حرص الاعلامى ابراهيم فايق التغني بالقرارات الاخيرة لمجلس ادارة النادى الاهلى على المستوى الادارى، والذى تم اتخاذها والاعلان عنها بالأمس.
إبراهيم فايق وعبر صفحته الشخصية على موقع التواصل إكس كتب متغنياً بقرارات مجلس ادارة النادى الاهلى برئاسة محمود الخطيب قائلاً :
الإدارة اللي تقرر في عز نجاحاتها واستحواذها على البطولات المحلية والإفريقية إنه تعمل تعديلات في هيكلها الأساسي.. هي إدارة تبحث عن استمرارية البقاء على القمة بتحاول تاخد بالاسباب مش بالرصيد..
غيرها يقولك يا عم ما هي ماشيه وبتطلع قماش والدنيا حلوة ألعب في الخلطة ليه؟ الحقيقة ده كلام الفهلوة.. إنما كلام الشغلانة بيقول أهم وأفضل وقت للتعديل وانت ناجح وواقف على رجلك علشان ده معناه انك بتطور من نفسك ومش واقف مكانك ولا مستني تفشل علشان تنزل الابديت الجديد.
الكلام ده يتحسب للنادي الأهلي وعلى رأسه كابتن محمود الخطيب.. محدش يعرف يعمل كده غيره.. محدش يعرف يواجه جمهوره بالتغييرات دي ويحافظ على الأسباب في الغرف المغلقة غيره.. المسألة تراكم خبرات ومسؤلية كبيرة وشخصية لها مواصفات خاصة.
تليجرام فيسبوك الاتصال بنا من نحن الخصوصية فريق العمل حقوق الملكية EN