حرص الإعلامى محمد فارس المذيع بقناة النادي الاهلي الرسمية التعليق على الأقاويل التي تخص على معلول ظهير أيسر النادى الأهلى.
أخبار وتقارير كثيرة عن معلول وهل سيتم قيدة في قائمة الفريق أم سيرحل فى يناير الحالي، ليعلق محمد فارس على المشهد.
محمد فارس وعبر صفحتة الشخصية على موقع فيس بوك كتب معلقاً :
قبل أي حاجة الأهلي بيتفاوض إلى الآن لضم لاعب أجنبي فمعلول مش طرف بيحاول يمنع الأهلي من حاجة فمفيش مبرر انه يتعرض لأي مشاعر سلبية.
وعلى فكرة طبيعي مع معلول تحديداً تسيطر عليك العاطفة لإن ذكريات معلول ونوستالچيا معلول وحكاية معلول مع الناس مش سهلة بس في حتة أغلب الناس بتتجاهلها أو بتنكرها هل أصلاً سيناريو قيد معلول هيحقق النهاية السعيدة المثالية والتكريم اللي الناس بتفكر فيه ؟ .
الإجابة أشك جداً ان ده هيتحقق لإن هل كولر كمدير فني عنده قناعات كاملة بيحيى عطية الله واللي كمعلومة فضله على جمال الشماخ لاعب حسينية أغادير وكان عنده تمسك وإصرار مش طبيعي بان اللي يتواجد عطية الله و مقتنع بيه حالياً بنسبة ١٠٠ ٪ وشايف انه كمان لسه مقدمش ٥٠ ٪ من اللي عنده وعنده بدائل زي الدبيس والعش وحتى عمر كمال.
هل كولر بقناعاته وموقفه الحالي هيشرك معلول على حساب عطية الله ؟ .ولا ممكن تلاقي كولر بيخرج معلول طول الوقت من القايمة . وهل معلول نفسياً هيكون سعيد في اللحظات دي وهو عنده قناعة انه هيتقيد والمدير الفني كان عنده موقف من إنه يتواجد وتصريحات مش واضح فيها التمسك بمعلول ! .
وهل السيناريو ده هو التكريم أو الذكرى الحلوة أو مشهد الختام اللائق اللي إحنا شايفين إنه في صالح معلول وقصته مع الأهلي ! . الزاوية دي من المشهد الناس بتتجاهلها تماماً وهي بتتكلم
