كلمات اغنية “أحمد مكي” الجديدة “أغلى من الياقوت” والتي حققت أكثر من 5 مليون مُشاهدة

أطلق الفنان المصري أحمد مكي أغنية جديدة لتنضم إلى مجموعة الأغاني التي قدمها النجم المصري الكبير وهي الأغنية التي يتحدث فيها أحمد مكي مع ابنه موضحا بها مجموعة من النصائح وقد حملت الأغنية عنوان “أغلى من الياقوت” هذا وقد نشرها أحمد مكي على قناته على اليوتيوب والتي تحمل إسم Mekky Music هذا وقد حظي الفيديو الخاص بالأغنية وفي أقل من 4 أيام مُنذ إطلاق الأغنية في الـ 18 سبتمبر 2018 على حوالي 5 مليون و600 ألف مُشاهدة حتى وقت كتابة هذا المقال إليكم والذي نستعرض فيه كلمات أغنية أغلى من الياقوت أغنية الفنان أحمد مكي الجديدة 2018.

كلمات اغنية اغلى من الياقوت

أغنية أحمد مكي الجديدة أغلى من الياقوت

هذا وقد قدم الفنان المصري أحمد مكي مجموعة من الأغاني التي تحمل كلمات رائعة ولكن تعد هذه الأغنية هي الأقوى بين كافة الأغاني التي قدمها أحمد مكي حيث يوجهها أحمد مكي إلى ابنه وهي تحمل مشاعر كل أب نحو ابنه كما حملت الأغنية كلمات رائعة تجعل الكثير ممن يسمعونها يشعرون بقشعريرة من جمال كلماتها. هذا وقد قدم أحمد مكي العديد من الأغاني قبل أغنية “أغلى من الياقوت” مثل أخر شقاوة – وقفة ناصية زمان – الحاسة السابعة – منطقتي – قطر الحياة – طرقت بابك -.. وغيرها من الأغاني الرائعة.

كلمات أغنية أغلى من الياقوت أغنية أحمد مكي الجديدة 2018 

ونستعرض فيما يلي كلمات أغنية أحمد مكي الجديدة والتي حملت اسم أغنية “أغلى من الياقوت”

يوم ميلادك يوم ما للدنيا إنت جيت أول علاقتي بيك صوتك ما بيني وبينك حيط
سمعت صوتك إستغربت إتلخبطت إتشديت قلبى إتنفض ما بين ضلوعي وم الفرحة بكيت
أول ما شفتك الدنيا لفت بيا، ربى حبنى ووهب ليا من عنده هدية
سرحت فيك ساعات فيك منى كتير حاجات، يا رب تاخد مني بس الحلو في الصفات
وفي وسط زحمة فرحتى فجأة هجم سكات مخلوط صور أبيض في أسود من إلى عشته ومن إلى فات
يمكن عشان الضلمة في طفولتي كانت أكتر من نور، عيل صغير قال بسم الله وقام يعدي في بجور
مش شايف شط أو ميناء لآخر البصر مافيش أمل كان نفسي في حد يعلمني وينصحني ويبقالي المثل
ربك حماني وإتولاني برحمته مافيش جدل بعد ما كل سكة إتسدت وإسودت والباب قفل
يا رب يا كريم إهديني وقويني ووفقني لسكة تربيته على الشىء السليم
عارف إني مش مثالي بس طمعان في كرمك تخلى حاله أحسن من حالي
وانا أوعدك يا رب هحاول أبقى أحسن أب وأديه إلى ما شفته في نهر طفولتى إلى نضب
كل يوم بيعدى وأشوفك فيه بتكبر بتفاجىء إن صفاتى بتظهر فيك أكتر وأكتر
إبتسامتى وضحكتي والمشي وحتى تكشيرتي حتى نومتك رجل فوق رجل دى نسخة من نومتي
قبل وجودك الدنيا ماكنتش فارقة معايا، قلبى ده كان خلاص قلب حجر دى مش كناية
جلدي تخن من قسوة الدنيا ومُر الحكاية بقيت زعلان على الشخص إلى شايفه في المراية
لحد ما إنت جيت غيرتني وكنت الهداية، فتحت بإيدك كل أبواب الرحمة جوايا
لما بحضنك وأحس دقة قلبى جنب قلبك مية في المية ما حبتش في الدنيا قبلك
لما بحضر أول مرة ليك في أى حاجة قلبي بيرفرف وأحس بألف حاجة وحاجة
إحساس غريب جزأ مني إتحول إنسان بيزعل وبيفرح وبيزرع جوايا الحنان خايف عليك من الدنيا يا إبني مالهاش أمان
وبدعي ربنا يحميك ويصونك هو الرحمن كتبت رسالة ليك عشان لو قدري وقته حان ومش مكتوب ليا أكون جنبك لآخر الإمتحان
عاوزك تكون صاحب عزيمة فولاذ حديد مهما الدنيا تحبطك صمم خليك عنيد خليك واثق في نفسك عن حلمك إياك تحيد
مهما إسود الليل وطال هيطلع فجر جديد، عاوزك لربك شاكر وجهد الناس تقدر وإوعى تظلم مهما كنت قادر ربك أقدر
إوعى تفضح عيب إنسان لو ربك ستر، كما تدين تدان ما تضمنشى القدر لو قلت كلمة حق والناس قامت عليك كأنهم قالولك مبروك تسلم إيديك
عشان الكلب الميت ضربه مش مطلوب لكن لو كان شجر مثمر بيتحدف بالطوب لو يوم ذنوبك تقلت إرجع لربك توب
ربك لو حبك هيحبب فيك كل القلوب ساعات بسرح وبسأل نفسى والدماغ تفكر يا ترى حتبقى فعلا ضهري لما أكبر
لما العجز يبدأ ينهش فيا ويجور عليا في عز إحساسى بضعفي هيكون قلبك عليا
لما اللسان يتقل والكلام يصبح بطىء وأعيد نفس الكلام أكتر من مرة، أرجوك تطيق يا ما طلبت منى أعيد حكى الحدوتة كتير
وفي كل مرة أعيدلك قلبى كان بيطير، لما تلاقيني قدمت ومش مواكب عقل جيلك ما تركنيش لجهلي علمني من غير ما أجيلك
خليك عنيا نورلي طريفي لمنتهاه وإفتكر إني من علمك معنى الحياة
لما أبطّل أمشى لوحدي خطوتين لما أكون أضعف إنى أشرب من غير مُعين لما تموت الذاكرة وبالعافية أعرف إنت مين
وجودك جنبي كفاية لحد ما يجيلى اليقين
كلمتين هقولهم عندي أغلى من الياقوت كنت معاك يوم ولادتك عايزك جنبي يوم ما أموت.