كلمات أغنية المدينة مكتوبة كاملة غناء زاب ثروت

كلمات أغنية المدينة مكتوبة للمطرب أحمد ثروت أو كما يعرفه الجميع بـ (زاب ثروت) مغنى الراب والشاعر الغنائي الموهوب في عالم الموسيقى طرح زاب ثروت ألبومه الجديد الذي يحمل اسم “المدينة”، عبر قناته الرسمية على اليوتيوب، اليوم الجمعة 20 أبريل. وأوضح زاب عبر حسابه على الفيسبوك، ما قاله حول البومه الجديد (ألبوم #المدينة مع ساري هاني.. بنحاول نعكس فيه واقع حياتنا في المدينة من يأس وخوف لعنف وصدام لحب وسعادة لمشاعر كتير مختلفة.. إتفرجوا عليه وقولولنا رأيكم..) كلمات أغنية المدينة غناء الراب: زاب ثروت، غناء الكورس: انجي نظيف.الأغنية لاقت انتشار واسع فور نزولها على قناة زاب ثروت على اليوتيوب. البوم المدينة طال انتظاره من قبل جمهور زاب ثروت، نقدم لكم عبر موقع نجوم مصرية، كلمات الأغنية الرئيسية التي تحمل اسم الألبوم “المدينة”

كلمات أغنية المدينة زاب ثروت

كلمات أغنية المدينة مكتوبة 

صباح أو مساء الخير حسب توقيت سماعك

الأغنية عن كل شخص قابلته في المدينة وباعك

أو المدينة نفسها وكل ركن فيها وزاوية

لكل محطة مترو زحمه أو في أخر الخط خاوية

لكل طفل راح مدرسته أتعلم بفي شاطر

لكل شاب في جامعه لكل محاضراته حاضر

ولأحلامهم اللي طارت رغم السهر والتعب

لكل فرصه أتسرقت لكل حق أتنهب

لكل فرد وذكري كانوا جزء من المدينة

اللي لسه بنحبها رغم أنها ضحكت علينا

من بعيد أكيد جمالها راح يسحر عينيك

مش لوحدك ياما غيرك داقوا سحرها قبليك

اللي شاف في دروبها حلم وقال في يوم يقدر يطول

واللي عاش العمر كله في وصفها يقول

نام في أحلامه الجميلة راح يفوق على زيف وغش

اللي ساب الريف في بلده وفي المدينة هيبني عش

المدينة بألف وش بتضحك بس في البراويز

ياما هدت من الرجال ياما ذلت ميت عزيز

مش بعيد أكون وحيد في وصفي وكلامي عنك

ياما غنولك أغاني وياما شهدولك لكنك

مش جميله رغم ظنك أو جمالك مش حقيقي

مش عميقة رغم سنك لو قارنتي سني بيكي

أو يمكن أنا مش لاقيكي في وسط الزحمة والمساكن

أو يمكن أنا مش هاويكي مع إني فيكي ساكن

***********************

بكفياكم غش فينا

اظهروا حقيقة المدينة

بكفياكم غش فينا

اظهروا حقيقة المدينة

***********************

مسجون في قلب أحلام الناس البسيطة الطيبين

اللي أيامهم تعيسة اللي أحزانهم سنين

والغريبة مصدقين إن بكره مسيره جاي

إن شمسك يوم هتشرق راح تنور كل حي

بس أي حي فيهم راح تزور الشمس أرضه

اللي فكل متر عيله ولا اللي بجنينه اللي بعده

انزل لف في الشوارع صور الحقيقة بعنيك

بالحقيقة مش قصدي صوره لشيخ عجوز صعبان عليك

يطبعوا صورته في مجله وينسبوا الفضل ليك

يكتبوا مقال طويل ويقولوا فيه ده قال وفضفض

والحقيقة انه ساكت بس عنيه فضلت تعيط

قالوا دي دموع الفرح والرضا والانبساط

والحقيقة ابتسامته بتسخر منكوا وفي سكات

مش كفاية علينا كذب كفاية تأليف قصص

زى صور العيال اللي هربت من الحصص

مش عشان يلعب يزوغ لا هيروح الشغل بدري

اللي نجار واللي يجري يوصل للبيوت حاجات

واللي كفران بالساعات اللي كفران بالساعات

وبيسألوا هوا ليه الطفل جوا الطفل مات

أو أمل اللي كانت بنت حلوه صغيره

نفسها تكبر تكون انسانه ومتقدره

بس الناس شايفاها لحمه شايفه وسط وجوز عينين

اللي سليط اللسان واللي كلامه بالايدين

وبيسألوا مين السبب السبب في الكدابين

***********************

بكفياكم غش فينا

اظهروا حقيقة المدينة

بكفياكم غش فينا

اظهروا حقيقة المدينة

***********************

بكفياكم غش فينا اظهروا حقيقة المدينة

اللئيمة اللي على أحلام ولآدها ما كانت أمينه

قالوا من الحب اللي يقتل لما يطول قلبي وعقلي

وأنتي قتلتيني بسهوله زي مقاتلتي اللي قبلي

***********************

إقرأ أيضاً

أغنية لو بس تسمعيني مكتوبة كاملة زاب ثروت  ألبوم (المدينة)

شارك زاب في ألبومه الجديد مجموعة من المطربين، منهم محمود العسيلي وحمزة النمر، وأمير عيد مطرب “كايروكي” والمطرب الشعبي طارق الشيخ والمطرب هاني الدقائق.