الشركة المصرية لنقل البيانات TE Data تعتبر أكبر مشغل لخدمات الإنترنت في مصر بنسبة تتجاوز 60% من السوق المصري وتقدم شركة TE Data والتابعة للشركة المصرية للاتصالات العديد من العروض للمشتركين في خدمات الإنترنت كما تقدم مجموعة أسعار مختلفة التي تتنوع ما بين أسعار الإنترنت القديمة والتي يمكن الاشتراك فيها حتى الآن أو مجموعة من العروض الجديدة الكثيرة المزايا من حيث السرعة والتحميل التي سوف نستعرضها من خلال هذا التقرير.
أسعار عروض الإنترنت الجديدة من باقات WE
قامت الشركة القابضة WE والتي تمتلك عدة شركات تابعة لها وهي (المصرية للاتصالات لتقديم خدمات الأرضي، Tedata لتوزيع وتقديم خدمات الإنترنت الأرضي، شركة المحمول وي الشركة الرابعة) بالإعلان عن مجموعة جديدة من خطط أسعار وباقات الاشتراكات في خدمات الإنترنت المنزلي للتعرف عليها اضغط هنا أطلقت عليها الشركة المصرية للاتصالات اسم باقات أنترنت WE والتي تتميز بالعديد من السرعات العالية مقابل اشتراك شهري قليل نوعاً ما، كما تسمح الباقات الجديدة للاشتراك فيها من قبل العملاء الحاليين وكذلك العملاء الجدد.
أسعار ميجا بلس من شركة تى اى داتا TE Data
- العرض الأول ميجا بلس بسعر 114 جنيه يستمتع من خلاله المشتركة في خدمة الإنترنت من تي أي داتا بسرعة تحميل تصل إلى 1 ميجا في الثانية مع سعة تحميل عادلة تصل إلى 100 جيجا بايت شهريا وفي حالة انتهاء الباقة تقل السرعة إلى 512 كيلو بايت حتى ميعاد تجديد الباقة أو يمكن للعملاء شراء سعة تحميل جديدة.
- العرض الثاني ميجا بلس بسعر 182.4 جنيه يستمتع من خلاله المشترك مع TE Data بسرعة تحميل تصل إلى 16 ميجابت في الثانية مع سعة تحميل عادلة تصل إلى 100 جيجابايت شهريا وفي حالة انتهائها تقل سرعة خط الداتا إلى 1 ميجابت.
- العرض الثالث ميجا بلس بسعر 296.4 جنيه يستمتع من خلاله المشترك بسرعة تحميل تصل إلى 16 ميجابت في الثانية مع سعة تحميل عادلة تصل إلى 200 جيجابايت شهريا وفي حالة انتهائها تقل سرعة خط الداتا إلى 2 ميجابت.
- العرض الرابع ميجا بلس بسعر 410.4 جنيه جنيه يستمتع من خلاله المشترك مع TE Data بسرعة تحميل تصل إلى 16 ميجابت في الثانية مع سعة تحميل عادلة تصل إلى 300 جيجابايت شهريا وفي حالة انتهائها تقل سرعة خط الداتا إلى 4 ميجابت.
- العرض الخامس ميجا بلس بسعر 570 جنيه يستمتع من خلاله المشترك بسرعة تحميل تصل إلى 16 ميجابت في الثانية مع سعة تحميل عادلة تصل إلى 500 جيجابايت شهريا وفي حالة انتهائها تقل سرعة خط الداتا إلى 4 ميجابت.
مزايا وملاحظات نظام ميجا بلس من شركة تى اى داتا TE Data
- أجهزة رواتر مجانية وذلك لفترة محدودة سواء رواتر سلكية أو رواتر هوائية.
- تضاف إلى الأسعار المذكورة بعالية نسبة 14% وهى قيمة تطبيق قانون القيمة المضافة.
- الأسعار المذكورة ليست عرض لفترة محدودة بعدها ينتهي العرض ولكنها أسعار لنظام ثابت.
- يستمع المستخدم بالاشتراك المجاني في خدمات شاهد بلس.
- هذا النظام متاح فيه الاشتراك للعملاء الجدد وكذلك الحاليين في شركة TE Data.
أسعار الجيجا بايت الإضافية لنظام ميجا بلس من TE Data
توفر أنظمة الإنترنت في ميجا بلس من TE Data قدرات تحميلة عالية ولكن فرضا في حالة انتهاء تلك السعة فان السرعة تقل وفق نوع الاشتراك ما بين 1 ميجا إلى 4 ميجا وهى سرعة تعد مناسبة جداً لتصفح خدمات الإنترنت حتى ميعاد تجديد الاشتراك الشهري لكن في حالة الرغبة يمكن للعميل شراء سعة تحميلية جديدة وفق الأسعار التالية مع إضافة 14% قيمة مضافة على السعر مع ملاحظة أن السعة التي قام المشترك بشرائها في حالة عدم استخدامها تبقى في حساب العميل وترحل إلى الشهر التالي لمدة سنة كحد أقصي.
نظام Home من شركة TE Data
يعتبر هذا النظام من الآنظمة القديمة لخدمات الإنترنت التي قامت بتقديمها الشركة المصرية لنقل البيانات TE Data ويمكن للعملاء حتى الآن الاشتراك فيه لمن يرغب في ذلك فهذا النظام يتميز بسعر اشتراك شهري قليل جداً ولكن يقابل ذلك سعة تحميل محدودة فهو يناسب أكثر عملاء المنزل أو الشركات الصغيرة ويقوم المشترك في هذا النظام بدفع
أسعار نظام Home من شركة TE Data
- العرض الأول من نظام Home بسعر 57 جنيه يستمتع من خلاله المشترك مع TE Data بسرعة تحميل تصل إلى واحد ميجا مع سعة تحميل عادلة تصل إلى 10 جيجا بايت شهريا.
- العرض الثاني من نظام Home بسعر 159.6 جنيه يستمتع من خلاله المشترك مع TE Data بسرعة تحميل تصل إلى 2 ميجا مع سعة تحميل عادلة تصل إلى 150 جيجا بايت شهريا.
- العرض الثالث من نظام Home بسعر 250.8 جنيه يستمتع من خلاله المشترك بسرعة تحميل تصل إلى 4 ميجا مع سعة تحميل عادلة تصل إلى 200 جيجا بايت شهريا.
- العرض الرابع من نظام Home بسعر 399 جنيه يستمتع من خلاله المشترك مع TE Data بسرعة تحميل تصل إلى 8 ميجا مع سعة تحميل عادلة تصل إلى 300 جيجا بايت شهريا.
مزايا وملاحظات حول نظام Home من شركة TE Data
1- يحصل المشترك على خصم بقيمة 20% من قيمة الاشتراك وروتر مجاني في حالة الدفع مقدما إلكتروني عبر موقع الشركة.
2- في حالة انتهاء السعة العادلة سوف تنخفض السرعة وفقا للسرعات الموضحة في الصورة التالية:
أو يمكن شراء سعة تحميل جديدة وفق الأسعار التالية:
3- يتم إضافة نسبة 14% من الأسعار المذكورة قيمة مضافة على أن تستمر الأسعار بعد ذلك بشكل دائم فهذا النظام ليس عرض ينتهي بعد فترة محددة.
وأخيراً يمكن لك قارئنا العزيز أن تقارن بين احتياجات الفعلية واستخداماتك للأنترنت ومقدرتك المالية لتقرر أي نظام مناسب لك من الشركة المصرية لنقل البيانات TE Data.
قارن بين أسعار الإنترنت المنزلي في مصر
- أسعار وعروض الإنترنت المنزلي من اورانج ADSL المحدودة وغير المحدودة
- تعرف على أسعار الاشتراك في باقات الإنترنت من فودافون ADSL المحدودة وغير المحدودة
- أسعار وعروض الإنترنت المنزلي من اتصالات ADSL المحدودة وغير المحدودة
عروض دفع فاتورة الإنترنت من شركة Tedata
أعلنت الشركة المصرية للاتصالات عبر الشركة التابعة لها لتقديم خدمات الإنترنت المنزلي تي أي داتا عن تقديم عرض لجميع عملائها والمشتركين من خلالها في خدمات الإنترنت يستطيع من خلاله المشترك سداد قيمة فاتورة النت بشكل تلقائي وذلك من خلال استخدام بطاقات الائتمان البنكية، ويحصل العميل في مقابل ذلك على خصم بقيمة تصل إلى نحو 10% من قيمة فاتورة الإنترنت من te data وذلك لمدة سنة كاملة تمتد لتصل إلى 12 شهر، وقد صرحت الشركة أنه هذه الخدمة بهدف توفير خدمة أنترنت أرضي بدون انقطاع بسبب عدم سداد الفواتير، كما توفر الخدمة الجهد على المشترك وعلى الشركة، ولمزيد من المعلومات يمكن الاتصال بممثلي خدمة عملاء الشركة المصرية للاتصالات على رقم 111 أو زيارة أقرب فرع.
