هتضحك من قلبك… مواقف طريفة تخلصك من الطاقة السلبية

يقول ستيف سولطانوف، رئيس الرابطة الأمريكية للعلاج بالضحك” عندما يضحك الإنسان من قلبه يفرز هرمون الكورتيزول( وهو الهرمون الذي يفرز عندما يكون الإنسان تحت تأثير الضغوط)، بقلة، لذلك عندما يكون الإنسان في حالة ضغوط ويتناول هذه الضغوط بالضحك، فذلك يقلل من معدلات إفراز الجسم لهرمون الكورتيزول، كما أن الضحك يزيد من احتمال الإنسان للآلام، كما يقوى الجسم من خلال إفراز الأجسام المضادة التي تمنع تصلب الشرايين.

لذا أحببت أن أقدم لكم بعض المواقف الطريفة التي تجعلكم تضحكون من القلب.

اضحك من قلبك… وتخلص من طاقتك السلبية

• ينفع أتدخل في اللي مليش فيه؟⇐ إنت بتستأذن؟⇐ يا جدع خش دا كلهم جوه!
• مسير الفرحة تلف وترجعلك، طب وانت جاتلك؟⇐ لا والله لسه بتلف!
• إيه أفضل سن للجواز والتفاهم بين اثنين؟⇐ سن ال 80، ⇐ إشمعني؟⇐ لا هي قادرة تسمع، ولا هو قادر يتكلم!
• في الإمارات، والكويت، والسعودية، ما شاء الله، معاهم مليارات، وتلاقي أسماء العائلات، آل نهيان، وآل تعبان، وآل مكتوم، وآل محروم، وآل جوعان، وفي مصر بنستلف من طوب الأرض، وتلاقي أسماء العائلات، أبو العز، وأبو الخير، وأبو الدهب، وأبو الريش!
• ممكن الناس اللي بتتكلم عليا في ضهري، تبقي تهرشلي بالمرة!
• هو ليه كل المغنيين غنوا لوجع القلب، ومحدش غني لوجع الضهر، مع إن وجع الضهر أقوى!
• بفكر في تأسيس جمعية لأصحاب البخت المايل، بما إننا كتير أوي، وأسميها صامدون رغم النحس!
• ليه الناس بتزعل لما نعاملهم بنفس معاملتهم، يعني هما عندهم كرامة وإحنا عندنا رز بلبن!
• جيت أشيل المسؤولية وقعت على دماغي فتحتهالي!
• فيه دور اكتئاب داخل عليا، وانا لسه مخلصتش الاكتئاب اللي في إيدي والله!
• الدنيا مليانة ناس حلوة، بس الحظ بيحدف علينا بهايم!
• اللي زعلان من تصرفاتي وعايز يحاسبني عليها، ياريت يحاسبني بالدولار!
• الناس اللي كانت بتقول إحنا داخلين على أيام سوده، اصحوا يا حبايبي إحنا وصلنا!
• محدش فهم الحياة صح غير الديناصورات، شافوا الوضع ميطمنش انقرضوا!
• في ناس كتير من كتر ما بتلف وتدور، هتموت دايخة إن شاء الله!
• أنا لما بقفل من حد المفتاح بيضيع!
• عزيزي المخ، يا تشتغل وقت الموقف وترد الردود اللي أنا عايزها، يا تسكت خالص، وتنسي الموقف، ومتجيش تفكر في ردود، بعد ما الموقف يخلص وتحرق دمي!

اقرأ أيضا: 12 قانون في علم النفس لو طبقتها هتتغير حياتك للأفضل

اقرأ أيضا: محشي ورق اللفت على الطريقة الريفية