طرحت اليوم قناة القاهرة والناس المصرية أغنيتها التحفيزية “هنعدي الكاميرون”، الأغنية التي عنوانها رسالة إلى كيروش، تحمل الكثير من عبارات التحفيز والتشجيع، بالإضافة إلى خفة الظل، قدم طارق نور الأغنية على أنغام لحن عالمي قديم.
كلمات أغنية هنعدي الكاميرون
رسالة إلى كيروش حط الخطة الصح يا بيه متغيرش تغير ليه
عاوزين بس نعدي الكاميرون ونجيب أيتو نحط عليه
خليط ثات بالتشكيل عندك فرقة تهد الحيل
بس ياريت يفضلو في مكانهم وبلاش بقى شغل البراجيل
مش هتكلم عالحراس كله معدي وأحسن ناس
نبدأ بهدوء كدة خطتنا بص يا سيدي وعم الناس
عبد المنعم طبعا بك فتوح جمبه اكيد ده معاك قفل حلو بعمر كمال وتحط الونش معاه مساك
ندخل بقى على خط النص فتحي سولية ونني البوص
ممكن حبة تبدل زيزو وتنزله هيشوط ويقص
جرب تبدأ بتريزيجيه وصلاح مش هتكلم فيه إبدأ بشريف المرادي ريح درش هتخسر ايه!
هنعدي الكاميرون والسنغال هنعدي أسود ونعدي أفيال
احنا فراعنة يا عم الحاج أنا بس حقيقي أنا عندي سؤال
بص يا أيتو بقولك ايه جبت جساما يحكم ليه هتخلينا نجيبكو في ثانية جوة تويوتا ازازها فيميه
ننزل بيكم على عابدين ونقول شوفو جايبنلكو مين!
كل الناس هترحب بيكم نستقبلكم بالملايين
احنا ملوك أفريقيا سنين احنا حضرنا ومش ماشيين خدنا العهد وقولنا بأذنه راجعين من الكاميرون فايزين
وينتظر الملايين من عشاق كرة القدم الليه اللقاء المنتظر بين منتخبي مصر والكاميرون في الدور قبل النهائي لبطولة الأمم الأفريقية، ويدخل الفريقين اللقاء بعد أن حققا فوز بالدور ربع النهائي بعد مواجهة المنتخب المصري مع نظيرة المغربي وفوزه بنتيجة هدفين مقابل هدف واحد.
بينما حقق المنتخب الكاميروني فوز على منتخب جامبيا بهدفين دون رد.
https://www.facebook.com/alkaherawalnas/videos/227425999602953/