شركه حرميه والله انا دفعت الاشتراك يوم 22وفصلين عني النت وكلمت خدمه العملاء ومحدش عمل حاجه
حسبي الله ونعم الوكيل
احتكار خدمة الانترنت في مصر لصالح شركة tedata يتيح لها سرقة المواطن من خلال رسائل استهلاك الباقة – السبت 11 مايو استهلاك 70% – الاربعاء 15 مايو استهلاك 90% – الجمعة 17 مايو استهلاك 100% مع ان الباقة 150 جيجا داونلود مع 2 ميجا سرعة كانت بتكفي الشهر وبتزيد لكن بعد محاولات خدمة العملاء للتحويل علي نظام 100 جيجا داونلود و5 ميجا سرعة والرفض بدات تظهر مشكلة ان الباقة لاتكفي مما يعني سرقة المواطن
معاك حق اكبر شركة فى النصب نفس الموضوع ده بيحصل معايا وكلمتهم ومفيش أى حل يعنى السرقة عينى عينك
اتفق معاك فعلا ده بيحصل للاسف
احنا 2mg و بندفع 165
هل يوجد في شركه we راوتر هوائي بدون خط ارضي وباقه اكبر
انا بالكويت معايا واى فاى متحرك ب ٥ دينار ٥٠٠ جيجا نت ازاى الاسعار دى كده عندنا فى مصر والنت ولا يصلح لا تحميل ولا اى حاجه
لو سمحت عايزة اسال علي النت الهوئي ال من غير خط ارضي هيبقا نفس الباقات بتاعة الخط الارضي ولا فيها تغير
* انتم بتضحكوا علينا كل ده كدب يا شركه …………تتتتتتتتتتت………. انا هاعمل معاكم ………تتتتتتتتتتتتتتتتتتتتتتتت……….
* عندي النت 16 ميجا بتوصلى بعد الشكاوي 3 و 4 ميجا بس وبتقولوا ال16 ميجا ب160 انا بدفع اكتر من 190 فى الشهر
* وانهارده بعتين رساله انى استنفذت 70 % من الباقه مع اتن النت كان فاصل على فترات ومتبلع بيها
* لو حبين نصعد الموضوع نصعده لان اللى بيسكت فى البلد دى بياخد على …………تتتتتتتتتتتتتتتتتتتتتتتتتتتتت
* انا منتظر اي حد من الشركه يكلمنى هشام عمران 01220805084
انا عاوز اشترك في تي داتا علما باني مشترك من اسبوعين في المصريه للاتصالات
انا معنديش تليفون أرضى وعايز اوصل نت هوائي ما الإجرائية والمصاريف
السلام عليكم
محتاج اعرف اسعار باقات النت للشركات الشركه مكونه من ١٠ الي ١٥ فرد
ومحتاجين انترنت سريع لاحتياجنا له
ايه الاوراف المطلوبه للتقدم علي التلفون الارضي
ينفع اركب واى فاى من غير خط ارضى
مساء الخير انا عاوز اعرف اقرب فرع لشركة الموقع ميت كنانه طوخ القليوبية برجاء الرد في اقرب وقت وشكرا
عاوز نت مفتوح على خط الموبايل مثل شركات السعوديهالواحد بصراحه مفتقد النت في مصر
انا عايزة اغير من 2ميجا الي 5ميجا وعايزة اعرف حدفع كام كل شهر وازي اغير
حضرتك عند تجديد الخدمه روحي تي داتا وقوليلو هناك حغير ل 5ميجا بتحميل 100جيجا هي ب 110ج ومع القيمه المضافه كلو على بعض حتدفعي شهريا 125ج,,,, حاتم الأقصر
السلام عليكم الباقة بتخلص علطول 100جيجا تحميل وانا مش بحمل اصلا وسرعه 2وهي المفروض 16 اعمل ايه
نظام هوم اتلغى انا مش عارف اقدم عليه ياريت لو في طريقه متاحه اقدر اقدم من خلالها
بقول لحضرتك انا كنت علي نظام 1 ميجا وحولت علي عرض ٥ ميجا ينفع احول تاني لا النت بقي بطي
عاوز اشترك فى تى اى داتا هل الراوتر مجانى وهل فى عروض وخصومات شهريه للمشتركين الجداد ؟
ازبل شركة فى العالم
والله شركه نصابه فعلاا
وهمزة
بقالي فترة طويلة مقدم الطلب توصيل النت.وكل شويه خدمه العملاء تقولي احنا ف مرحله التركيبات.ماذا أفعل .أفادكم الله
من غير زعل والله حاول تشوف شركه تانيه
انا مشترك مع الشركه من زمان ومخدتش روتر وعندى مشكله وعوز تنحل واتصلت على الشركه عداد مرات ومفيش اجابه عليه وده رقم تلفونى ٠٥٥٣٥٢٣٣٣٦ الروتر بتاعى باظ وانا مش معى اجيب روتر اعمل ايه عوز روتر واى فاى ممكن الشركه تحل المشكله ديه
لو سمحت هل ينفع ارجع تاني ع النظام 2ميجا نظام قديم لان انا ع نظام 5ميجا نظام جديد والنت بطي جدا وفاصل بقاله يومين ارجو الرد
بكل اسف الي بيغير النظام القديم مش بيقدر يرجع له
هتضطر تكمل على نظام السرعات الجديدة من وي او تجرب شركة تانية
يا جماعة دى شركة زبالة انا مشترك فى عرض 5ميجا و سعة 100جيجا بايت من شركة WE اول شهر كان السرعة رائعة ثم الشهر الثانى دفعت الفاتورة و السرعة بقة ذى الزفت و كل ما اكلمهم يقولولى مفيش اى مشكلة عندك دى شركة زبالة والله . انا هلغى اشتراكى منها ……. ودا رقمى 0404654548
زبالة ازاي بيضحكو ع الناس
نفس الكلام لكن يمكن انت احسن شويه من اول يوم والسرعه عندي نصف ميجا وكل يوم اتصل بخدمة العملا يقولوا خلال يوم عمل هتتحل المشكله ويوم العمل ده مابيجيش ابدا شركه زباله انا هريح نفسي والغي الشتراك
لو سمحتوا
انا الشهر ده كل لما اجي ادفع فاتورة النت رقم الراوتر مش بيظهر علي الكمبيوتر
وانا كنت بدفع قبل ما الشهر يخلص بحوالي4ايام
ده حلها اي ؟!
لو سمحت أنا عايز اشترك بس مفيش بوكس قريب مني وناس كتير عايزين يشتركو من نفس الشارع بس البوكس هو المشكلة . في اي طريقه اقدر اجعل الشركه تتدخل على الأقل بوكس واحد في الشارع ؟ . مع العلم ان الشوارع ال حويلينا فيها بوكسات
انا كلمت رقم 19777 ورد عليا خدمة العملاء طلبت منهم الاشتراك الكلام داخل من 10 ايام قالي انة هو سحبلي ملف اشتراك وسجلة من عندة وكل اللي عليا اروح السنترال ادفع قيمة الاشتراك والروتر هييجي مجاني اقدر اعرف الروتر هيجيلي امتي والنت هيشتغل ازاي لانة قالي أنا الروتر هيجيلك شحن من القاهرة وشكرا واسف عالاطالة
لا تتأسف
لو سمحت انا روحت قدمت علي تليفون ارضي علشان اجيب روتر تمام فا قلتلهم العنوان قالولي البوكس مليان مش هنعرف نركبلك النت فا هل في حل للمشكله ديه
انت رحت السنترال العمومي
لو سمحت انا مشتركة وعايزة اعرف بكام الراوتر الجديد الروتر فى مشكلة عندي وصفحتة مبتفتحش
لو سمحت انا مشترك في شركه weوعايز احول الي tetata ايه الإجراءات المطلوبه
هخكههمعهغلخهاخ
مشترك قديم وعاوز ازود السرعه ايه الخطوات دون الاتصاال لانه بياخد وقت
لو سمحت انا الاول كنت ع داونلود غير محدود انا عايز ارجع كدة تاني انا بقيت ع سرعة 16 ميجا بش مش عايز اكمل عليها علشان انا السعة التحميل مش بتكمل معاية والنت بطئ جدا حتي لو نزلت السرعة مش بتشغل اي حاجة ف احسن اني ارجع لسرعتي تاني اول احول ع شركة we واجرب شركة تانية
عايز اعرف استخدمت قد ايه من الباقه
اوقسم بالله بقالى شهر مشترك فى الخدمة ال 16 ميجا ولم احصل على 1 ميجا ولولاش عندى خدمة اورنج شغالة وزى الفل لكنت فى التهلكة انا مختار عبدالراضى صاحب مجموعة شركات ملجراميكال والخدمة وصلت لى بعد اكثر من 20 يوما ولكن للاسف الشديد زبالة زبالة زبالة رقم الخط التى عليه الخدمة هو 02224620016 ورقمى الشخصى 01111107333
#أحمد_يوسف:
انت جايب صبر وطولة بال منين انك ترد ع الناس دي كلها
والمشكلة انها اسأله من الشعب المصري دول بيجيبو اسأله من كوكب كومبلوزو 😂😂😂
سلام عليكم استاذ احمد يوسف انا مشترك ميجا بلس ابديت 16 سعة تحميل 300 بعد ماتخلص سعة التحميل المفروض تنزل 4 ميجا بعد تلات ايام الاقى النت مات خالص اقل من 100كيلو بايت تقريبا رغم ان فى اشتراكى قالو هتنزل 4 ميجا لحد ما تجدد تانى اعرف ايه السبب لو سمحت
لو سمحت لو الباقه انتهت قبل ميعادها ودفعت فاتوره مقدم تشتغل ولا لازم تتجدد فى ميعادها حتى لو دفعت مقدم
عابز تجمبل غير محدود زى ماكانت تى داتا من قبل اما اللى حاصل اسمه حاجة تانية الناس مش فهماها
اريد الاشتراك فورا
حضرتك بتروح أقرب سنترال تابع لشركة WE وبتقدم طلب الاشتراك في الخدمة
وبيتم التواصل مع حضرتك ويجي لك الفني المختص بتوصيل خدمة الأنترنت في أسرع وقت ممكن
خدمة زبالة موظفين زبالة انترنت زبالة انا مشترك فى عرض 16 ميجا وسعة تحميل 200 جيجا خلصت بدري ودى أول مره تحصل معايا روحت الشركة أشوف حل علشان كدا انا شغلى واقف الموظف قال لى دا ممكن دوانلود زيادة ولا حاجة المهم انا هاجددهالك وجرب الشهر دا جددت جيت بعد كدة السرعة موصلتنيش كلمت خدمة العملة قالولى مش هتشتغل غير فى ميعاد ابتداء الخدمة 19/11/2018 انا دلوقتى أعمل اية حالى واقف ودافع قابليها باسبوع ايه الحل بعد اذنكم ومتقوليش كلم خدمة العملة علشان دول مبيفيدونيش بحاجة
أهلا بك زائرنا الكريم
للأسف الحلول المتاحة لمشتركي خدمة الأنترنت في مصر للشكوى من سوء الخدمة أو حل عطل أو مشكلة تعتبر قليلة نوعا ما
الحل الاول انك تجرب خدمة العملاء جربته ومنفعش
الحل الثاني انك تشتكي الشركة في جهاز حماية المستهلك الله اعلم هيجيبوا نتيجة ولا لا
الحل الثالث والأخير تجرب شركة أنترنت تانية وتستعوض ربنا في الفلوس الي دفعتها
شركه زباله جدا انا مشترك من شهر ونصف والى الان لم تأتى خدمه النت واتصلت بخدمه العملاء حوالى ١٠ مرات حتى الان كل مره الرد واحد حضرتك يافندم لك ١٥ يوم عمل اكتر او اقل وانا دلوقتى اكتر بكتير و مفيش جديد عشان كدا دى شركه نصابه وحراميه وانصحكوا تشوفوا شركه تانيه
حضرتك انا ماعنديش فون ارضى ولافى قريتى حتى !!!
