“أنا عارف إنك فاضى وعاوز تبقى ترند وخلاص”.. القصة كاملة لخناقة أحمد حسن كوكا وأحمد حسام ميدو

قام لاعب نادى الزمالك ومنتخب مصر السابق النجم أحمد حسام ميدو، بمهاجمة لاعب منتخب مصر أحمد حسن كوكا على مواقع التواصل الإجتماعى، حيث قال ميدو عنه بأنه لاعب متواضع ولا يصلح لأن يلعب على المستوى الدولى.

"أنا عارف إنك فاضى وعاوز تبقى ترند وخلاص".. القصة كاملة لخناقة أحمد حسن كوكا وأحمد حسام ميدو

وكانت بداية المشكلة عندما قام شخص بكتابة تغريدة على موقع التواصل الإجتماعى “تويتر” معلقاً:ـ “فى الحقيقة النجم أحمد حسن كوكا لاعب متميز وعامل مسيرة إحترافية رائعة، واليوم أحرز هدفه 99 في الملاعب الأُوروبية، كما أنه ثانى الهدافين المصريين المحترفين بالخارج بعد صلاح، والثالث في تحقيق البطولات بعد صلاح والننى، وله أرقام تانية كتير، وله منا كل التحية والتقدير والإحترام”.

حيث قام ميدو بالتعليق على التغريدة قائلاً:ـ “كوكا مهاجم متواضع، ولا يصلح للعب في منتخب مصر ولا على المستوى الدولى، حتى وإن جاب 1000 هدف”.

ليقوم كوكا بالرد عليه قائلاً:ـ “مهاجم متواضع؟، طب هو إنتا حد طلب رأيك؟، تانى حاجه إنت مبطل كورة وإنت عندك 29 سنة وأكيد كل الناس عارفه ليه، وتالت حاجة لو الأهداف اللى أنا جبتها شايفها قليلة إنت مجبتش زيها ليه، مع العلم بإنى اللى بيلعب في نادى أكبر بيكون فرص التسجيل له أكثر، ورابع حاجة بقيت مدرب وعمرك مكملت شهر في نادى”.

وتابع كوكا:ـ “أنا متاكد إنى مش صح إنى أرد عليك، وده علشان إنك فاضى وكمان عندك برنامج بتتكلم فيه، بس أكيد إنى كلامك مش هيهمنى، وهكمل وهركز في طريقى ومستقبلى، ومش عاوز حاجة من الناس بعد ما أبطل لعب، وكمان بعد ما أموت غير السيرة الكويسة”.

وأنهى:ـ “وأخر حاجة إنتا بتحاول تبقى إعلامى، وكمان بتقعد تتكلم عن ده وده علشان تبقى ترند بأى طريقة، أى شيءعاوز تتدخل فيه والسلام، دا إنتا كمان إتكلمت على صلاح في أول حياته مش كويس، أكيد الحقد عالى أوى عندك، وإنت من زمان بتتكلم عليا مش كويس”.