حوار نجوم مصرية مع الشاعرة إيمي الحسن

اليوم وفِي حوار خاص جدًا وصريح جدًا و أكثر من شيق مع كاتبتنا وشاعرتنا الملقبة بملكة الرومانسية ( إيمي الحسن)، من لندن، تعرفنا عليها من قبل علي أشعارها وكتاباتها التي تأخذنا لدنيا الحب والرومانسية، ثم أعظم الكلمات الوطنية، شاعره من نوع آخر مازلت تحلم بالحب لأنها شاعرة من زمن الحب.

حوار نجوم مصرية مع الشاعرة إيمي الحسن 1 9/7/2020 - 6:30 م

اليوم نحن نحاورها ونسألها وتجيب لنا بكل وضوح وصراحة وتخصنا بهذا الحوار .

١–هل لملكة الرومانسيه أن تعرفنا أكثر من هي ( أيمي الحسن )؟؟؟

أنا أسمي الحقيقي أماني الحسن،  بس طول عمري معروفة باسم أيمي، مصرية الاصل بس عايشه ومقيمة في بريطانيا 

طفولتي كانت جميلة جدًا في وسط اهلي بالإمارات نشأت، ودرست وحياتي مع اهلي خلصت دراستي الجامعية، فتحت شركة بالإمارات بمساعدة والدي وكان سني صغير. 

كنت من سن ١٤ سنه اكتب خواطر  شعر بسيط،  ابتديت اقول بين ناسي وأصحابي وأهلي عجبهم جدًا شجعوني حاولي تنشري في مجلات أو جرائد وبالفعل عملت كدا في محلات وبعض الجرائد بالامارات، لقيت الموضوع يتطور معايا وموزون أكثر ًوشويه حرفية مع التشجيع والإصرار من من هم حولي من كل احبابي وأصدقائي بأن أجمع كتاباتي بكتاب وبالفعل عملت كدا 

وأصدرت لان الحمد لله أربع كتب 

هم ، غير آمن عاطفيًا

مرارة ربيع الحب 

خيانتك سر قوتي 

جبروت أنثى 

وباذن الله الخامس  أحاول أخلصه لكن الظروف اللي العالم فيها لم اتشجع حالياً. 

٢–ممكن نعرف الكتاب الجديد عباره عن ايه ؟

هو بصراحة مختلف لانه رواية مجموعه قصص من واقعنا  بس بطريقه مختلف .

٣–لمن تقرأين من الشعراء ؟؟

أولا انا من مدرسه نزار قباني 

ممكن انا كلماتك وإحساسه الصادق هو وصله لي بمنتهى السلاسه، طبعا فاروق جويدة، عبد الرحمن الأبنودي، أحمد شوقي، أحمد فؤاد نجم ، أمل دنقل؛ ومن سوريا سمر علوش معين بسيسو، سعاد الصبح، خالد الفيصل مع الاحتفاظ بالألقاب كثيرون احب القراءه عموما . 

٤–هل مازال الناس تحب وتقرأ الشعر كما السابق؟

طبعا الكثير بيحب الشعر ويتذوقه الناس اكيد رغم الظروف الصعبه بتتمني تسمع او تعبر عن اللي جواها بكلمه حلوه او احساس حزن صادق بيطلع، دي مشاعر جوانا بتترجم على الورق والدليل على كلامي. إن تاريخنا البشري مليء بالشعر من الأزل، الشعر لم يهجرنا بل نحن هجرناه.

٥–معروف من كتابات واشعارك وخواطرك بتلمس ناس كتيره ودا واضح من كتاباتك كيف ذلك؟

الموضوع بسيط جدا جدا لاني انا اكتب بطبيعتي من تجارب شخصيه  ومن واقع الحياه مثلا حد يحكى لي حصل له موقف ما حزن حب فراق اشتياق، كل المشاعر عموما بعيش انا الحالة فورا واتقمصها وأتخيل نفسي فيها واكتب علشان كدا القراء المحترمين الاقيهم يبعتوا لي انتي بتكتبي احساسنا وكأنك عايشه معايا، طبعا باكون في قمة سعادتي لان قدرت أترجم الإحساس دا .

٦– ما هو الوقت والمكان المناسب لكتاباتك  ؟

مفيش اَي شاعر له وقت معين لان دا احساس وكلام بخطر على بالك فجأه ضروري معايا قلم وورقة واكتب فورا اه ممكن اكمله بعدين بس حتى ولو رؤوس اقلام 

لكن المكان انا احب جدا عند البحر وقت الغروب مكان هادي 

انا اعشق هذه الأجواء، الشاعر فينا لا يعمل على تجميل العالم كما يظن البعض ولسنا مطالبين ان نقول الحقيقه بل احيانا نجملها .

٧– معليش طولنا على شاعرتنا الجميله سؤال أخير عن حياتك الشخصية هل متزوجة ؟

كنت متزوجه زوجي الله رحمه ويسكنه الجنه، كان انسان عظيم بمعنى الكلمة كان بيشجعني ومؤمن بي وفر لي كل الأمان كان السند ابو ابني وحيدي محمد، ومن بعده ابني هو عائلتي الصغيرة  وأخذ مني حبه للشعر ودائما أخذ رأيه وبيقول بصراحة دا كويس دا مش حاسه وانا باحبه ينتقدني جدا

٨– سؤال آخير ،، ملكه و شاعرة الرومانسيه هل الشاعره بالضروري أن تعيش قصة حب ؟

حضرتك هو الحب عموما غذاء الروح هو عندي الحياه 

٩– معنى ذلك شاعرتنا بتصرح أن في حياتها قصة حب  جديدة؟؟

لا خالص انا مقلتش كده باقول بيكون شيء جميل طبعا لو أنها تعيش قصة حب وده شيء جميل للشاعر انه يفضل انه يعيش الجو الرومانسي والحب بين الطرفين دا بيساعد طبعا على الكتابة. 

انا حاليا عايشه الحب في خيالي الي ان يشاء الله ومين عارف بكره فيه ايه ، أنا شخصيا جريئة في كتاباتي عن المرأة وحقوقها وعن الحب ،، ولا حياة ولا طعم للحياة بدون حب .

—- شكرًا جزيلا شاعرتنا ملكة الإحساس علي حديثك الشيق معانا ووقتك نتمنى لكي التوفيق 

ومنتظرين الجديد،،

—- أنا اللي ميرسي جدا  استاذ مصطفي  علي ذوقك وحضورك واسئلتك الجميله لك كل التقدير .