وحابب استمتع بالنت من تى اى داتا هوائى واوزع لو امكن
ايه الاجرائات والتكاليف لو سمحت ؟؟
أهلا بك أستاذ أحمد
بالنسبة للأنترنت الهوائي أغلب شركات الأنترنت في مصر بتقدمه بدون الحاجة لخط أرضي
بالنسبة لتوزيع النت الهوائي فهو غير قانوني لو اتمسكت فهو مخالف وفي غرامة وتقريبا حبس
بالنسبة للاشتراك في تي أي داتا حضرتك بتزور أقرب فرع خدمة عملاء لك
لو سمحت انا لسه مقدمه على اشتراك نت te data بس حصلت لغبطه فعايزه اتاكد من سعر الباقه الى عملتها
ممكن حضرتك تسجلي حساب في Mytedata
من خلاله هتقدري تعرفي باقتك والسعة التحميلية الخاصة بك ومدى استهلاكك للباقة وغيرها الكتير من المعلومات
لو سمحت انا لسه مقدمه على خط النت te data وعملت باقه بس حصلت لغبطه وعايزه اتاكد من سعر الباقه الى اشتركت فيها
الاسهل ان حضرتك تسجلي حساب في ماي تي اي داتا
وممكن تجربي الاتصال بخدمة العملاء على رقم 111
شركه تى اى داتا سيئه جدا انقطاع باستمرار ولا فى خدمه خالص ولا الدعم الفنى اشتراك ودفع على القاضى رجاء الاهتمام منكم على العملاء
السلام عليكم
لوسمحت اناقدمت علي راوتر منزلي تي اي داتا ب١١٤ وحصلت ظروف سفر ولن استخدمه والراوتر بقاله اسبوعين فقط اي هي اجراءات الغاءالاشتراك وهل بدفع فلوس في الغاءللخدمه
وشكرا
وعليكم السلام ورحمة الله وبركاته
الرواتر الي حضرتك أخدته ده روتر هدية مع العرض للاشتراك مافيش مشكلة لو حضرتك لغيت ومش هتدفع فلوس
عايز استفسار كامل عن العرض اللي موجود حاليا ال 16 ميجا ب 183 ج لي السرعة بتقل لحد اما وصلت ل 1ميجا .
أهلا بك أستاذ خالد
سؤالك غير واضح بالنسبة لي؟
هل حضرتك مشترك في سرعة 16 ميجا والسرعة بتقل لوحدها
مش ممكن حضرتك تكون خلصت الباقة التحميلية الخاصة بنظام الإنترنت وهو ده السبب
لو مش هو ممكن يكون عطل في السنترال أو الكابلات تؤثر على سرعة الأنترنت عندك
انا عايز اوصل نت بدون خط ارضى ينفع
أهلا بك أستاذ أحمد مجدي
ينفع توصيل نت بدون خط أرضي إن شاء الله
في شركات كتير بتوفرها منها فودافون
بالنسبة لتي أي داتا مش متأكد من توافر هذه الخدمة ممكن السؤال في أقرب مركز خدمة عملاء تابع لك
حضرتك عاوزة اعرف اذا كانت تى اى داتا بقت هيا هيا weولا دى مختلفه عن دى والاتنين بقو مع المصريه للاتصالات بس weلوحدهاوتى اى داتا زى ماهيا ارجو الرد
أهلا بيكي ميمو محمود
بصراحة لا أعلم إجابة أكيدة لسؤالك
لكن توقعي ان دي شركة ودي شركة تاني
لان من زمان تي اي داتا شركة تابعة للمصرية للاتصالات لكن لها كيان منفصل
الشركتين بقوا واحد
السلام عليكم – انا مشترك بسرعة 16 ميجا مع سعة 100 جيجا شهريا – لمدة شهر واحد كانت الخدمة جيدة – ثم اصبح العراض browsing و التحميل منتهى السوء وتدنت السرعة الى اقل من 1 ميجا بدون ان اتخطى الـ 100 جيجا – وذهبت الى سنترال الاسماعيلية – فقام بتغيير بعض البيانات بالروتر ولكن الوضع كما هو – ارجو حل المشكلة لانه من غير المقبول ان ادفع لسرعة 16 ميجا واتلقى خدمة اقل من 1 ميجا – ملحوظه : انا مشترك مع الآلاف من زمائلى العاملين بشركرة القناه لتوزيع الكهرباء وهذا الوضع يؤثر كثيرا على عملى كمهندس – رقم التليفون حامل الخدمة هو 0643208991 – بالاسماعيلية – ورقم جوالى هو 01022943666 – برجاء التواصل لحل المشكلة ومعرفة من وكيف يسرق حقى الذى ادفع ثمنه بإنتظام من خلال شركتى ومحاسبة الفاسد ان وجد …………
وعليكم السلام ورحمة الله وبركاته
أهلا بك باشمهندس أحمد إبراهيم
للتواصل مع خدمة شكاوى تي اي داتا يتم من خلال الذهاب إلى أقرب مركز خدمة عملاء أو الاتصال برقم 111 للتحدث مع ممثلي خدمة العملاء أو التحدث من خلال اللايف شات مع أحد مندوبين خدمة العملاء شرح لكل الخطوات دي عبر الرابط التالي
https://www.ngmisr.com/arab-news/egypt-news/tedata-customer-service-number
بالنسبة لمشكلتك الأساسية توقعي انه مشكلة في السنترال المشترك فيه
مع ملاحظة ان جميع المشتركين في جميع شركات الأنترنت في مصر مش بياخدوا السرعة الكاملة المتعاقدين عليها
ووفق تصريح سابق لوزير الاتصالات المصري فإن ثلث السرعة المتعاقد عليها فقط هي التي تصل إلى العميل المشترك في الأنترنت المنزلي
تواصل مع الشركة وإن شاء الله يتم حل مشكلتك في أقرب وقت ممكن
شركة تى داتا اعتقد هتندثر من السوق ……. خدمتها سيئة جدا ولا استفيد منها رغم انى 1 جيجا لوحدى انقطاع متكرر/ الدعم الفنى التعبان /وبطء السلاحف
0867972555
أهلا بك أستاذ خلف الشيمي
بطء السلاحف مشكلة عامة في أغلب شركات الأنترنت في مصر
لو سئ جدا الخدمة عندك من تي اي داتا ممكن تجرب شركة أنترنت أخرى وتقارن بين مستوى الخدمة والسعر وتختار العرض والشركة المناسبة لك
ينفع اشترك في العروض الجديده اناباقه 2ج محدوده
أهلا بك أستاذ فؤاد سعيد
بالتأكيد تقدر تغير نظام الاشتراك الخاص بك من شركة تي اي داتا
اسأل في أقرب مركز خدمة عملاء تابع للشركة على خطوات تغير نظام الأنترنت وشروطه
روحت سنترال وقالي لازم اروح الهرم ظروف شغلي متنفعش اروح الهرم ماالعمل
اذا حضرتك تريد تقديم شكوى في طرق كتير جدا غير الذهاب للسنترال
اذا حضرتك ترغب في خدمة اخرى يبقى لازم تروح للفرع الي هما قالوا عليه علشان تعمل طلبك
كنت موصله اانت ع الخط الارضي ولغيناه من فتره كبيره ولما روحت لاقرب سنترال علشان ارجع النت قال ان لازم اروح اقرب فرع لتي اداتا حبه اعرف ايه الورق المطلوب والروتر هيبقي مجاني ولا لا ولو لا اسعار الروتر كام ؟
أهلا بك أستاذه تقى عاشور
مافيش ورق مطلوب كتير هي صورة البطاقة وبتملي استمارة طلب الاشتراك في خدمات الأنترنت من تي اي داتا
بالنسبة للروتر لو الشركة اعتبرتك مشتركة جديدة بعد الالغاء ففي عروض فيها الروتر مجاني هدية على العرض
لكن لو الشركة اعتبرتك مشتركة قديم وهترجعي الخط فمش هتاخدي روتر مجاني من تي اي داتا
بالنسبة للأسعار فهو بيختلف حسب النوع والأمكانيات لكن في المتوسط ممكن في حدود 200 جنيه
كنت مشتركه ع الخط الارضي بس لغيت الاشتراك من فتره ولما روحت لاقرب سنترال علشان ارجع النت ع الخط الارضي قالي ان لازم اروح اقرب فرع te data علشان ارجع النت حبه اعرف ايه الاوراق المطلوبه قبل ما اروح لاقرب فرع وحبه اعرف كدا هاخد راوتر هديه ولا لا ولو لا ايه اسعار الروتر ؟؟
لو سمحت انا مشترك مع لينك dsl
والخدمه سيئه جدا
عاوز اشترك فى تى داتا
ايه الخطوات اللى ممكن اعملها
أهلا بك أستاذ محمد
حضرتك بتغلي الاشتراك من تي اي داتا وبتجيب رقم الالغاء وبتروح أقرب سنترال تابع للشركة الجديدة سواء كانت tedata أو اورانج او فودافون أو غيرها من الشركات في مصر وبتقدم طلب جديد أنك عايز تشترك في خدمة الأنترنت من هذه الشركة
الأمور سهلة إن شاء الله
