كلمات أغنية الغربة مكتوبة كاملة من ألبوم المدينة لزاب ثروت مع أمير عيد

كلمات أغنية الغربة مكتوبة، للمطرب أحمد ثروت أو كما يعرفه الجميع بـ (زاب ثروت) مغنى الراب والشاعرالغنائي الموهوب في عالم الموسيقى طرح ألبومه الجديد الذي يحمل اسم “المدينة”، عبر قناته الرسمية على Youtube، اليوم الجمعة 20 أبريل. وأوضح زاب عبر حسابه على Facebook رؤيته حول البومه الجديد (ألبوم #المدينة مع ساري هاني.. بنحاول نعكس فيه واقع حياتنا في المدينة من يأس وخوف لعنف وصدام لحب وسعادة لمشاعر كتير مختلفة.. إتفرجوا عليه وقولولنا رأيكم..)  موضوع الأغنية جيد ورسالة لمن عاش حياته في الغربة.

كلمات أغنية الحرب مكتوبة

كلمات أغنية الغربة مكتوبة

شاب بسيط بيحلم انه يبفي حاجة

من منطقة شعبية فيها ناس كتير محتاجه

زمان قبل ما نعرف التمييز والطبقية

زمان قبل تفريق الناس طبقات بعنصرية

مش هقارن ما بين زماننا والحال أيامه

دلوقتي قيمة الشخص بفلوسه مش باحترامه

سافر الولد برا البلد علشان يأمن مستقبله

واتفي ربنا في شغله ورزقه من أوله

عدت سنتين وأتجوز أحلى بنت شافتها عنيه

من أول مرة شافها دعي ربنا تبفي ليه

وبدأوا بيت صغير طوبة طوبة واحدة واحدة

كانت هيا سنده في برد الغربة والوحدة

وقوام ربنا رزقهم بأحلى بنت في البنات

والرزق زاد بعدها بتلات أخوات ولاد

والبيت كبر ودفي والغريب نسي غربته

بفي في وطنه حضنهم وفي لقاهم فرحته

غلطته انه نسي إن الفرحة مش بدوم

المرض عرف طريقهم بفي بيزورهم كل يوم

الموت قرر يختار أكبر ولد من ولاده

مابيتأخرش عمره بيجي في وقته وفي معاده

ويادوب قدروا يفوقوا من الصدمة اللي كانوا فيها

والموت خطف الصغير في الزيارة اللي بعديها

والحرب قامت في الخليج سنة تسعين

راجعين بكفايانا نعيش متغربين

************

الغربة حال مابينتهيش

بنتولد وفيها نعيش

مابين غريب جوه بلادي

وبلاد كتير ماتخصنيش

************

بداية جديدة في مدينة محدش فيها ساكن

سموها نصر صحرا واسعة وشوية مساكن

حاول وعافر دور بس الفرصة مش متاحة

ماليش مكان في بلدي قالها لنفسه وبصراحة

أتغرب ثاني وساب حبيبته للأولاد

في كل سبت كانت مكالمة طويلة في المعاد

يطمنهم عليه ويحكي أزاي بيوحشوه

ويرد عليه ولاده يقولوا نفسهم يشوفوه

الغربة مش اختيار لما يكون مفيش حلول

عمر الفراق ما بيقصر دايما بيزيد يطول

وبنفتكر الهدايا راح تعوض الحبايب

مين قال الهدايا تحل محل الغايب

مرة جواب في صورة مرة شريط في قصة

كل دة مش كفاية أصلك واحشهم لسه

والعمر بيجري طاير زي جري حبيبه ابنه

ورا تاكسي رايح عالمطار زي التاكسي اللي قبله

كان كل مرة يبكي لما أبوه يروح يسافر

وينام في حضنه لما يرجع ايوه أنا لسه فاكر

أنا فاكر كل كلمة كل تفصيلة وثانية

أصل دي حكاية أبويا مش أي حكاية تانية

تشبه في الحكاوي ياما ناس كتير متغربين

اللي سافروا من شهور واللي هاجروا من سنين

والقصة مش بتخلص أصل الغربة في دمنا

جيل بيسلم جيل وأكيد حنسلم اللي بعدنا

************

الغربة حال مابينتهيش

بنتولد وفيها نعيش

مابين غريب جوه بلادي

وبلاد كتير ماتخصنيش

************

قبلنا ومننا ياما حلموا ناس كتير

حلم بأرض خضراء واسعة وخير في الكون ملوش مثيل

ولما صحيوا من منامهم لقيوا كل الأرض بور

فتحوا عنيهم في الضلمة ضلمة العقول

اللي في الصخور يكسر واللي منهم قال يقصر

اللي قصر قام مسافر واللي حاول بعده حصل

في النهاية دي رسالة كلها تقدير لوالدي

عاش حياته بيفني عمره علشان أقول عندي وعندي

************

شارك زاب ثروت في ألبومه الجديد مجموعة من المطربين، منهم محمود العسيلي وحمزة النمر في أغنية “الصحاب”، وأمير عيد مطرب “كايروكي” والمطرب الشعبي طارق الشيخ وهاني الدقائق.