أفضل طريقة لتنظيف البشرة في المنزل والنتيجة ستدهشك

أفضل طريقة تنظيف البشرة في المنزل,  تعالي  أقولك إزاي تعملي تنظيف للبشرة من غير ما تروحي بيوتي سنتر أو كوافير وكل اللي يشوفك.يقولك انتي منورة وكل ده وأنتي في البيت وتشوفي بنفسك نضارة البشرة وده من خلال تنظيف الوجه اللي بتقومي به بنفسك بخطوات سهلة وبسيطة.

تنظيف البشرة في المنزل

تنظيف البشرة في المنزل

أنتي فاكرة أنك بمجرد ما تغسلي وشك بصابونة أو حتى بغسول كد بتكوني عملتي تنظيف للوجه لكن الحقيقة غير كده بالطريقة دي انتي بتكوني عملتي تنظيف للوجه بس بشكل سطحي وسبتي حاجات كثيرة جوه بشرتك ودي اللي بتسبب كل المشاكل والحبوب والبثور اللي بتشوه جمال البشرة وكمان جلد ميت من عوامل الجو والشمس ودهون متراكمة وأتربة وأملاح وترسبات من أستخدام الصابون والميك آب وغيرها.

تنظيف الوجه

أفضل طريقة لتنظيف البشرة في المنزل

من خلال الفقرة الجايه هاتتعرفي معانا ازاي تعملي تنظيف للبشرة في المنزل بطريقة سهلة ومكونات كلها متاحة عندك في البيت والموضوع بيتم على 4 مراحل:

  1. حمام بخار.
  2. تقشير البشرة.
  3. غلق المسام.
  4. الترطيب.

أولا حمام البخار:

نغلي مياه ونحطهم في إيناء واسع وممكن نضيف للمياه أعشاب زي النعناع أو أعواد القرفة أو ممكن نضيف ملعقة زيت لافندر وممكن نستغني عنهم ونكتفي بالماء فقط، نحط فوطة فوق الرأس ونقرب وشنا للإناء بحيث يطلع البخار كله على وشنا وفي نفس الوقت الفوطة تمنع خروج البخار للخارج، ونتيجة حمام البخار هي الأتي:

  • يفتح مسام البشرة جداً ليسهل عملية التنظيف الداخلي للبشرة.
  • يذيب الدهون الموجودة في الوجه والأنف.
  • يرطب الوجه جدا.
  • يطري الجلد الميت عشان يهيأ البشرة لمرحلة التقشير.

ثانيا تقشير البشرة:

ودي خطوة مهمه جداً من خطوات تنظيف البشرة لأنها تزيل طبقة الجلد الميت ودي بتكون سبب في شكل البشرة البهتان والجاف، نحضر صنفرة طبيعية في البيت ودي بتكون عبارة عن (معلقتين سكر – نقطتين لمون – ملعقة زيت لوز أو زيت زيتون) ونخلطهم مع بعض وندعك بيهم وشنا بحركات دائريه لمدة 5 دقائق’ بعدها نغسل وشنا بمياه دافئة.

ثالثا غلق مسام البشر:

طبعا بعد الخطوتين السابقتين اللي ذكرناهم بتكون مسام الوجه لسه مفتوحة ولو سبناها مفتوحة ممكن نعرض بشرتنا للأتربة والأوساخ ثاني عشان كده لازم نقفلها بالتونر الطبيعي اللي هانحضره في البيت وهو عبارة عن (ماء ورد يوضع في قوالب الثلاجة ونتركه حتى يتجمد ) نأخذ مكعب ونمشيه على بشرتنا عشان نقفل به المسام.

رابعا ترطيب البشرة:

آخر حاجه نقوم بها هي ترطيب البشرة ممكن تحطي أي كريم مرطب عندك أو زبدة الشيا الخام عشان نحافظ على بشرة الوجه من الجفاف.

أفضل طريقة لتنظيف البشرة في المنزل والنتيجة ستدهشك 1 19/3/2018 - 8:12 م

وكدا نبفي عملنا أفضل تنظيف للبشرة في المنزل بأقل التكاليف وتصلح لجميع أنواع البشرة تنفع في تنظيف البشرة الدهنية والبشرة العادية والبشرة الجافة ومع تكرار هذه الجلسة مرتين في الأسبوع سوف تلاحظين الفرق وتحصلين على نتيجة تدهشك  ومكونات كلها موجودة في المنزل.