مع ملاحظة أن كل شركات الأنترنت في مصر في الإغلب بيبقى عندها مشاكل في السرعات الخاصة بنظام الاشتراك ومش بتاخد السرعة كاملة وفق النظام المتعاقد عليه
لوسمحت عايز يتغير واحد ميجا محدوده الي واحد غير محدود0863829136
أهلا بك أستاذ محمد رجب
لتغير النظام حضرتك بتروح لأقرب مركز خدمة عملاء سواء كان تي اي داتا أو المصرية للاتصالات وبتقدم طلب التغيير هناك إن شاء الله
لوايز اعرف تغير واحد ميجا محدود الي غير محدود ياخد وقت اد ايه 0863829163
تواصل مع أقرب مركز خدمة عملاء تابع لشركة الأنترنت
لوسمحت عايز اشترك في الانترنت الارضي مع ان الخدمه مقطوعه عن قريتنا منذ فتره ما الحل
أهلا بك أستاذ سمير عز
أذا كان في مشكلة في أجهزة السنترال أو الخطوط التي تمد القرية بالخدمة سواء تليفون أو أرضي يبقى الحل الوحيد أن يتم حل هذه المشكلة أولا لبدء تقديم خدمات الأنترنت الأرضي
السلامو عليكم
انا مشترك ف عرض هوم 114 سرعة 1ميجا سعة تحميل 100 جيجا
عايز بقى أحول لعرض هوم 10 جيجا
أعمل ايه مع العلم انا معاد دفع الاشتراك عدا والنت وقف ومش عايز ادفع ف العرض دا عشان احول لل10 جيجا
وعليكم السلام ورحمة الله وبركاته
أهلا بك أستاذ محمد علي
للتحويل ممكن حضرتك تتواصل مع خدمة عملاء tedata علشان تعرف الشروط والطريقة
شرح الخطوات عبر الرابط التالي
رقم ممثلي خدمة عملاء تي أي داتا
السلام وعليكم السلام
وعليكم السلام ورحمة الله وبركاته
أهلا بك زائرنا الكريم
لو سمحت عايز اشترك معاكم
أهلا بك زائرنا الكريم
للاشتراك في خدمات الانترنت الأرضي حضرتك بتقوم بالذهاب إلى أقرب سنترال أرضي تابع لك
وهناك بتقدم طلب الاشتراك وتختار العرض المناسب لك من عروض الأنترنت
وبيتم توصيل خدمة الأنترنت لك في أقرب وقت ممكن إن شاء الله
السلام عليكم انا من اسكندريه. واقرب خط ارضي ليا ع بعد 500متر.
وعايز اجيب واي فاي هوائي
فانا اعمل اي بظبط
وياترا الروتر هشتريه. ولا هخده مجاني
ولو كنت هشتريه هيكون بكام.
وعليكم السلام ورحمة الله وبركاته
أهلا بك أستاذ إسلام عامر
حضرتك اذهب لأقرب سنترال لك وشوف هل متوفر عندك الاشتراك عن طريق الانترنت الهوائي ولا لازم خط أرضي
بالنسبة للرواتر ففي عروض انترنت شركة tedata بتقدم عليها رواتر هدية مجانية
لو فرضنا انك هتشترك في عرض مافيش عليه روتر هدية مجانية فثمنه في السوق بيختلف حسب نوعه
لكن في المتوسط ممكن تلاقية في حدود من 200 إلى 300 جنيه وممكن اقل
العرض الأول من نظام Home بسعر 50 جنيه يستمتع من خلاله المشترك مع TE Data بسرعة تحميل تصل إلى واحد ميجا مع سعة تحميل عادلة تصل إلى 10 جيجا بايت شهريا.
الاشتراك ده لسه موجود…
أهلا بيك أستاذ محمود سمير
الاشتراك في نظام هوم متاح حاليا في شركة تي اي داتا
لكن سعر الاشترك زاد من شهر 9 2017 وأصبح 57 جنيه بعد تطبيق ضريبة القيمة المضافة على أسعار الأنترنت في مصر
العرض الأول من نظام Home بسعر 50 جنيه يستمتع من خلاله المشترك مع TE Data بسرعة تحميل تصل إلى واحد ميجا مع سعة تحميل عادلة تصل إلى 10 جيجا بايت شهريا.
الاشتراك ده لسه موجود
نعم العرض لسه متاح الاشتراك فيه لكن سعر اشتراك العرض زاد وبقى Home بسرعة واحد ميجا بسعر 57 جنيه مصري
السلام عليكم
لو سمحت انا من بني سويف وهنقل في بني سويف الجديده في مشروع البيت بيتك ولسه مافيش خطوط تليفونات ارضي ومحتاج اوصل نت عشان شغلي ياتري فيه امكانيه تكون العروض دي منها للنت الهوائي برده من غير خط ارضي
وعليكم السلام ورحمة الله وبركاته
أهلا بك أستاذ عمرو علي
الله اعلم متاح خدمة الانترنت الهوائي من tedata في المنطقة الجديدة محل سكنك ولا لا
الأحسن حضرتك تقوم بالسؤال في أقرب سنترال لك لتعرف مدى توافر الخدمة
وإذا كانت غير متوفرة والأنترنت ضروري في عملك ممكن تسأل في شركات الأنترنت الأخرى لتصل إلى أحسن وأفضل عرض اشتراك مناسب لك ولأحتياجاتك
انا احمد من الشرقيه وكنت عايز خط ارضي للنت فقط
علما بأن انا في مكان بعيد من السنترال ومفيش خطوط ارضي عندنا
ينفع اجيبه هوائي وأوصل منوا برضوا للمشتركين وانظمتكوا تتسع كام مشترك علي نفس الخط بالرواتر
أهلا بيك أحمد
بالنسبة للاشتراك هوائي بدون وجود نت ارضي ممكن ترجع لأقرب سنترال لك وتسأله وهو هيفيدك هل ينفع في منطقتك ولا لا
بالنسبة لتوزيع الانترنت ده بتعملها بطريقة بعيدة عن شركة تي داتا
بالنسبة لسرعة الخط تتسع لكام مشترك مافيش معيار لها
السلام عليكم
انا مشترك في ميجا بلس 182جنيه ومعه روتر مجاني هل لو انهيت الاشتراك بعد شهرين يتم استرداد الروتر
أهلا بحضرتك أستاذ محمد موسى
الله اعلم مش متأكد من اجابة سؤالك
لكن حضرتك عايز تلغي اشتراك تي داتا بعد شهرين فقط بسبب ايه؟
ازاي اوقف الخدمة في حالة السفر لاني بانزل شهر او شهرين في السنة ولو بوقف الخدمة وانا مسافرة بادفع قد ايه اشتراك شهري .. وشكرا جزيلا
أهلا بحضرتك أستاذة صفاء عوض
الي اعرفه بخصوص خط التليفون الأرضي بيتحول استقبال وفقط وبيتم دفع 100 جنيه سنويا
لكن بالنسبة لأيقاف خط الأنترنت المنزلي بشكل مؤقت لم أمر بهذه التجربة من قبل ولا أعلم لها اجابة
ممكن حضرتك تتواصلي مع خدمة عملاء tedata وان شاء الله عندهم اجابة اكيده لسؤالك
عايز اشترك ف ١١٤جنيه
أهلا بك زائرنا الكريم
للاشتراك في أنظمة وعروض شركة تي اي داتا بتزور أقرب سنترال من الشركة المصرية للاتصالات لك
وهناك بتقدم طلب الاشتراك وبتختار العرض المناسب لك وبيتم توصيل الخدمة لك في أقرب وقت ممكن ان شاء الله
عايز اشترك فى نظام هوم 95 منغير خط ارضى هل فى راوتر هوائي ينفع يشتغل مع النظام ده ويكون بدون خط ارضي
أهلا بحضرتك أستاذ ناصر محمد
أولا السعر 95 ده قبل تطبيق قيمة الضريبة المضافة بعد التطبيق السعر حاليا للاشتراك في عرض الأنترنت 114 جنيه مصري
ثانيا الي اعرفه ان لازم يكون في خط ارضي لتوصيل خدمة الأنترنت ممكن حضرتك تسأل في اقرب سنترال لك تابع للمصرية للاتصالات ممكن تكون في حلول جديدة للاشتراك في خدمة الانترنت المنزلي
انهى اكبر جيجا أم ميجا للرواتر المنزلية
أهلا بك زائرنا الكريم
يوجد فرق
الجيجا سعة أكبر من الميجا
الجيجا تساوي 1024 ميجا
ثانيا الجيجا في أنظمة تي داتا هي سعة تحميل
لكن الميجا في العروض هي سرعة التحميل
أهلا بحضرتك أستاذة هالة كمال
المشكلة الأساسية بالنسبة لك هتبقى في السنترال الي حضرتك مشتركة فيه
ممكن ضغط المشتركين هو الي بيخلي السرعة قليلة جدا بالنسبة لك
وجهة نظري الأحسن حضرتك تتصلي بخدمة العملاء والسنترال وتشوفي رائيهم ايه في ضعف سرعة الانترنت
الخطوة الثانية اذا المشكلة لم تحل تجربي تغير نظام اشتراكك لهوم مثلا 114 سرعة 1 ميجا سعة تحميل 100 جيجا
عايز اعرف الواحد جيجا تقريبا يساوي كام دقيقه تقريبا يعني
