أفضل النصائح للمراه في شهر رمضان |تجهيزات رمضان|الجزء الاول

سلسلة المقالات الخاصة بتجهيزات رمضان، نصائح رمضانية، هتكون على أجزاء وبشكل مبسط للسيدات (عاملة _ ست بيت)

أفضل النصائح للمراه فى شهر رمضان | تجهيزات رمضان | الجزء الاول

,رمضان شهر عبادة، والعبء الأكبر بيكون على السيدات، تجهيز أكل وتنظيف وترتيب ومذاكرة الاولاد..اولا لازم نتفق على أهم بند، أحذرى العصبية والصوت العإلى بحجة الصيام وكل مسئوليات البيت عليكى، دايما أجعلى نيتك خالصه لله , أعداد الطعام يكون بنية أفطار صائم


أفضل النصائح للمراه في شهر رمضان | تجهيزات رمضان | الجزء الاول
صدقينى هتاخدى أجر والاكل هيكون الذ وأطعم لأنه اتصنع بحب ونية صافية.

تعإلى نجهز لرمضان من الآن لكى نوفر وقت للعبادات،

 1- نكتب مستلزمات البيت (أكل – مشروبات -توابل – منظفات – بلح…. ) في ورقة، ونشتري المطلوب قبل رمضان.

2- تسبيكة الخضار

نشترى الطماطم ونسبيكها جيدا ونضيف لها التوابل ونقسمها على أكياس (كل كيس يكفي طبخه) ونحفظها في الفريزر.

3- تسبيكة المحشى 

بعد تسبيك الطماطم نضيف البقدونس والكسبرة والشبت ونتركها تبرد وتتقسم في أكياس حسب الكمية اللى انت متعودة تعمليها
عند الاستخدام يضاف للخلطة السابقه بصلة متوسطة مبشورة وملعقة صغيرة نعناع بودروفي حالة محشى الكرنب نضيف ملعقة كمون وتقلب ويضاف الارز.

4- تسبيكة المكرونة
سبكى الطماطم وضيفي لها ملح وفلفل وجنزبيل وبودرة بصل وقسميها في اكياس وأكتبى عليها تسبيكة مكرونة،
نلاحظ اننا محتاجين نشترى كمية معقولة من الطماطم للتجهيزات السابقة ونستفيد من سعرها المنخفض الآن وقبل زيادة الاسعار، يبقا نجهزمن الآن طماطم وبصل وتوابل وأكياس ثلاجه للتخزين ونعمل التسبيكات السابقة ونركنها في الفريزر(يجب ترتيب الفريزربشكل منظم ليستوعب التجهيزات) تابعونا في الجزء الثانى.