كلمات أغنية السعادة مكتوبة من ألبوم المدينة لزاب ثروت وساري هاني مع محمود العسيلي وإنجي نظيف

كلمات أغنية السعادة مكتوبة للمطرب أحمد ثروت أو كما يعرفه الجميع بـ (زاب ثروت) مغنى الراب والشاعر الغنائي الموهوب في عالم الموسيقى طرح ألبومه الجديد الذي يحمل اسم “المدينة”، عبر قناته الرسمية على Youtube، اليوم الجمعة 20 أبريل. وأوضح زاب عبر حسابه على Facebook رؤيته حول البومه الجديد (ألبوم #المدينة مع ساري هاني.. بنحاول نعكس فيه واقع حياتنا في المدينة من يأس وخوف لعنف وصدام لحب وسعادة لمشاعر كتير مختلفة.. إتفرجوا عليه وقولولنا رأيكم..)

كلمات أغنية السعادة مكتوبة

بنزول الميت في الكوبية
أنا بدأت افهم
فشوقت النصف ألفاضي منها
فاستغربت بضحك
بضحك على الأيام اللي عدت في الحزن واليأس
وكأني ولا شافي نصها المليان فلا بأس
عادي مش مهم عدت مش هتكسر
عرفت أسباب كتيرة علشانها لازم ابتسم
وشوفت أزاي بكلمة واحدة البسمة ممكن تترسم
زي كل سنة وأنت طيب مبروك ونورتنا
ياريت نشوفك ثاني وتبفي واحد مننا
وأديني بفتكر وازاي أنا كنت بشتكي
وأقول ده العمر عدي فات ده إحنا لسه بنبتدي
هفكركوا واحدة واحدة يا ريت تستحملوني
اوعدكوا بابتسامة لو كملتوا تسمعوني
فاكرين أجازة أخر السنة كل سنة
وحلاوة النجاح لما تنجح أنت وأنا
وحلاوة النجاح لما تنجح أنت وأنا
******************
ياه حلاوتنا لما نرضي بحياتنا
ياه وقلوبنا فاتحينها لخلق الله

ياه حلاوتنا لما نرضي بحياتنا
ياه وقلوبنا فاتحينها لخلق الله
******************
أنا فاكر المحبة والعشرة والصحاب
والكورة الساعة ستة والشورت والشراب
وحوش المدرسة في الفسحة مليان بالصحاب
والشنطة قاسمة ظهري وفيها مليون كتاب
ايوة فاكر عيد ميلادي والتورتة والشموع
واللعبة دي عايزها واقعد أعيط بالدموع
وعيد ورا عيد بيجي طب فين العدية
يا بخت عم محمد البقال اللي تحتيا
خلصت فلوسي كلها على البوظو واللوليتا
مبروك البوية الجديدة مكتوبة على كل حيطة
ذكريات كتير عبيطة بس كانت أيامنا حلوة
أيوه كانت أيامنا حلوة والمشاكل كانت بسيطة
كلما نكبر اكتر تكبر همومنا تزيد
بقيت إنسان جوه منه محبوس طفل مش سعيد
الدنيا بتاخد فينا وتودينا وتنسينا
ونروح نتوه ندور على السعادة وهي فينا

اه بحب السعادة وبحب اللي بيسعدوني
وبحب اللي وقفوا جنبي لما غيرهم كسروني
وبحب المزيكا لما تعلى في العربية
وبحب ليلة العيد والسهر على مسرحية
وبحب لما اللمة تكمل بينا على الغدا
وبحب سهر الصيف وبحب برد الشتا
وبحب المدرسة وصحابي اللي بقيوا منها
وكل حاجة بسيطة بنحبها وناسينها
******************
ياه حلاوتنا لما نرضي بحياتنا
ياه وقلوبنا فاتحينها لخلق الله

ياه حلاوتنا لما نرضي بحياتنا
ياه وقلوبنا فاتحينها لخلق الله

******************

شارك زاب في ألبومه الجديد مجموعة من المطربين، منهم محمود العسيلي وحمزة النمر في أغنية “الصحاب”، وأمير عيد مطرب “كايروكي” والمطرب الشعبي طارق الشيخ وهاني الدقائق.