أهلا بحضرتك أستاذه فريده
سعة التحميل بالجيجات لا تقاس بالساعة في الاساس على حسب استخدامك الشخصي
من اسمها سعة تحميل
سعة تحميلك دي ممكن لو السرعة تمام عندك الجيجا تخلص في 5 دقائق لو بتحملي فيلم مثلا
لو السرعة شلل ممكن تقعد شهر عادي ومتخلصش
انا عايز اوصل انترنت عندى فى المنزل
عايز اعرف الاسعار والعروض
أهلا بك أحمد شعبان
بالنسبة للأسعار والعروض هذا الموضوع يشتمل على أسعار وعروض الانترنت من شركة تي داتا
وفي روابط مذكورة في هذا الموضوع لشركات الأنترنت الأخرى زي اورانج وفودافون واتصالات
حضرتك ادخل على الاربعة مواضيع وقارن بين الأسعار والعروض المقدمة واختار العرض المناسب لك من حيث سعر الاشتراك الشهري وسعة التحميل المناسبة لاستخدامك الشخصي
بعدها بتروح تقدم طلب اشتراك في خدمات الانترنت الارضي في الشركة الي حضرتك عايز تشترك فيها
اذا كانت شركة tedata بتقدم طلب في أقرب سنترال لك
إذا كانت شركة أخرى بتقدم طلب اشتراك في اقرب مركز خدمة عملاء تابع للشركة لك
وبيتم توصيل خدمات الأنترنت لك في أقرب وقت ممكن ان شاء الله
حقيقة خدمة TE data من أسوأ الشركات التي تعاملت معها والدعم الفني وعد بارسال فني لفحص الخط ولم يتم ذلك ويبلغون الشركة بانهم اتصلوا بالعميل وهذا لم يتم حسبي الله حتى هذه اللحظة النت لم يستقر وحتى فكرت اشترك بفودافون لكن لازم TE Data تفصل اولا عدم وجودي بمصر حال دون ذلك وسوف انصح اي حد يشترك باي شركة غيرها
السلام عليكم انا احمد من اسيوط
عايز استفسر عن نظام شبكه هوم
_وهوا فيه عروض ولا لا
وعليكم السلام ورحمة الله وبركاته أهلا بيك أحمد
نظام هوم يتكون من أكتر من عرض ونظام مختلف كما هو مذكور في هذا الموضوع
تبدأ أسعار الاشتراك فيه من 57 جنيه شهري بسعة تحميل 10 جيجا شهريا وتتدرج حتى تصل إلى سرعة 8 ميجا باشتراك شهري 399 جنيه وباقة تحميل 300 جيجا شهري
أحسن نظام وعرض من ضمن عروض هوم هو العرض التاني باشتراك شهري 114 جنيه سرعة 1 ميجا باقة تحميل 100 جيجا شهريا
هذا العرض مناسب جدا لمستخدمي الانترنت المنزلي
نريد سرعة 4 ميجا مع سغة 150 جيجا
أهلا بحضرتك أستاذ أحمد فتحي
العرض المناسب لك هو نظام هوم سرعة 4 ميجا وسعة تحميلك 200 جيجا شهريا
سعر الاشتراك في هذا النظام 250 جنيه شهريا
إذا حضرتك مشترك قديم في شركة tedata وعايز تغير النظام بتقدم طلب لتغير نظام الاشتراك في خدمات الانترنت المنزلي
وإذا حضرتك مشترك جديد وترغب في الاشتراك في عروض وأنظمة تي إي داتا بتزور أقرب سنترال أرضي لك تابع للشركة المصرية للاتصالات وبتقدم طلب للاشتراك وبيتم توصيل خدمة الأنترنت لك في أقرب وقت ممكن
حضرتك انا عايز اقدم ع تليفون ارضي عشان اوصل نت
محتاج اعرف ايه اللي مطلوب مني عشان اقدم واقرب شركة ليكو .
علما بأن مكنتش موصل قبل كدا يعني دي اول مرة .
وانا من كفر العلو ايه مطلوب مني بقا .
أهلا بحضرتك أستاذ عبدو محمد
للاشتراك في خدمات التليفون الارضي بتزور أقرب سنترال للشركة المصرية للاتصالات عندك في المركز أو المحافظة التابع لها محل اقامتك وهنا بتقدم طلب للاشتراك والفني بيجي يوصل لك خدمة التليفون في أقرب وقت ممكن
ونصيحة حضرتك عايز التليفون الارضي علشان خدمة النت فقط بعد ما تشترك خلي خط التليفون استقبال فقط مقابل 100 جنيه سنويا بدل ما تتدفع كل فترة اشتراك شهري ومكالمات زيادة وانت مش بتتكلم اصلا
الخطوة الثانية بعد الاشتراك في التليفون انك تقدم للاشتراك في خدمة تي داتا في نفس السنترال
وممكن تعمل الخطوتين مرة واحدة اشتراك في خط تليفون ارضي مع اشتراك في شركة الانترنت tedata كله في نفس المكان سنترال المصرية للاتصالات
لو سمحت انا كنت مشتركه في نظام ال114جنيه وتحميل لغايه 100جيجا.بس للاسف مش بتخلص يعني استخدامي لا يتجاوز 20-25 هل ممكن انزل سعه التحميل مع الاحتفاظ بالسرعه؟
هل فيه باقه أخري ممكن تناسب استخدامي؟
أهلا بحضرتك استاذة مروة عبدالمعطي
في لكن للاسف لا تناسب حجم استخدامك المكتوب
يعني في السرعة والنظام الأقل هوم ب 57 جنيه لكن للأسف سعة تحميل 10 جيجا
حضرتك تخيلي الفرق النظام الي حضرتك مشتركة فيه ضعف السعر لكن 10 أضعاف السعة التحميلية
كل نظام له ميزة وله عيوب سواء كان السعر غالي أو السعة التحميلية قليلة
رائي الشخصي احسن نظام منزلي للاشتراك في تي داتا هو النظام الي حضرتك مشتركة فيه يجمع بين السعر وسعة التحميل
الحلول المتاحة لك اما تشتركي في النظام الأقل وتقللي حجم استخدامك الشهري ليناسب الباقة 10 جيجا شهريا
أو ممكن تشتركي انتي وأحد الجيران في نفس خط الأنترنت ويتم تقسيم المبلغ عليكم انتم الاثنين وكل واحد هيدفع 57 جنيه
أو الحل الأخير ان حضرتك تستمري على نفس النظام والوضع القائم
ولماذا لا يكون هناك نظام تحميل كباقى الشركات السعة التحميلية متدرجة مثلا 10 جيجا – 20 جيجا – 30 جيجا – 50 جيجا وهكذا ؟
أهلا بك زائرنا الكريم
كل شركة بتحدد المناسب لها من حيث السعر وسعة التحميل
كذلك العميل يختار المناسب له من حيث السعر وباقة التحميل من كل عروض الانترنت المقدمة من الشركات
في النهاية السوق عرض وطلب إذا لم يناسبك عرض أو شركة انترنت ابحث عن الاخرى
أنا مشتركة في نظام وبدفع115 وعاوزه احول لنظام home50 ينفع ولا لأ؟ ولو ينفع أعمل إيه بالظبط؟؟؟؟
أهلا بحضرتك أستاذة أمل أحمد
بالتأكيد ينفع ان شاء الله حضرتك أسالي في سنترال المصرية للاتصالات عن تغير باقة الانترنت المشتركة فيها وهتقدمي طلب ويتغير نظام اشتراك الانترنت الخاص بك
هل يوجد راوتر بفيزاه
أهلا بحضرتك استاذ محمد السقا
سؤالك مش واضح لي بشكل كامل
هل حضرتك بتسأل عن شراء رواتر الانترنت من خلال فيزا البنوك؟ ولا تقصد شئ آخر
انا رحت النهارده ازود السرعه من اميجا الي 2ميجا يطلب من ان استني لدفع الفاتوره زائد قيمه الفاتوره الجديده ازاي وانا بدفع مقدم ادفع ثمن فاتورتين وانا بقولهم خلاص هدفع بس الشهر الجاي الفاتوره مش جايه يقولي اما تنزل هبقولك ازاي ويقولي اتصل ب111 واستفسر وانا في الغرع نفسه
أهلا بحضرتك أستاذ محمد السعيد
ده العادي في أغلب الموظفين نظام فوت علينا بكره يا سيد
بشكل عام سيبك من السنترال ده واتواصل مع خدمة العملاء وشوف رائيهم أيه
ممكن تتصل ب 111 أو تكلم الدعم الفني شات أولاين
ممكن حضرتك تتابع شرح تقديم الشكاوي في شركة المصرية للاتصالات وتي داتا عبر الرابط التالي
https://www.ngmisr.com/arab-news/egypt-news/tedata-customer-service-number
