عوامل النجاح في لعبة كمال الأجسام

كمال الأجسام اللعبة الثانية بعد كرة القدم في الوطن العربي في فترتنا الحالية، ويوجد بعض العوامل التي تتحكم في نجاحك في لعبة كمال الأجسام.. سوف  ألخصهم في بعض النقاط.. وعوامل النجاح ليس معناها مين هيبقى أكبر واحد وأحسن جسم.. عوامل النجاح يعنى نجاحك الشخصى ورضاك عن نفسك ووصولك لأهدافك المنشودة التي تتطلع لها من خلال ممارستك للعبة كمال الأجسام.

عوامل النجاح في لعبة كمال الأجسام 1 6/7/2017 - 6:07 ص

1_ ضع أهدافك.. ولا تسير عشوائيا.. بمعنى لازم تحط أهداف واضحة.. واحلم بحاجات كبيرة.. لكن في حدود إمكانياتك.د

2_ ادرس عوامل النجاح كويس واتعلم من خبرات السابقين في مجال اللعبة.

3_ ارسم خطط؛ كيف تحقق الأهداف التي وضعتها.. بمعنى ارسم خطط وحط تخيلات وتصورات للمستقبل، لازم يكون عندك رؤية سليمة في إطار الظروف والإمكانيات المتاحة لديك.

4_استعد للفشل مرة واتنين وتلاتة، خليك بارد، افشل واخسر واتكفي على وشك، وبعدين قوم نفض هدومك وماتبصش وراك وكمل الطريق.

5_ استعد إنك تفشل تانى عادى، مفيش حاجة بتيجى من أول مرة، لو جت بتيجى حظ مش شطارة، افشل لحد ما تبقى متمكن من اللى بتعمله، وبعد كدة النجاح جاى جاى.

6_ حارب عشان أحلامك.. ماتيأسش وماتستسلمش، الموضوع مش اختيارى، وحاول تستمتع باللى بتعمله وبتوصله سواء نجاح أو فشل عشان انت كده كده مكمل، فشوف يعنى تكمل وانت قرفان ولا تكمل وانت مستمتع ومبسوط بكل خطوة.

7_ فيه عوامل تانية خارجة عن إرادتك..زى إيه؟،  زى الفلوس..للأسف وبكل وضوح اللعبة محتاجة فلوس ومصاريف كتييييير جدا.. جدا، ليكن ليس بمعنى إنك لازم تكون غنى، إحنا مش بنتقدم في اللعبة عشان مش عارفين نودى الفلوس فين، إحنا بنخلق الفلوس للعبة!.

_ العوامل الوراثية..الجينات من أهم العوامل في اللعبة، فيه ناس عندها جينات حلوة جداً مساعداها تعمل تقدم ملحوظ، وناس جيناتها معنداها، بس في النهاية الأساس تعبك ومجهودك، وذكاءك في إنك تخبى عيوبك بحاجات تانية انت شاطر فيها.

_ الذكاء وهو من أحد أهم العوامل.. واللى أقصده بالذكاء هو تقديرك لذاتك ومعرفتك لإمكانياتك كويس.. واختيارك للأوقات والأماكن اللى تقدر فيها تكسب بالإمكانيات المتاحة لديك.ا

_ لعلم والثقافة والتمكُن، اقرأ كتيييير وادرس وافهم اللعبة وخباياها وأسرارها.. اتفرج على ناس بتلهمك واتعلم منهم.. اتمكن من طرق التمرين وطرق العرض وعزز ثقتك بنفسك.. الحاجات دى مكتسبة مش موهبة ولا عطية من ربنا.

_ ماتعتمدش على إمكانياتك بس، طور نفسك باستمرار وماترضاش بالقليل، مثلا ميسى ورونالدو جامدين.. ميسى موهوب وهو مكتفي بده وجامد طبعا.. بس رونالدو موهبته أقل ولكنه مجتهد جداً وبيعافر ومابيستسلمش.. الموضوع مش مين موهوب أكتر.. الموضوع مين مجتهد أكتر في حدود إمكانياته.

_ ماتقارنش نفسك بحد..انت مش في منافسة مع حد، انت في منافسة مع نفسك، اتقدم على نفسك واكسب نفسك، حقق نتايج أفضل من اللى انت عملتها قبل كده، مش أفضل من اللى حد غيرك عملها، ابنى اسمك وركز في نفسك بس.

_ حب ما تلعب حتى تلعب ما تحب، اتمرن رجلين عشان تمرين الرجلين نصف طريق النجاح في اللعبة دى، وبعدين ابقى اتمرن باى وتراى.. إلخ.


قد يعجبك أيضاً

اترك رد

لن يتم نشر عنوان بريدك الإلكتروني.

تعليق 1
  1. Avatar of
    غير معروف يقول

    عااااااش يكوتش