مرتضى منصور للخطيب: الفلوس دي راحت لصندوق تحيا مصر في توك توك؟

علق مرتضى منصور، رئيس نادي الزمالك على تصريحات المتحدث باسم صندوق تحيا مصر، والتي كشف من خلالها رد الأهلي الهدايا التي تلقاها من المستشار تركي آل الشيخ، رئيس هيئة الترفيه السعودية.

مرتضى منصور للخطيب: الفلوس دي راحت لصندوق تحيا مصر في توك توك؟

وقال مرتضى، في مداخلة هاتفية مع قناة “الزمالك”: بقول للشخص اللي بيقول إنه المتحدث باسم صندوق تحيا مصر.. المفروض إن ده صندوق سيادي ولا يجوز الكشف عن أسراره”.

وأضاف مرتضى: “الأهلى طلع بيان سبني فيه وقال إني بروج شائعات.. أنا بقول لهم أخرج ورد على اللي بقوله بالمستندات مش بالبيانات”.

وتابع: “الشخص اللي طلع النهارده مع أحمد موسى وبيقول إنه المتحدث باسم صندوق تحيا مصر.. اطلع وقول الأهلي رجع كام؟” مشيرًا إلى أنه كان أغلق هذه الصفحة ولكن الأهلي هو من فتحها مرة أخرى.

ووجه مرتضى، سؤالًا إلى محمود الخطيب، رئيس النادي الأهلي، حيث قال له: “لو انت بعت هدايا تركي آل الشيخ لصندوق تحيا مصر.. أثبتت ده في الميزانية الخاصة بالنادي؟ الفلوس دي راحت لصندوق تحيا مصر في توك توك ولا بإيصال أو شيك؟”.

واستكمل مرتضى: “أتحدى إن يكون في الميزانية الكلام ده وبقول للأهلي رد على كلامي بمستند.. أنت ما رجعتش حاجة والكلام ده كله كذب في كذب.. في 2 مليون دولار دخلوا الأهلي عن طريق حساب المجلة الخاصة بالنادي.. لأنها مش مراقبة من الجهاز المركزي للمحاسبات”.

اترك تعليقاً