كلمات اغنية مفيش صاحب يتصاحب حسن البرنس شبيك لبيك

تقدم لكم مجلة نجوم مصرية كلمات اغنية مفيش صاحب يتصاحب وهي من غناء حسن البرنس وفارس حميدة و ناصر غندى (فريق شبيك لبيك) وهي من كلمات حسن البرنس و الحان وتوزيع حسن البرنس أيضا ومن إخراج نصر كامل.

كلمات اغنية مفيش صاحب يتصاحب
كلمات اغنية مفيش صاحب يتصاحب
كلمات اغنية مفيش صاحب يتصاحب

كلمات اغنية مفيش صاحب يتصاحب

  • دنية مواني على الملأ قلوبنا فيها بتنحرق
  • غلبان وعايش في الغلا
  • تعظيم سلام من غير كلام عزبة محسن ناس تمام
  • مفيش صاحب بيتصاحب مفيش راجل بقى راجل
  • هنتعامل ويتعامل طلع سلاحك متكامل
  • هتعورني أعورك هنبوظلك منظرك
  • جايب ورا تصبح مرة ملكش قيمه وسط البشرية
  • واقف سندال بجدارة هتبفي راجل مية المية
  • بلاش فشخرة منظرة ما اتهرشت كل الحكاية
  • والحكايه م البداية اسمعوا يا خلق ياهو
  • صاحب راجل صاحب فاجر صاحب بيزقك في مشاكل
  • مانيش قادر مانيش فاكر دي الصحوبية بتتقاتل
  • أولاد سليم اللبانين في أي حته مسمعين
  • تعظيم سلام من غير كلام عزبة محسن ناس تمام
  • رجاله على حق مش صوت وبق لو هتصيع عندنا تتدق
  • إحنا رجاله منهيبوش منخافوش منكشوش
  • وقت الجد إحنا نصد أي حد ماسك خرطوش
  • الناس تعبانة قرفانة من العيشة طهقانة
  • نعمل ايه ولا ايه دا الخسيس أصبح فيها بيه
  • دا المكتوب على الجبين هنرضو بيه ونمشوه
  • بدمع العين على الخدين اللي مايصلي معانا عالزين
  • دنية مواني على الملأ قلوبنا فيها بتنحرق
  • غلبان وعايش في الغلا مسكين وعشه بينزلق
  • ومين يحس بالثاني أحلام شبابنا بتتسرق
  • دنية مواني وناس بتعاني باين في وشوشهم القلق
  • زمان عجيب مالوش حبيب مالوش طبيب بيداوي
  • هنروح على فين ونشكي لمين زمن مليان بالبلاوي
  • يا ولاد آدم مهيش دايمه دي قيامة قايمة
  • هنهرب فين من رب الكون اللي خالقنا
  • في ناس غلابه وناس ديابه عايشين فيها
  • وشوش كدابه وشوش خاينه وعامة بريئة
  • انزل يا فارس يا حميدة غني وقول عليها
  • لما اللي منك يجرحك طب قولي مين هيفرحك
  • بعد اما تتعب ماتلاقيش في الدنيا حاجه تريحك
  • كنت بعامل الناس بضمير والتقدير خسرني كتير
  • بس خلاص فهمت اللعبة هلعبها معاكوا على كبير
  • صاحب جنيه هتصبح بيه اقولك ايه وتقولي ايه
  • قلوب الناس بتنفجر دا الخسيس عامل دكر
  • مفيش رحمة أعمى النظر فاكر نفسه هينتصر
  • ورب الكون مابيسيبش هيجيله يوم وينكسر
  • أولاد سليم اللبانين هنا ع الرجوله متأسسين

اغنية مفيش صاحب يتصاحب

حكاية فريق شبيك لبيك

يعتبر حسن البرنس هو المؤسس لفريق شبيك لبيك، يقول حسن البرنس

عزبة محسن وشبابها هما وش السعد عليا بعدما انتقلت اليها من استوديو آخر لم تلاق تجاربه أي نجاحات.

وتقع عزبة محسن في منطقة العوايدة بالمنتزه، في محافظة الإسكندرية، يتكون السكان فيها من عائلات من أصول صعيدية وعربية بالإضافة الي الفلاحين، فهم يحبون منطقتهم ويحترمون العادات والتقاليد الموجودة فيها.

يقول حسن البرنس :

لما غنيت مهرجان مفيش صاحب يتصاحب لأول مرة في فرح شعبي انتشرت بشكل كبير جداً بعد أول يوم بين شباب العزبة، بعد كده اتنتشرت في إسكندرية كلها كالنار في الهشيم

يقول أيضاً انه قام بتاليف مهرجان مفيش صاحب يتصاحب، بعدما طلب احد كبراء العائلة الحاج رزق سليم من حسن البرنس تاليف وإعداد مهرجان لفرح أحد ابناء العائلة، ومن هنا كانت البداية حيث بدأ حسن البرنس بتاليف مهرجان واغنية مفيش صاحب يتصاحب.

أنا كنت خايف جداً بصراحة، لاني وعدتهم أنى هعملهم حاجة تكسر الدنيا ومكنتش عارف هعمل إيه بس قعدت اشتغل على الأغنية وأنا مش عارف هتطلع أزاي

وبالفعل قام حسن البرنس بتاليف المهرجان وو قام بعد ذلك بغنائه مع فريقه شبيك لبيك في الفرح، ومن هنا كانت البداية لاغنية مفيش صاحب يتصاحب والتي انتشرت بعد ذلك انتشارا كبيرة وحققت حتى الآن أكثر من 100 مليون مشاهدة على موقع اليوتيوب فقط وأكثر من 17 مليون على موقع الساوند كلود العالمي.


قد يعجبك أيضاً

اترك رد

لن يتم نشر عنوان بريدك الإلكتروني.

4 تعليقات
  1. Avatar of يسرا
    يسرا يقول

    أنا من تونس بحبك ياحسن

  2. Avatar of يسرا
    يسرا يقول

    ياعالم بحب حسن ومجنونه به

  3. Avatar of احمد
    احمد يقول

    مفيش صاحب يتصاحب

  4. Avatar of إبراهيم احمد
    إبراهيم احمد يقول

    انا ?????????????????????????????????????????????????????❤❤❤??