كلمات الأغنية الجديدة “100 حساب” للفنان أحمد سعد والمطرب الشعبي حسن شاكوش

أطلق كل من النجم أحمد سعد ومطرب المهرجانات حسن شاكوش أُغنيتهم الجديدة بعنوان “100 حساب” خلال الأيام السابقة أي منذ أسبوع واحد فقط، حيث أن الأغنية حققت نسبة نجاح عالية جداً بعد طرح الفيديو كليب الخاص بالأغنية على منصة اليوتيوب، وقد حصلت على 5 مليون مشاهدة حتى الآن، ومن المحتمل أن تكسر هذه الأغنية حاجة الـ 15 مليون مشاهدة في الوقت القريب، ومن خلال سطورنا القادمة سنتعرف على كلمات الأغنية.

 

كلمات الأغنية..

بتشرف بيكم وبقول

إن الدنيا بحالها حسداني عليكو

دي حتى الطيبة دي جواكم

بتبان في عينيكم

ده مقامكم عالي أوي عندي

من بختي الحلو ومن حظي

عشرتكم عندي أنا بالدنيا

مقدرش أبعد عنكم ثانية

الله يخليكم

 

أنا وسط ناسي بتعملي 100 حساب

والشهم ليه مكان وسطنا لو حتى غاب

إحنا الرجولة والأدب والإحترام

معمول لينا في الجدعنة مليون كتاب

مياكلش عيشنا وملحنا غير الأصيل

لو حد ضاقت يوم عليه على أخوه يميل

كلمتنا واحدة وعا الحلال متربيين

في أي حته معروفين من غير دليل

 

أهل الرجولة والشهامة والكرم

ابنى وابويا واخويا وصاحبي المحترم

أهلي وحبايبي اللي ليهم وضعهم

واسمهم أشهر من النار على العلم

 

الناس في قلبي كوم يا صاحبي وانت كوم

لو عشت طول العمر أشكر فيك واصون

ما يكفيني العمر كله شكر فيك

بتزيد في نظري يوم يا صاحبي بعد يوم

 

ده انتو ناس أصل وتمام

ناس رجوله مش كلام

صحبة حلوة وعشرة أحلى

100 تحيه و100 سلام

ده انتو وقت الشدة سندي

أنتم أصحابي وأهلي

مهما أقول أنا من الكلام

انتو أغلى حاجة عندي

 

أهلي وحبايبي وناسي اللي مشرفينا

لو غيبت عنكم أحس روحي رايحة مني

دا بينا عشرة وعيش وملح وكلمة حلوة

لو يوم بعدت صدقوني ده غصب عني

ياللي الأصول والجدعنة ده طبع فيكم

في أي حته معروفين بيبان عليكم

تملي في الخير سباقين ومقامكم عالي

إيد واحدة دايما كلكم تسلم ايديكم

ده انتو ناس أصل وتمام

ناس رجوله مش كلام

صحبة حلوة وعشرة أحلى

100 تحيه و100 سلام

ده انتو وقت الشدة سندي

أنتم أصحابي وأهلي

مهما أقول أنا من الكلام

انتو أغلى حاجة عندي


قد يهمك:

عن الكاتب:
اترك رد