انا خلاص قررت اسيب تى داتا زى 22 واحد من اهلى واصدقائى سابوها الشهرين اللى فاتو ومش علشان سوء الخدمه غير المحتمل اللى وصلت ليه الخدمه من ساعه ما بقت تبع المصريه للاتصالات ولكن علشان فقد المصداقيه فيهم وكذب خدمه العملاء البشع على العملاء وعدم اعترافهم بان فيه مشكله عامه فى الشركه وجعلهم يعتقدون ان المشكله فى راوتراتهم وجعلوهم يشترون راوترات جديده ومنهم من اوهموه بتغيير سلك الاتصال ببوكس التليفونات بسلك جديد ولكن لم تتغير الخدمه نهائى وذلك لانها كانت كذبه وعدم مصداقيه وتهرب من الاعتراف بان فيه مشكله عامه و لهم حق الاختيار فى الانتظار حتى حل المشكله او الغاء الاشتراك حسب رغبتهم وهذه هى المصداقيه التى اعلم انك ستدافع عن الشركه وتقول عادى هذا حال كل الشركات الحكوميه مثل ما قلت قبل ذالك للاسف ولكن احب اقول ان الشعب ما زال بيفهم ومازال يستطيع ان يحتقر من يكذب عليه ويتجنبه نهائيا ونحن سنقرر تجاهل هذه الشركه كما تجاهلتنا والعدد فى تزايد
اسواء مقدم خدمة فى مصر
واما التركيب فى خلال اسبوع فدى اكبر كذبة هتسمعها فى حياتك
الاول فى خلال اسبوع بعدها خلال 15 يوم عمل قابلين للزيادة
بعدها مفيش ميعاد محدد وعايز تشتكى عندك 155
وسايبيين عمال التركيبات فى السنترالات يركبوا الخد فى اقل من اسبوع بالرشوة
أهلا بحضرتك أستاذ إبراهيم سليمان
هذه عادة أغلب الشركات، والمشكلة الاساسية تأتي من تكاسل الموظف عن أداء العمل بالذمة والأمانة بشكل مباشر سواء كانت تي داتا أو غيرها من شركات الأنترنت
هل نظام هوم سرعة 1 ميجا عليه راوتر هدية؟
أهلا بحضرتك استاذ يحيي راشد
عند الاشتراك في نظام هوم من تي داتا تحصل على خصم 20% والروتر الهدية عند دفع قيمة الاشتراك الشهري من خلال فيزا الانترنت عبر موقع المصرية للاتصالات لمدة ثلاثة شهور مقدما
وممكن حضرتك تتأكد من أقرب سنترال لك احتمال يكون تم تغير هذا الشرط
عندي راوتر واتحرق ممكن استبدله وهل يوجد مصاريف
أهلا بحضرتك أستاذ محمد عبدالرازق
الروتر مالوش ضمان وشركة te data ملهاش علاقة بالرواتر
ممكن حضرتك تشتري روتر من السوق عادي المناسب لك وفي انواع كتير زي tp link وفي toto link وممكن حضرتك تشتري واحد زي الي عندك
وممكن حضرتك تسأل في شركة تي داتا للتأكيد
عندي راوتر واتحرق ممكن ناخذ واحد مكانه وهل فية مصاريف
الورتر بيبقى هدية للمشتركين الجدد للمرة الأولي في شركة تي اي داتا
هل الهدية دي عليها ضمان؟ اعتقادي لا
هل الهدية دي لو باظت اقدر اغيرها أو استبدلها؟ اعتقد لا
وممكن حضرتك تسأل في السنترال الي حضرتك اشتركت فيه لخدمات الانترنت الأرضي
السلام عليكم انا عندي مشكلة بتواجهني كل اخر شهر وهي ان النت بيبدا ميفتحش اي مواقع او منتديات وكمان الوافاي في التلفون بيفصل كل دقيقتين وكنت ب اتصل بالدعم الفني كان بيديني رقم كود كده بحطه في محرك البحث بيفتحلي صفحة فيها كلام والصفحة شكلها بنفسجي كده المهم كان بيبئة في زر تحت كده مكتوب عليه استكمال الباقة بضغط عليه كل حاجة بترجع تمام زي ما كانت يا ريت اللي يعرف حل المشكلة دي او الرقم ده يا ريت يساعدني
شكرا
أهلا بحضرتك أستاذ محمد عرفات
في الإغلب حضرتك مشترك في باقة محدودة من باقات تي داتا
بعد انتهاء سعة تحميلك الخط بيقف ومش بتقدر تفتح أي موقع
الأحسن يا اما تزيد من باقة اشتراك أو تتابع استهلاكك الشهري وتظبطه على حسب باقتك
لو سمحتو عايز اعرف ايه هي الانظمة الغير محدوده المتاحه؟؟
أهلا ملك
الأنظمة الغير محدودة هي أنظمة tedata unlimited
وتم ذكرها وأسعارها ومزاياها في هذا الموضوع
مع ملاحظة أن فكرة الباقات الغير محدودة الى كانت موجودة زمان وتفضل تحمل بنفس السرعة الى ما لا نهاية اتلغت
هي الاسم انها غير محدودة لكن اول ما تخلص سعة تحميلك المتعاقد عليها السرعة بتقل جدا وبتبقى شبه شلل ومتعرفش تفتح اي حاجة
طب عرض الانترنت الي هو سرعة تصل ل 16 ميجا ومعايا 100 جيجا تحميل , معايا كم جيجا upload ؟؟
أهلا بيك أستاذ عبدالله
ال 100 جيجا تحميل وأبلود الاثنين مع بعض
مش 100 جيجا تحميل فقط
لو سمحت انا كنت عايز اسال علي ازي اوصل انتر نت وهي باقة ١٠٠جيجا وسرعه ١ميجا عليها روتر هديه
ممكن تشرحلي ازاي اوصل انترنت وهل باقه ١٠٠ جيجا سرعة ١ ميجا عليها روتر هديه
أهلا بحضرتك أستاذ محمد الشافعي
لتوصيل الأنترنت من شركة تي داتا بتروح أقرب سنترال تابع للمصرية للاتصالات لك وبتسأل عن الاشتراك في الانترنت وبيتم توجيهك للموظف المسئول عن الاشتراكات الخاصة بالانترنت الأرضي بعدها بتملي طلب الاشتراك الخاص بك
وفي خلال أيام الشركة بترسل مندوب فني لك لتوصيل الرواتر وخدمات الأنترنت والخدمة بتشتغل ان شاء الله
بالنسبة للرواتر في حالة الأشتراك في باقة 100 جيجا سرعة 1 ميجا شهريا آخر المعلومات الحصول على الروتر المجاني في حالة دفع الاشتراك مقدم من خلال الأنترنت
الله اعلم ايه النظام حاليا ممكن يكون تم تغيره لما تروح تشترك هتعرف ان شاء الله اذا في رورتر مجاني ولا لا
السلام عليكم
أنا مشترك بالشركة و كنت عاوز أعرف كيف أستطيع معرفة الرصيد المتبقي لي من باقة ADSL المنزلي ؟
برجاء مساعدتي .
وعليكم السلام ورحمة الله
أهلا بحضرتك أستاذ محمود عبدالفتاح
بصراحة لا أعلم طريقة محددة للاستعلام عن باقي رصيد الباقة
لكن بشكل عام ممكن حضرتك تتواصل مع الدعم الفني الخاص بشركة tedata
شرح كيفية التواصل مع ممثلي الدعم الفني عبر الرابط التالي
https://www.ngmisr.com/arab-news/egypt-news/tedata-customer-service-number
طيب ايه الفرق بين نظام هوم 1 جيجا ب114 ونظام طلقة بنفس السعر وهل ممكن اغير ولالا
أهلا بحضرتك أستاذ علي علي
بالتأكيد في فرق وهو التالي:
نظام هوم بتاخد 100 جيجا شهريا بسرعة 1 ميجا
لكن نظام طلقة بتاخد 15 جيجا شهريا بسرعة 8 ميجا
يعني شركة tedata مش بتديك كل حاجة يا اما تاخد سرعة يا اما تاخد سعة تحميلة أعلى
بالنسبة للتغير بالتاكيد ممكن تغير نظام اشتراك
لكن مع ملاحظة أن نظام طلقة تقريبا تم إنهاء الاشتراك فيه للعملاء الجديد
يعني لو غيرت مش هتقدر ترجع له تاني
وممكن تتأكد من السنترال قبل ما تقدم طلب لتغير نظام اشتراك الأنترنت
حضرتك انا مشترك في شركة تانية وعايز اشترك معكم ينفع من غير الغاء طرف ولا لازم الغاء طرف
أهلا بحضرتك أستاذ أيمن
ممكن حضرتك تتواصل مع خدمة الدعم الفني من تي داتا
شرح الطريقة عبر الرابط التالي
https://www.ngmisr.com/arab-news/egypt-news/tedata-customer-service-number
برجاء التوضيح: هل متاح خدمة الاشتراك في الانترنت معكم عن طريق شريحة انترنت نظرا لعدم وجود خط ارضي ؟
أهلا بحضرتك أستاذ أحمد
مكن حضرتك تتواصل مع الدعم الفني لشركة تي داتا
شرح للخطوات عبر الرابط التالي
https://www.ngmisr.com/arab-news/egypt-news/tedata-customer-service-number
مازالت الخدمة بطيئة جدا؟ متى سيتم الإنتهاء من إصلاح العطل؟
ماهى أقصى سرعة متاحة من خلال سنترال العصافرة (خط أرضى)؟
متى سيتم تطبيق ال 4 G?
