كلمات أغنية الصحاب مكتوبة غناء زاب ثروت وساري هاني مع حمزة نمرة مكتوبة كاملة

كلمات أغنية الصحاب مكتوبة للمطرب أحمد ثروت أو كما يعرفه الجميع بـ (زاب ثروت) مغنى الراب والشاعرالغنائي الموهوب في عالم الموسيقى طرح ألبومه الجديد الذي يحمل اسم “المدينة”، عبر قناته الرسمية على Youtube، اليوم الجمعة 20 أبريل. وأوضح زاب عبر حسابه على Facebook رؤيته حول البومه الجديد (ألبوم #المدينة مع ساري هاني.. بنحاول نعكس فيه واقع حياتنا في المدينة من يأس وخوف لعنف وصدام لحب وسعادة لمشاعر كتير مختلفة.. إتفرجوا عليه وقولولنا رأيكم..)

كلمات أغنية الحرب مكتوبة

كلمات أغنية الصحاب مكتوبة

زمان وقت الطفولة الحلوة وأيامنا الجميلة

كان عمري عشرة اتناشر مش اكتر من كدة

عرفت كريم صديفي اللي من أيام الصبا

أخوات مش أصحاب يمكن تقول علينا

يفرقنا بس الشكل والاختلاف اللي في اسامينا

نفس حب الكورة فينا ولعبها اللي بالساعات

هتلم فرقة هلم فرقة ونلعب على التيشرتات

ياما في مدخل العمارة سهرنا علشان الوقت اتأخر

والصبح للأتاري اليوم في ثانية كان يتبخر

في الشتا كنا نتقابل بعد خروج المدرسة

تكمل العصابة بينا وننزل ثاني على العشا

في اللي منا هادي عاقل واللي صوته عالي هيصة

واللي ملهش في المشاكل واللي خناقاته عويصة

واللي من صحابنا بعدوا عشان سجارة جديدة غير

لفوا مهما لفوا تاهوا رجعوا لان ملكش غير

كشك عبده كان مجمع جمبه من الحبايب ألف

كنا كتير وما حد غايب واللي يغيب أكيد في ظرف

في الفرح دايما جماعة ومينقصش منا واحد

في العزا تلقانا صف كتف في كتف وضهر واحد

الزعل ما بينا نادر كلمة أسف كانت تدوب

أي خصام مابينا كان وجمب اخويا إياك تهوب

ايوة عيلة بدون روابط الأسر والقرايب

أختك أختي واهلك أهلي في وجودك أو كنت غايب

********************************

صحاب أصلية فقرية دماغهم مشكلة

رجولة ومية مية دول عشرة قديمة مكملة

لو فين أراضينا حاسين ببعضينا

كبرت وشوش بس القلوب جدعان متغيروش

********************************

عايز احكيلكم عالسعادة والأيام الحلوة بينا

البوم عمرو في المعمورة قبل راس سدر ومارينا

العربية حمولة خمسة بس راكب فيها سبعة

بنسافر الصبح بدري وبنرجع بالعافية في تسعة

الحكاوي قبل نومنا نفضل باليومين صاحيين

الشاليه لو اوضة واحدة عادي يكفي أربعين

فرقت الجامعة بينا باختلاف مواعيدنا

واتخرجنا بسرعة منها بس كنا خلاص بعدنا

صوت الجيش عمال ينادي اللي داخل واللي أجل

واللي أخد الأعفا دغري ولمعاد الفيزا سجل

كبرت الدنيا علينا والمكالمة بالمعاد

أصل فلان هاجر لكندا وفرق التوقيت بالساعات

هما أتنين تلاتة بقيوا في الوصال والاتصال

ونقول الدنيا تلاهي وكل واحد حاله حال

وفي يوم أبويا تعب كنت هموت من الخوف عليه

القدر يعمي البصر طب هتصرف اعمل إيه

فكلمت أول نمرة من صحابي كنت فاكرها

حس بيا واللي فيا من مكالمة وفي أولها

ونصف ساعة وكان تلاتة من صحابي قصادي جم

زادوا اكتر بعد ساعة ايوة دول صحابي اهم

ورجعنا ثاني صف واحد كتف في كتف وضهر واحد

كل أخواتي كانوا جنبي ومنقصش منا واحد

قام أبويا بعدها كانوا سندي وقتها

والحكاية دي حقيقة والله مألفتها

********************************

صحاب أصلية فقرية دماغهم مشكلة

رجولة ومية مية دول عشرة قديمة مكملة

لو فين أراضينا حاسين ببعضينا

كبرت وشوش بس القلوب جدعان متغيروش

********************************

شارك زاب في ألبومه الجديد مجموعة من المطربين، منهم محمود العسيلي وحمزة النمر في أغنية “الصحاب”، وأمير عيد مطرب “كايروكي” والمطرب الشعبي طارق الشيخ وهاني الدقائق.