اجمل قصائد للشاعر سعد بن جدلان

السيره الذاتية للشاعر سعد بن جدلان

سعد بن شارع بن جدلان السعدي الاكلبي المعروف باسم “سعد بن جدلان” هو شاعر سعودي ويعتبر من كبار شعراء الخليج،  ولد عام 1947في محافظة بيشة وينتمي سعد بن جدلان إلى قبيلة اكلب وهو من عائلة معروفة بالشعر.

الشاعر سعد بن جدلان

قصائد سعد بن جدلان

ودنا بالطيب مير الدهر جحاد طيب
كلما تخلص مع الناس كنك تغشها

يدك لا مدّت وفا لا تحرّى وش تجيب
كان جاتك سالمه حب يدك وخشّها

كلما شبيت نار المحبه مع حبيب
قام يسحل في مشاهيبها ويرشها

وكلما واجهت لك في الزمن وجه غريب
مثل ماقال المثل دام تمشي مشها

وذمة ماهيب تندار للحق المصيب
جعل قشاش الحطب لا سرح يقتشها

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يا ذا الجلال اللي عروشك فوق وأملاكك حدر
مهمن تسامت به عروشه مستحيل يطولها

يا حيّ يا قيّوم يا ذات الآنافه والكبر
ما نافسك في عظمتك مكر العباد وهولها

ولا نافسك من عمر بيوته على سطح القمر
واللي ترسي فوق أقاليم المياه أسطولها

ولا أنت بحاجة من عبد ولا بحاجة من كفر
ولا بحاجة ثابت الدنيا ولا منقولها

أنت السميع لمن حمد وأنت المزيد لمن شكر
واللي ما يشكر نعمة المنعم عليه تزولها

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ياقف الفاضل تحت لوحة مرور الأفضليّة
وتعبر الفوضى مع جسر التحاشي والتغاضي

والأنانية وحب الذات سوت فوضويّه
في طلوع وفي نزول وفي عمار وفي قضاضي

بين قتّاتٍ أثيم وبين كيمرة خفية
وبين مختالٍ فخور وبين هدارٍ خواضي

تضرب المسحوب في عرض اللحون السامريّة
وتسحب أقواس الربابة للجواميس الرباضي

فارشين تحت نوّ الأمل بسط الأحمديه
وكل منهم لابس فتخة زعامة فعل ماضي

والآدمي ما يستريح إلا يعيش بواقعية
لا رضيت بواقعيك صح كل عنك راضي

وإما أنا حفي على الطيب وله حقٍ عليه
نحوهم لا أحطّ تأييدي ولا أحطّ اعتراضي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يا الله وحنا لك عبيدٍ ملاكا
ولمن يسالك مع رواق السما فكّ

يا مهلك العزّا معزّ الهلاكا
والمبتدا والمنتهى كلها لك

يا مالكٍ مالك بملكك شراكا
افرج لجاشٍ حطّ فيه الدهر حكّ

أبغى اتحاكا ما عرفت آتحاكا
من همّي اللي قاطعٍ له على صكّ

ضيم الدهر منه النشاما تشاكا
التكّ خلاها دبل والدبل تكّ

عطى ضعيف العقل ياكا وياكا
وإلا حكيم العقل ما يلحقه شكّ

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يا وليفي دمعكم في غيابي ردّ لي
وأدري إن دمعتك خوفٍ عليّ ومن غلاي

أنت ممرضني وأشوف المرض فيكم وفيّ
الهبوب البارده منك هبّت في حشاي

والله إن كبدي عليكم عراويها أضميّ
والمشارب غير هرجتك ما تقطع ضماي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

دخلت في الحب تصنيفه ورد اعتبار
واجتزت كل المراحل مرحله مرحله

سويت مثل العرب الأفغان في قندهار
إن حاربوا مشكله وإن عوّدوا مشكله

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أنت مطغيك البها لين حدّد مستواك
يعني أكبر مجرمة حب وأكبر طاغيه

أنا يوم أغليك وأجيك وأدور رضاك
باغيه نفسي ولا أدري وشنهي باغيه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الله يقطع الحاجه ومشي بلا مشهاه
والله يقطع اللي كلّ من قاربه ملّه

والله يقطع اللي لا بغيناه ما نلقاه
والله يقطع اللي لا صفا ما صفا كلّه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هلا يا خاطرٍ في خاطري من خيرة الخطّار
تقبلك الجوارح شرّع البيبان مسروره