أهلا بحضرتك أستاذ محسن تهامي
أعلنت الشركة المصرية للاتصالات بالفعل عن انتهاء العطل الذي يؤثر على سرعات الأنترنت في مصر بعدها بساعات
بالنسبة لأقصى سرعة في السنترال الخاص بك الله اعلم
بالنسبة لتطبيق 4G الله اعلم
ممكن حضرتك تتواصل مع الدعم الفني لشركة TE DAtat
شرح الخطوات عبر الرابط التالي
https://www.ngmisr.com/arab-news/egypt-news/tedata-customer-service-number
اسلام عليكم ورحمه الله
ممكن اعرف اسعار الميجا بلس وتفصيل النظام بس سعات المنظوب يفيد اكتر
وعليكم السلام ورحمة الله
أهلا بحضرتك أستاذ ابومازن
أسعار اشتراك الأنترنت نظام ميجا بلس بالترتيب 160 و 260 و 360 و 500 تضيف عليهم ضريبة القيمة المضافة 14%
يبقى الأسعار الجديدة للأنترنت بعد الضريبة 182 و 296 و 410 و 570
شخصيا أري أكثر نظام مناسب للاشتراك للمستخدم الشخصي هو نظام tedata home بسعر 114 حتيه وسرعة 1 ميجا مع سعة تحميل شهري 100 جيجا
كلامك بيدل ان ميجا بلاس اللى هى 100 جيجا دى هتخلص بسرعه
أهلا بيك أسلام
حجم ال 100 كبير جدا أكتر من 3 جيجا في اليوم
الي بيحدد الحجم ده قليل أو كتير هو سعة تحميلك واستخدامك له
في ناس مشتركة في النظام والشهر بيخلص قبل ما تخلص السعة التحميلية وفي ناس أول اسبوع في الشهر ال 100 جيجا بيخلصوا
السر في الحالتين هو استخدام المشترك والشخص نفسه
لو سمحت كنت عايز اعرف اكتر بالنسبه للشقق اللى واصلها فيبر تو هوم و الشقق نظام سمارت هوم انا سمعت انه لازم بنشترى جهاز عشان ندخل التليفون الأرضى بحوالى 2000 جنيه
بس السرعه ممكن توصل ل40 ميجا بيت هل ده صحيح و ازاى بشترك
أهلا بحضرتك استلذ إيهاب خليفة
مش متأكد من السعر بصراحة
لكن الى اعرفه إن سرعتها تعتبر جبارة بالنسبة للألياف النحاس العادية
سرعة التحميل بتصل إلى 100 ميجا في الثانية وسرعة رفع الملفات بتصل إلى 50 ميجا في الثانية
لكن الكلام ده نظري العملي الله اعلم
ممكن حضرتك تبقي تفيدنا بالمعلومات لما تجربه إن شاء الله
بعد اذنك في تعند من المسؤلين للمصريه للاتصالات فرع العجمي الاسكندريه في حل مشكه بوكس التليفونات للعماره عايز اشتكي المسؤل
ممكن اعرف الحل بعد ازنك
بعد ازنك في تعند من المصريه للاتصالات في حل مشكله البوكس بتاع العماره ايه العمل واعمل ايه عشان اشتكي المسؤل
لو سمحتم عايز اعرف هل في انترنت تجاري ؟ واشتراكه كام ؟ وهل في استخدام عادل وشكرا
آهلا بحضرتك أستاذ احمد
في نظامين من tedata يعتبروا في حكم التجاري وبيستهدف الشركات المتوسطة أو الكبيرة أو المستخدم العادي المحتاج سرعات كبيرة
الأول سرعة 16 ميجا بسعة تحميلية 300 جيجا شهريا اشتراك شهري 360
الثاني سرعة 16 ميجا بسعة تحميلة 500 جيجا شهريا باشتراك شهري 500
حضرتك شوف المناسب لك واشترك فيه
انا مشترك في تى داتا من سنه و نص أول ما كنت هشترك قالوا لى الخطوط بتتغير لفايبر جلاس انتظرت حوالى شهر و بعد كده الخدمه اشتغلت و أقسم بالله الخدمه كانت ممتازه، نظام ميجا بلس موصل السرعه 20 ميجا و الخدمه لم تنقطع خلال سنه و نص الا مره واحده عند تغيير configuration الراوتر فقط، دى شهادة حق ، مع انى متضايق جدا من مشكله النت الاخيره دى لأن شغلى متأثر بيها بس سمعت انها هتنتهى يوم الاتنين الجاى 1 يناير 2018
أهلا بمرورك الكريم أستاذ عمرو النجدي
لو قارنا بين الأسعار والسرعات نظريا tedata أفضل شركة لخدمات الأنترنت
بالنسبة لانخفاض السرعة ده على مستوى الجمهورية وكلنا مجبرين عليها
والسبب غير معلن حتى الآن
لكن تم حل المشكلة اليوم الأحد والحمد لله بتاريخ 31 ديسمبر 2017
اتصالات احسن واسعارها ارخص بكتير
أهلا بمرورك الكريم
كل واحد له وجهة نظرة في شركات الأنترنت في مصر
شخصيا ما زلت أعتقد إن تي اي داتا أحسن شركة في السعر
لكن السرعة بتختلف من مكان إلى آخر على مستوى الجمهورية
وده بيرجع لإمكانيات السنترال الأرضي إلي حضرتك مشترك فيه
يعنى السنترال جيد السرعة هتبقى تمام لكل شركات الأنترنت
السنترال زبالة السرعة هتبقى سيئة لكل الشركات المقدمة لخدمات الأنترنت
مش هتفرق اتصالات أو اورانج آو فودافون أو تي داتا
للاسف خدمه غير ادميه
اهلا بحضرتك
ده نظام العمل في مصر في جميع الشركات وليس قاصر على شركة TE Data فقط
ياجماعة انا مشترك والله الخدمه عندهم سيئه جدا جدا جدا وفيش حد بيديك سبب مقنع ولما يحس الموظف شكله بقى وحش بيقول يافندم فعلا فيه مشكله عامه وهتتحل فى اسرع وقت وده كان اخر رد امس الخميس 28/12/2017 وده كان على شات خدمة العملاء وتروح السنترال عشان تلغى يقولو ان السستم واقع ومش عارفين هيتصلح امته
اهلا بحضرتك استاذ محمد ابو يوسف
فعلا فيه مشكلة في خدمة الانترنت من تي داتا والسبب غير معلن حتى الآن
في انباء غير مؤكدة بتقول في قطع في الكابل البحري الرابط بين مصر وإيطاليا
نصيحة لأى اخ فاضل هتندم عند اشتراكك فى هذه الشركه انا مشترك بها ولايوجد بها خدمه مطلقا ولا اهتمام بالعملاء انا كل يوم بتواصل معهم بس للاسف مفيش اى جديد يعنى سرعه زفت الزفت ولما تحب تلغى وتروح السنترال يقولولك السستم واقع وده طبعا عشان تدفع الاشتراك ويكون اسمك مشترك ولسه اخر حاجه امس 28/12/2017 قالولى معلهش يافندم فيه مشكله عامه فى النت
لو نظرت لكل الشركات هتلاقي فيها نفس العيوب
الميزة الموجودة في اشتراك وعروض تي اي داتا السعر أرخص بكتير من باقي الشركات التانية زى اورانج او اتصالات او فودافون
عموما القرار لك شوف وجرب الشركات التانية ممكن تلاقي حاجة مناسبة لك
النت وحش جدا انا بدفع 110 بس للاسف النت مش شغال شركة فاشلة حسبنا الله ونعم الوكيل فيكم
في مشكلة حاليا في شركة tedata
الانترنت بطئ على مصر كلها من داخل في اسبوع
سبب بطئ الانترنت غير معلن حتى الآن
انا مشتركه بالنظام القديم اللى غير محدود ال ب 95 ياترى دا احسن ولا انظمه دلوقتى من حيث السرعه وسعه التحميل مثلا ال ب 95 وسعه تحميله 100 جيجا دا كافى لشخص استهلاكه كبير الى حد ما ولا الباقه تخلص بسرعه وهل فى فرق فى السرعه ولا هى هى
وجهة نظري الاحسن تخليك على النظام القديم الغير محدود
مع ملاحظة أقل اشتراك في السرعات المفروض بيقال عليها غير محدودة بسعر 114 جنيه بعد فرض الضريبة
النظام الى انت مشترك فيه حاليا لا يوجد فيه اشتراكات جديدة
ولو عايز تجرب الباقات الجديدة ممكن تشترك بخط اخر وتخلي الخط ده احتياطي معاك
لو سمحت انا بتصل من الصبح لان النت بطئ جدا ومفيش رد من من الشركة
عايزة اعرف سبب بطئ الشبكة مع العلم انى بدفع الاشتراك فى معاده
المشكلة دى من يومين
النت عند كلو بطئ مش انت بس
اهلا بحضرتك استاذه مي
المشكلة عامة على جميع المشتركين
السبب غير معلن حتى الآن
أنباء غير مؤكدة تتحدث عن قطع كابل بحري لخدمة الانترنت يربط بين مصر وايطاليا
انا مشترك جديد عايز اعرف النظام المتاح هيكون ايه واحسن شركه هتكون أورنج ولا فودافون ولا اتصالات
احسن شركة من وجهة نظري من حيث السعر هي تي داتا من غير منازع
لكن لو هتتكلم عن السرعات باقي الشركات افضل عندك orange adsl مثلا بتقدم سرعة 48 ميجا في الثانية
لكن اهم شئ يبقى السنترال الارضي يستحمل السرعة دي
عموما كل الاسعار والسرعات مكتوبة في هذا الموضوع وفي موضوعات لباقي الشركات
حضرتك شوف وقارن بين السعر والسرعة واحتياجاتك وشوف المناسب لك
وبعد اذنك كيف التواصل عشان اقدم علي راوتر
حضرتك كل نظام وله مزايا
