة من التوتر والتعاسة

إني دايما كنت شايف السواد تحت العينين

كل واحد كان بيشوفني يبقى يبقولها بغلاسة

إني مش واحد طبيعي وان شكل المجرمين

*****************

الباروكة مرة وقعت غصب عني في ميكروباص

اللي كانوا جنب مني خافوا مني واخدوا جنب

كل واحد من اللي شافوا نظرته كانت رصاص

ماتوا من الضحك وسابوني عندي كانسر وعندي قلب

حط نفسك يوم مكاني وشوف بقا هتحس إيه

لما حد في يوم يهزر على الملكش ذنب فيه

بقى بيزود همومك يبقى بيحطم كيانك

اللي بتخبيه في شكلك هو بيشاور عليه

باقي كلمات قتل عمد

لما حد في يوم يهزر على اللى ملكش ذنب فيه

يبقا بيزود همومك يبقا بيحطم كيانك

و اللى بتخبيه في شكلك هو هيشاور عليه

اوعى تكسر حد حاسس أنه عايش في الوجع

خلى قلبك يبقا طيب وارحمو خليك جدع

خلى بالك واوعى تغلط يوم بكلمه وتتسمع

و احمى حزن في قلب واحد كان بايدك تمنعو

اختلافنا مش اساسى يبقا عيب قدام عينيك

اختلافنا وضع عادى البشر مش زى بعض

يعنى لما تقول يا سودة تفتكر ههتم بيك

كلنا من نسل واحد كلنا شايلنا ارض

عندى عاهه في وشى لما انا اتخبطت في لوح ازاز

خدت كام غرزة ولقتهم علمو فيا لسنين

كانوا كل الناس يقولوا مش هتنفع للجواز

هو اهبل مين ياخدها وهيا شكل المجرمين

ليه تملى بيجرحونى لما اتهته في الكلام

و انى لو عايز اعبر عن حاجات بحتاج لوقت

كل ما انطق كلمه الاقى ضحك هستيرى وزحام

و اللى فجاءة يقولى يا ابنى عدها تانى

لو سمحت ليه بتدخل تقرأ رائ

ى وانت مش عاجبك كلامى

كل واحد حر يكتب اللى شايفه وحس بيه

مستحيل انت بشتمتك تبقا كسبان اهتمامى

و الغلط بيعيب في صاحبه وانت تغلط فيا ليه

كل واحد فينا عايش نقصه حاجه من السنين

ربنا وحده اللى شالها وهو عارف ليه

و فين الورود لو لونها واحد يبقا مالهاش اى قيمه

و البشر لو شكل واحد يبقا مين هيحس بيها

احنا اسفين لو سمعتوا اى كلمه مش تمام

انتوا لازم تلقو فعلا مننا كل احترام

لو نفكر بس لحظه قبل ما نقول الكلام

و الضمير يحكم لسانه الف حرف ترجعه

و النهايه فكل حاله التنمر قتل حاسم قتل عمد

لكل واحد اتوجع عمرة لسنين

و اللى بيعايب في رسمه يبقا بيعيب في اللى راسم

و انت لما تعيب في شكلى يبقا بتعيب في مين

فيديو كليب قتل عمد

معلومات أغنية قتل عمد

التصوير والمونتاج عمر زكي
الإخراج على غزلان
مؤلف كلمات اغنية قتل عمد تامر عبدالرحمن راغب
مشاركة تأليف كلمات اغنية قتل عمد مصفي حسين
الألحان أحمد راجح
توزيع تيام طارق
جيتار محمد مغربي
الكمان مصطفي العطار
التصميم محمود سرور
هندسة الصوت مهاب اسامه
قد يعجبك ايضا

اترك رد

لن يتم نشر عنوان بريدك الإلكتروني.