عقد المستشار مرتضى منصور رئيس نادي الزمالك جلسة مع لاعبي نادي الزمالك لتشجيعهم قبل مباراة حسم الدوري المصري الممتاز أمام نادي الاتحاد السكندري، والتي يضمن بعدها أنه وصل لنقطة النهاية في مسيرة الدوري العام واقتنص اللقب.
رسالة مرتضى منصور لإمام عاشور
“متع نفسك واحلم يا إمام، بس أنا خايف من الأحلام، ده كل ما أديك فلوس مش عارف بتوديها فين بصراحة؟ أنا هقولك بيني وبينك أنت بتودي الفلوس فين، بس مش قدام الكاميرات”.
وبدأ مرتضى منصور الجلسة بتقديم الشكر للمدير الفني البرتغالي فيريرا قائلاً: “أولاً أنا بشكر الراجل المحترم المدير الفني للفريق فيريرا، وبفضله هو والجهاز المعاون إحنا وصلنا والقطار بيهدي دلوقتي وداخل على محطة سيدي جابر، وأفتكر أني قلت للاعبين متبصش للأهلي ولا بيراميدز، بص لنفسك واكسب الماتشات”.
وتابع :”الدوري مخلصش، وعندنا ماتش هام جداً يوم الثلاثاء مع الاتحاد السكندري، والجماهير طايرة بيكم فأسعدوا الجماهير وننزل ماتش الاتحاد نكون عارفين أننا بنقابل فريقا قوي ولسه كسب البنك الأهلي 3/0 عندنا مفيش فريق قوي وفريق ضعيف نبقى نازلين واحنا عارفين إننا هنلاعب فريق كبير جدا، كابتن محمد عمر عنده لاعيبه على أعلى مستوى، ربنا يوفقكم ومتفكرش في المكافأة لأنها هتبقى أحلام إن شاء الله”.
ثم وجه الكلمة لكابتن الفريق محمود عبدالرازق شيكابالا وقال شيكابلا “احنا الحمدلله يا ريس وعدنا إننا هنفوز بالدوري والكأس والحمد لله احنا عملنا ده وفاضل خطوة الماتش الجي واحنا كلنا مركزين وإن شاء الله ربنا يكرمنا”.
ويتبقى للنادي الأبيض نادي الزمالك ثلاثة نقاط لضمان الحصول على لقب البطولة دون اللجوء لفارق المواجهات المباشرة بينه وبين نادي بيراميدز، ويتبقى له نقطتين ويفوز أيضاً ولكن بفارق المواجهات المباشرة.
ترتيب الدوري المصري الممتاز
يتصدر نادي الزمالك جدول ترتيب الدوري المصري الممتاز بعدد ٧٥ نقطة حصدهم خلال ٣١ مباراة في مسابقة الدوري.
الزمالك المركز الأول ٧٥ نقطة من ٣١ مباراة
بيراميدز المركز الثاني ٦٨ نقطة من ٣١ مباراة
الأهلي المركز الثالث ٦٤ نقطة من ٣١ مباراة
فيوتشر المركز الرابع ٥٠ نقطة من ٣١ مباراة
طلائع الجيش المركز الخامس ٤٩ نقطة من ٣١ مباراة
