لكل محبى السمك وعشاقة من المعروف ان الاسماك من الاكلات المحببة لدى الجميع وله العديد من مختلف طرق التحضير منها المقلى والمشوى وفى الفرن واليوم سنقدم لكم طريقة عمل سمك القاروص مشوى
اولا يتم تنضيف السمك كويس بميه ودقيق من جوه ومن بره ثم يتم غسله بمياه فقط .
بنشف السمك كويس بورق المطبخ وبعدين بتبله بملح وفلفل من داخل وخارج .
في الكبه تحضير خلطه عباره عن :
بصله صغيره
٣ ملاعق كبيره شبت
فلفل حار
٣ ملاعق كبيره ثوم مفروم
ملح فلفل اسود كمون
بضرب الخلطه كله في الكبه ويتم حشو بيها بطن السمك .
يدهن السمك معلقه كبيره زيت زيتون ومعلقه كبيره ليمون من كل ناحيه وبعمل فتحات بالعرض في السمكه بالسكينه .
ع الشوايه :
تدهن هن الشوايه زيت عشان السمك ما يلزقش وتوضع السمك في شبكه عشان تقليب السمك يكون سهل .
وضع السمك وتركه ٧ دقايق ثم يدهن زيت ووضعه ع الناحيه التانيه ٧ دقايق كمان .
* المفروض ما نقلبش السمك غير لما الجلد يفصل عن اللحم ويبتدي يطأطأ.
* بكرر حكاية تقليب السمك بس بخلي المده ٥ دقايق بس وبرضه بدهن السمك زيت وانا بقلبه .
بالهنا