مش بتقدم طلب خاص للحصول على الروتر
في انظمة عند الاشتراك فيها بتحصل على الروتر مجاني
وفي انظمة عند الاشتراك فيها بتحصل على روتر مع خصم
وممكن تشترى روتر من اى محل لو شايف الاسعار غالية
السلام عليكم استاذي الفاضل ممكن لو سمحت استفسر عن الميجا بايت اللي ب 50 جنيه شهريا اذا سمحت
لو سمحت عايز تحميل دون لود مفتوح سرعة 2ميجا مثلا موجوده وسعرها كام. مهتم جداااا
أهلا بحضرتك أستاذ احمد عادل
للأسف نظام الاشتراك الى حضرتك بتسأل عنه نظام قديم وكان مسموح فيه الاشتراك قبل كده وانقفل الاشتراك لكن المشتركين القدام مستمرين فيه عادي
دلوقتي نظام 2 ميجا الغير محدود خلاص اتلغى وبقى كل سرعات الاشتراك محددة في تي داتا
حضرتك اختار اكتر عرض مناسب لك ولاحتياجاتك من الأنترنت من العروض المذكورة دي
لو انا على نظام هوم ١٤٠ وعايز احول على نطام ميجا ١٦٠ اعمل ايه
حضرتك تذهب لأقرب سنترال فى الشركة المصرية للاتصالات أو السنترال إلى قدمت فيه طلب الاشتراك فى البداية فى خدمات الانترنت الارضي من تي داتا وبتعمل تغير للنظام والسرعة المشترك فيها
عاوز اغير رقم التليفون المحمول الموجود في عقد الاشتراك
عشان الرقم مسجل خطأ. وروحت للوكيل إلى مشترك معاه قالي الفرع هو الي هيفيدك روحت الفرع قالي هنحاول نخدم حضرتك في الموضوع ده ومحدش افادني نهائي.. من فضلك. ايه الحل
للعلم انا مشترك تقريباً من أكثر من 5 سنين. ألغى الاشتراك واشترك في مكان تاني ولا اعمل ايه. انا عاوز أسجل في ماي تي داتا ومش قادر بسبب الرقم الخطأ
اهلا بحضرتك استاذ محمود رضوان
للاسف تواجهني نفس المشكلة مشترك قديم والخطوط والايميلات المسجل بها البيانات ضاعت هههه ولا لم أبحث عن حل بصراحة
بشكل أولي حضرتك تواصل مع خدمة عملاء تي داتا
طرق تقديم شكوي في TE Data
شوف ردهم هيكون ايه وايه الخطوات الى ممكن تعملها
لو مافيش اي طريقة لتغير رقم التليفون مع خدمة العملاء وانت تريد بشدة حساب ماي تى اي داتا يبقى تلغي الخط ده وتوصل خط جديد بأسم أحد أقاربك
تى داتا خدمة سيئة للاسف وانا مشترم منذ 24 /11 وحتى الان لم استلم الراوتر ..كما ان الانترنت فى عيادتى دائم الانقطاع وضعيف ..حتى مع الاصدقاء والاهل ولا اعلم السبب
أهلا بحضرتك دكتور أمين مناع
سرعة الأنترنت سواء من شركة te data أو من غيرها بتعتمد فى الأساس على قدرات السنترال الأرضي الى حضرتك مشترك فيه يعني ممكن حضرتك تشترك بسرعة 8 ميجا لكن اخر السرعة فى خط التليفون الأرضي والسنترال 2 ميجا
فى الأغلب السرعة بتبقي ثلث السرعة المتعاقد عليها في أي شركة أنترنت يعني فرضنا تعاقدت على سرعة 9 ميجا سرعة خطك الحقيقية هتبقي 3 ميجا ده العادي فى الأنترنت الأرضي فى مصر وبنحاول نتعود عليه
بكام الاشتراك اول مره
اهلا بحضرتك
الاشتراك اول مرة هو نفسه الاشتراك بعدين لا توجد عروض حاليا للمشتركين الجديد
لكن ممكن تستفيد بخصم 20% لو اشتركت فى نظام هوم ودفعت مقدما بالفيزا عبر الانترنت
وأغلب عروض الاشتراك الجديدة بيبقى الهدية روتر مجاني
وممكن لو حضرتك عايز معلومات أكتر تتصل بخدمة العملاء عبر الرابط التالي
خدمة عملاء tedata
وممكن حضرتك تقارن بين أسعار الانترنت من te data والشركات الاخري زى أورنج وفودافون واتصالات بيقدموا عروض تخفيض الاشتراك فى اول 6 شهور بيصل إلى 50% من قيمة الاشتراك روابط الاسعار مذكورة فى هذا الموضوع
انا اشتركت منذ اكثر من ٧ ايام منتظر الرواتر ولا اعلم متي ياتي
اهلا بحضرتك استاذ محبوب عيسي
ممكن حضرتك تتابع الاشتراك فى خدمات الانترنت مع خدمة العملاء الخاصة بالشركة وشرح طريقة التواصل عبر الرابط التالي:
خدمة عملاء tedata
عاوز اغير الباش ورد لللواي قاى
اهلا بحضرتك استاذ محمد فتح الله
لتغير باسورد الرواتر الواي فاي من تي داتا برجاء اتباع التعليمات على الرابط التالي:
تغير باسورد رواتر tedata
بصراحة سعر الميجابايت الاضافية فى عروض تى دانا بعد مهاية الباقة غالية يا ريت ترخص شوية
اهلا بحضرتك استاذ محمد
سعر الجيجا الاضافية فى شركة tedata مش غالية جدا خصوصا لو اشتريت كمية زى 5 جيجا مثلا سعرها بيقل، وكل ما تزيد الكمية المشتراة سعرها بيقل جدا
ثانيا ميزة اخري حضرتك الجيجا الى بتشتريها من tedata مش بتضيع عليك، بتفضل متاحة للاستخدام لمدة سنة كاملة
انا مشترك وكانت الشبكه النت ممتازة جدا وبعد كدى صارت ضضعف كتر حتى صار ما فى شبكه نت نهاى ورنيت على الشركه اكثر من الف مرة ماشى ابعتلك مندوب ولا فيى مندوب ولا اي حاجة اثر من ثلاث شهور وبدفع الاشتراك واللة حرام عليكم
اهلا بحضرتك
ممكن حضرتك تزور أقرب سنترال من المصرية للاتصالات لك وتقدم شكوى احسن من الاتصال بالتليفون
واذا لم يتم حل المشكلة حضرتك لا تدفع الاشتراك، وممكن تقدم شكوى فى الجهاز القومي لتنظيم الاتصالات فى شركة tedat وممكن شكوى كمان فى جهاز حماية المستهلك
عايز اشترك علي الخط الارضي 38849075 علما بان الخط لسه جديد وابلغتهم في السنترال اني عايزه للنت ،
ايه الاجراءات؟
اهلا بحضرتك استاذ عمرو بركات
حضرتك بتملي طلب الاشتراك فى خدمات الانترنت المنزلي من شركة تي اي داتا فى السنترال
وبعدها شركة tedata بترسل مندوب لتوصيل الخط وتركيب الرواتر او ممكن تركبه حضرتك ويتم تفعيل خدمة النت على خط التليفون الارضي الخاص بحضرتك
عايز اعرف ان كان خط التليفون الارضى بتاعى يقبل سرعه 16 ميجا .مع العلم انى مشترك فى عرض 2 ميجا سعه تحميل 150 . وعايز اغير لميجا بلس 16 ميجا !!! رقم التليفون 0402695588
ارجو الافادة
اهلا بحضرتك استاذ حسام
حضرتك امامك خيارين علشان تتاكد سرعة 16 ميجا متاحة للاشتراك فيها عن طريق تليفون الأرضي:
1- السؤال فى السنترال الى حضرتك مشترك فيه عن أقصى سرعة متاحة (ده احسن خيار للتعامل مع المصالح الحكومية انك تسأل فى الجهة نفسها).
2- انك تملي طلب الاشتراك فى النظام المناسب لك على هذا الرابط !ut/p/z1/lZDJDoIwEIZfxYvnGcHUciSCgESIW8ReTEWi1cqijcvbW4-IxjC3Sb5vlh8YJMByfhN7rkSRc6n7NSObcOoYvdjDMO77I7Rd4roOjQzqIazqgBdSivbED_oLPzaQIrBWfmwRS_uBg9ZsoH2jrd8A3j7-KBthzi8w_rdEpyCOVcVsYGmRq-yhIFFZFw-ZLLuYHrL01OG7q-zwGxeSb4UU6qlPY_XBX8L52BxGpgYsB4cj0sPJoAE04_n3YHleLpP700QR7F8bAUZx/dz/d5/L2dJQSEvUUt3QS80TmxFL1o2X0tRRDIxT0cwSzBQOTcwQU02NFVRRDgxMFUw/?uri=nm:oid:Z6_KQD21OG0K0P970AM64UQD810U0 وتشوف رد الشركة عليك هيكون ايه.
مع ملاحظة احسن شئ اسأل فى السنترال ولو فى ومناسب لك عرض هتعمل طلب تحويل مباشر
شكرا لسيادتكم على الرد طيب انا كنت مشترك مع اورنج على رقم ٠٣٤٣٩٥٦٥٣ هل سيتم الاشتراك مع سيادتكم فورا ولا لازم طلب الالغاء من اورنج اولا
العفو تحت امرك استاذ خالد
احب اوضح لحضرتك الصورة الأول الموقع ليس تابع للشركة المصرية للاتصالات
ثانيا علشان تشترك مش متاكد لازم تلغي الاشتراك الاول من اورانج او تقدم طلب مباشر
لكن كان عندي تجربة خاصة بالسؤال فى الاشتراك فى انترنت اتصالات وكان طلبه لو مشترك مع شركة تلغي الاشتراك وتجيب رقم الالغاء من الشركة القديمة قبل الاشتراك معهم
٠١٠٠٣٣١٠٨٦٤
لوسمحت عاوز اشترك معاكم على الخط الارضى ٠٣٤٣٩٥٦٥٣
علما بانى مشترك مع اورنج وعاوز اشترك معاكم
اهلا بحضرتك استاذ خالد فكري نورالدين
للاشتراك حضرتك بتذهب لاقرب سنترال للمصرية للاتصالات وبتقدم طلب الاشتراك فى خدمة الانترنت الأرضي من tedata وبيتم توصيل الخدمة خلال اسبوع على الأكثر