خبز الطاسة المحمر بالثوم طعمه لذيذ ورائع ممكن نعمله للأطفال زى الشيبسى وللكبار إلى بيحبو العيش المقرمش وممكن لو يوم عاملة كشرى حلو زى بتاع المطاعم المشهورة حمرى شوية عيش بالثوم وحطيه جنب الشطة والدقة حتبقى الوجبة رائعة ومضمون نظفتها والطريقة سهلة جداً وأكيد بعد ما تشوفي الموضوع حتقولى الوصفة سهلة الوصفة هايلة وهى فعلا كده بس يلا قومى وحمرى شوية وحطيهم للأسرة سناك زى الفيشار والشيبسى
المزيد
طريقة عمل خبزالطاسة المحمر في بالثوم:
المقادير
1-خبز شامى أو بلدى أو فينو
2- كوب زيت عباد أو زيت ذرة
3- ثوم مهروس
4- ملح وكمون -او ملح وفلفل
الطريقة :
قطعى العيش قطع صغيرة وحطى الزيت في الطاسة وسبيه يسخن وبعدين ضيفي الخبز المقطع وقلبيه ثم ضيفي الثوم وقلبى مرة تانيه لغايه لونه ما يحمر ويتحمص وبسرعة خرجيه من الطاسة وحطيه في مصفي أو على مناديل مطبخ علشان تمتص الزيت الزيادة
سبيه يبرد ورشى عليه الملح وقدميه لأسرتك مع الكشرى أو وانتم بتتقرجوا على التلفزيون لذيذ ومغذى وبالهنا والشفا