يحيّيك الخفوق اللي بيوتك في مداه كبار
حللت أهلا بدار تحسب إنها عنك مهجوره

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الوضع مزري ويؤسف له ويرثى له
حاول على وضع يصلح لك ويصلح لي

إما اعتبرني ذكي ما أنت بعلى باله
وإلا اعتبرني غبي مرّه ووضح لي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لانشرح ظرفي لمثله سلمت من الحسوف
إن قدر وإن ما قدر ما ينقص من غلاه

إن قدر يدرك لزومي ملكني بمعروف
وإن تعذر من لزومي عسى الدنيا فداه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

إلا حاجتين تبحث اللي خفاه بعيد
إذا طال المرض ولا إذا ما طالت الطرقه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

والله إني ما أعتذر عن لزوم الطيبين
وإن عسرني فالمطاليق دايم يعذرون

لأنهم قد حدّهم وقتهم ومجربين
مرة يلقون وامرار ما يلقون لون

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أجامل على الأحوال والكبد فيها جرح
وكبدٍ يجيها الجرح تبطي وهي وجعه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

والمدوّر في متاهات سر الصامتين
بيتحيّر ما عرف كرهها من ودّها

كم شفوفٍ خيّمت في نفوس المستحين
لين ماتت بين بني الآمال وهدّها

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

والرمش سادات قومٍ في الضحى سجّد
في عيد الأضحى تقرّب بآية السجده

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بياض وجهه يغلب أكثر حماره
يشبه غضب محشومة دمّها حار

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كني يتيم حسّته نظرة الناظر
ما خلت براسه من دموعه ولا قطرة

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

والله إني شره وإن هقوتي ترقى الطفوف
غير عيّا يستحي الفقر من وجه الغناه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يالطيف الروح يا زين الصراحه
كلمتين أمّا مجي وإلا مراحي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عزمي يحطّ الثريا والقمر فيدي
وأسعى وعجزت جهودي عن طموحاتي

أرهي على جمع زرعٍ حصده بعيدي
ولا تحسّف على الفايت إذا فاتي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يجيني منّه هيبه سحا معزّه وتقدير
أجيه في خاطري علم وأروح ما قلته

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

على ضوء الكلام اللي كشف عنّا ستار الصمت
عرفت أن به وجيهٍ باليمن ووجيه بالشامي

مصيبه لا تردّت قيمتك في عين من قيّمت
يشوفك بالسهل وأنته تشوفه بالسماء السامي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فينا كبيرين الهقاوي يظنّون
إنّا لنا منزال فوق النوايف

ومن شانهم ما نقبل المنزل الدون
والوقت مدهر والمزاهب خفايف

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

والسكوت أخفي معرفه والكلام مصيبه
كان ما به كلمةٍ يفخر بها قايلها

والنشيد تشلّه الركبان وتغنّي به
كل ما غنّوا قصيدة قيل من قايلها

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

إما يشرح الرجّال ظرفه على رجّال
وإلا يسكت الرجّال لا يشرح ظروفه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وطارق أبواب العرب تفتح له الأبوابي
ومن فتح باب الضيافه يكثرون ضيوفه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

صديفي اللي ما يوقّف بصفّي
لا يمكن إن بيني وبينه علاقه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عزّلت من صدقان عطلة الأسابيع
وعزّلت من ضحك الوجيه الصناعي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طفّة المجد عن غيره تحود
وعند ذكره تحط إيد على إيد
‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

من قاد للعالم مقانيص وسباق
ثارت شوازنها وهدّت سلقها

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يدك لا مدّت وفا لا تحرّى وش تجيب
كان جاتك سالمه حب يدك وخشّها

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خلوني أسجّ عن موضوعه أحسن لي
وإلّا الغلا والله إن يبطي وهو غالي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الأصايل تكافح كل يومٍ بالكعوب
والرّدي لا حصّل اللي يهينه قدّره

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

( في الشاص الأبيض )

مثل شغموم على خدمة الخوّة ولوف
يتغانم شبّة النار قدّام اخوياه

وكن سبيره حبّة الخال في عاتق هنوف
لا نقص خطوى عشيرٍ تبين له غلاه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يقولون لي تب عن تصرفك وتحبّي
وأنا توبتي عن مجتمعهم هي التوبه

