بالفيديو: أمين شرطي يسحل شاباً ويضربه بـ”بالكفوف والشلاليت” لأنه إشتكي من عدم تدخل العساكر لمنع التحرش بخطيبته

تناقلت مواقع التواصل الإجتماعي فيسبوك وتويتر واليوتيوب، فيديو لأمين شرطي يسحل شاباً ويضربه بـ”الكفوف والشلاليت”، حيث قال صاحب الفيديو أن هذه الواقعة كانت على رصيف مترو دار السلام هذا الإثنين الساعة الثامنة مساءاً.

حيث ذكر ناشر الفيديو على اليوتيوب هو المدعو “عبدالعاطي” ألأحداث من بدايتها والتي أدت إلى هذه المشكله، حيث قال “كان في مجموعة شباب بيعاكسوا فتاة على رصيف مترو دار السلام وراحت الفتاة لتستنجد بالعسكري اللي بيأمن المترو، رفض أنه يساعدها ولما خطيبها وصل كان الشباب دول مشيوا، ولام هذا الشاب العسكري ودارت بينهم مشاداة كلامية”.

حيث قال أيضاً “باقي العساكر لما شافوا الشاب ده بيشد مع العسكري إتلموا عليه بالضرب، وبعدها جه كبير العساكر في المترو عشان يراضيه رفض الشاب وصمم على إنه يعمل بلاغ ضد العسكر، بعد كده جه أمين شرطي وبيسأل الشاب إيه الدوشة اللي إنت عاملها دي قاله انا عايز أعمل بلاغ ضد العسكري دي وحكاله على المشكلة، راح أمين الشرطي قاله مافيش محاضر هتتعمل، الشاب قاله أنا مش همشي من المحطة غير لما أخد حقي، راح أمين الشرطة شتمه بأمه وضربه بالقلم، راح الشاب زعق في أمين الشرطة وقاله متشتمنيش بأمي، وإنت بتمد إيدك عليا ليه، بعد كدة حصلت المشكلة، وكل ده علشان كان عايز حقه”.
الفيديو من هنا :


اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.

تعليق 1
  1. tonadarsh يقول

    لو الكلام ده صحيح فين خطبته والناس الي وقفه تتفرج معملتش حاجه ليه ده اكيد حرامي او متحرش كفايه كدب بقه