كلمات: اغنية اه لو لعبت يا زهر

اغنيه اه لو لعبت يا زهر هى  واحده من أكثر الاغانى استماعا في الشارع المصري  هذه الايام وهى  احدث اغانى   للفنان الشعبى   أحمد شيبة وحققت نجاح  باهر  جداً  خصوصا على  موقع  يوتيوب  وسجلت أكثر من 30 مليون مشاهده  والاغنيه هى    من  فيلم  اوشن 14  و بعد النجاح الباهر  للاغنيه ظهر الفنان أحمد شيبة بعد ذلك في أكثر من برنامج  توك شو وكان ضيف   برنامج   ليله سمر  التي  تقدمه الاعلاميه سمر على  قناة ام بى سى مصر وقامت خلال الحلقه بمحاوله احراج  الفنان أحمد شيبة أكثر من مره  عندما قالت له انت  كنت بتشتغل سمكرى عربيات    فقال لها  لا انا مش سمكرى انا كنت بساعد صديقى وكان هو بيحاول يعلمنى بس انا مش سمكرى  فقامتبأعاده السؤال مره اخرى مما جعله يرد عليها  ويقول لها  ده شئ يشرفنى انى اشتغل سمكرى  وبعد ذلك أظهرت له صوره  للفنان  العالمى  ليوناردو دي كابريو   في حفل الاوسكار ومكتوب عليها  اه لو لعبت يا زهر  وسألته هل  تعلم من هذا   فأجاب لا مش عارف  قالت له طب تعرف الاوسكار  فقال ايوه  انتى بتقللى منى ولا ايه ايوه طبعا اعرف الاسكار واعر حفلات وجوائز الاوسكار   فقامت  بأرسال  له ورقه  مكتوب عليها   اسم اخر افلام الافنان ليوناردو دي كابريو  وقالت   ياريت تقرأ المكتوب وتجأول   فلم يستطيع  قراءه  اسم الفيلم    واليوم نقدم لكم  كلمات الاغنيه

كلمات: اغنية اه لو لعبت يا زهر 1 22/3/2016 - 3:57 م

اللي له قرش مابينامش ما بالك بقى باللي عليه
ملعون أبوك يا فقر يا حاوجني للأندال
ذليت عزيز النفس عشان عديم المال
ملعون أبوكي يا عوزة ذلة السؤال قتال

آه لو لعبت يا زهر واتبدلت الأحوال
وركبت أول موجة في سكة الأموال

أروح لأول واحد احتاجتله في سؤال
كسر بخاطري ساعتها ودوقني ضيقه الحال
أعمل معاه الصح انا وأسنده لو مال
وأقف جنبه في المحن وأكون طويل البال
وأعرفه أن الفلوس مبتعملش رجال
والحوجة مرة وياما بهدلت أبطال

بس خلاص انا نفسي اتسدت
بعد ما ايدي للواطي اتمدت
كنت عامل خدي مداس بحب الخير لكل الناس
بقيت ع التراب بنداس ناس تخوني وناس تبيعني

الدنيا كانت ولا فارقة مشيلتش انا قرش في زنقة
كل أما اتمنى حاجة تضيع، أضحك دقيقة أحزن أسابيع
زهقت من كتر الترقيع ومش لاقيلي بر أرسى
عشت الحياة بكل سذاجة مطلعتش م الدنيا بحاجة
وهو مين واخد حاجة ما كله هيسيبها ويمشي


تابع نجوم مصرية على أخبار جوجل
اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.