وديار الوبا من طبّها راح متوبّي
وقرّابة الجربا على الحول مجروبه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يا مرحبا ما دونها باب مقفول
لأبوابها ريموت بيدين أهلها
من يحط إذنه على كل سماعه
جاه فرقى ما بعدها تجمّاعي

إن تجمّعنا على العزّ والطّاعه
وإن تفرّقنا فجوج الله وساعي

فاقدٍ لي سلعهٍ وأغلى بضاعه
سلعةٍ تشرى ولا هي بتنباعي

رفقه الطيب ليّا غيّر طباعه
أشهد إنها كيّة توجع اوجاعي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

‏( في الجمس )

ولا وطا أرض العتش كن تهزّاعه
بنت شيخٍ طامحٍ من ولد راعي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أفّ يا كبر الحلام اللي على بالي وشفّي
وأخّ يا راسي من التفكير في مالا يشونه

وأحّ يا حرّ انتظاري للقبول من المقفّي
وآه يا حبٍّ عطيت الناس ما يستاهلونه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سلام يا غرّ السحاب اللي تبجّح بالمطر
وشمّ الجبال اللي تبجّح بالسحاب قذولها

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أنا في السفر لا صار مالي خـوي أزريـت
أشوف الطريـق بعيـد والطرقـه وحيشـه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا بغيت أسجّ من سمح المحيّا
شفت من وصفه على غيره حلايا

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

من خذا منكم خفيّات السراير
والله إن يبطي ولعكم في ضميره

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يا قطـاة العبيّـه يا هـيـام الـذلـول
يا عيـون النـداوي يا رقبـة الغـزال

نور وجهك على من شاف منك القبول
نور صبحٍ تبسم فـي رهـاد الجبـال

كني أقرا على طُـرّة جبينـك تقـول
أنـا قلبـي يحبـك يا حبيبـي تعـال

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا فكت تلابيبٍ كما ريح روضة تل
تنهّدت وقلبي لو تنهّدت ينتلّ_

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مقاديم عكشٍ للحجاجين متقاطر
سعف قلب مرباعٍ من الحمل منهطره

كن في عاتقك مقدم تناعومة الماطر
جمال الطبيعة لاوّل اللي على الفطره

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

‏( في القعود )

طوله فخوذ وسيق والعنق شاره
ومن طول زوره تحسب إيدينه قصار

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا إله إلا القدير المعطي الوهّابي
الخضوع لسلطنته وكبرياه ونوفه

كل ما تحته على وجه التراب تراب
والمعزّه والمذلّه من رجاه وخوفه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

من نور جيده سواد الليل متبجّد
ليله يصبّح مساه وصبحه يهجده

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وأهل التكلّف بالمعرفه والتصنّع بالبشر
والله ما هي حول الصحيح ولا الصحيح بحولها

اللي يفضّل ما يقيّم بو ميه من بو عشر
حتى الفضوليّه عن الفاضل بطل مفعولها

اللي تخبره لحيته ذا طولها يصبح بزر
واللي تخبره بزر يصبح لحيته ذا طولها

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أنا وين أبلقى يالأجاويد فاعل خير
حريصٍ على سرّ المحبّين لا أرسلته

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يجيني هموم ما تسير على السالين
ملفاها معنّين الزمان ومجاريحه

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خلج الشكاوي على مجدك مسانيدي
اللي حداها من الأيام صكّاتي

يا محقق أهداف شرهين المقاصيدي
في جانبك تكبر شروهي وهقواتي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا حدانا القلّ واللّي روابعهم ضعوف
جعل ربّي ما يرينا غضبه ولا جفاه

ولا نقفل بابٍ من الرزق حرّاسه وقوف
فتّحت بيبان الأرزاق من كل اتجاه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خلوني أسجّ عن موضوعه أحسن لي
وإلا الغلا والله إن يبطي وهو غالي

‏ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الأصايل تكافح كل يومٍ بالكعوب
والرّدي لا حصّل اللي يهينه قدّره

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يجيني منّه هيبه معزّه سحى تقدير
أقابله عندي عـلم وأروح ما قلـــــته

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كن بياضك في حمارك لا تقسّم
عارضٍ في وجنتك موكب مراسم


قد يعجبك أيضاً

اترك رد

لن يتم نشر عنوان بريدك الإلكتروني.