كلمات أغنية قادرين للفنان الجوكر الأغنية الجديدة

أطلق الفنان المصري أحمد ناصر الشهير بالجوكر أغنية جديدة باسم “قادرين” ليختم بها نهاية العام 2017، وأتت أغنية قادرين بعد
أغنية كنتي بي أسبوعين وليست عادات الجوكر أن يصدر أغنتين في تلك المدة القصيرة، ربما عادة للغناء بشكل قوي ومستمر بعد غياب مؤقت لأكثر من ثلاثة أشهر، وصدرت الأغنية على قناة اليوتيوب الخاصة بالجوكر التي تضم 47 أغنية وأكثر من 61 مليون مشاهدة، وبلغ عدد مشاهدات أغنية قادرين بعد إطلاقها بعدد ساعات قليلة إلي أكثر من 100 ألف مشاهدة.

كلمات أغنية قادرين للفنان الجوكر الأغنية الجديدة 1 31/12/2017 - 7:15 م
الجوكر أحمد ناصر
الجوكر

عن ماذا تتكلم أغنية قادرين؟

تتكلم أغنية قادرين عن الإيمان بالأمل والتفائل وتغير وجهة نظرك اتجاه الحياة وإننا قادرين على تحقيق الأهداف، جدير بالذكر أن الجوكر قدم الكثير من الأغاني بهدف الارتقاء بالمجتمع ونشر فكر يشير إلى تغير سلوك المجتمع مثل “أغنية في اختلافنا رحمة واختار مكانك وبلدنا والسلمة الأخيرة وأزمة مجتمع وغيرهم الكثير.
ويقدم لكم موقع نجوم مصرية كلمات أغنية قادرين للفنان أحمد ناصر “الجوكر”

كلمات أغنية قادرين

بنواجه الفشل بإيمان، واليأس بعزيمة
مادام مبطلناش نحاول ماسمهاش هزيمة
مش ندمانين على حاجه، وده عشان اتعلمنا حاجه
مفيش حاجه ببلاش، والدنيا مش ماشيه بمزاجك

قادرين نحس بدفا الشمس من ورا الغيوم
قادرين نحس كتافنا بتقوى من شيل الهموم
بنشوف الميزة الواحده رغم كل عيوب الصورة
قادرين نحمل ع العضمه اللي لسه مش مكسورة

وعشان بشر ساعات تضيق.. نقول شكلها إتسدت
تقع كام طوبه واحنا مجهدين.. نقول إتهدت
ويدور جوانا صراع “هنقدر ولا مش هنقدر؟”
نسيب نفسنا نلاقى أصوات الإحباط بتكتر

نفتكر أول حب، وأد ايه اتمسكنا بيه
والوقت اللي ضاع في وهم إن الحياه انتهت بعديه
نضحك على أد ايه احنا كنا صغيرين وقتها
أد ايه الحياه كانت سهله، وبرضه قلنا مش قدها

عاندي فينا أكتر.. لسه فينا حيل نعاندك
تيجي فينا ايه يا دنيا.. ورينا اللي عندك
اقفي بيننا وبين هدفنا، وأخريلنا ساعتك
هنوصل في الميعاد، ونحتفل داخل ملاعبك

ساعات عشان نرتاح بنشاور ع الأسوأ مننا
لما كل ده يتعدل.. نبقى نعدل من نفسنا
جوانا نصف نفسه يريح.. نصف نفسه يكمل
نصف قادر يواجه.. نصف مش عارف يتحمل

نصف عايز يفضل يقوى لحد ما يوصل للي عازه
ونصف عايز الدنيا تتفصله على مقاسه
نضعف منستسلمش.. نميل مننحنيش
تشوفنا محبطين.. تقول انتهوا.. مننتهيش

حالفين يطرح طموحنا.. حتى لو مكانش الموسم
من كل المحدوفين في بير.. لا يذكر الا يوسف
أكبر م الرضا بقليل بسبب خوف ورعب
عمرنا ما نخاف لمنلاقيش فنرضى ناكل طعم

جواك مقومات الفوز.. لكن محتاج تآمن
إن وجودك في حد ذاته دليل على إنك قادر
ربك، الطبيعة، أو اللي مؤمن بيه عامة
مأوجدكش صدفة.. والعالم دليل ومثل

عاندي فينا أكتر.. لسه فينا حيل نعاندك
تيجي فينا ايه يا دنيا.. ورينا اللي عندك
اقفي بيننا وبين هدفنا، وأخريلنا ساعتك
هنوصل في الميعاد، ونحتفل داخل ملاعبك

عن أحمد ناصر “الجوكر”

أحمد ناصر من مواليد 21 شهر ديسمبر 1992م مصري الجنسية، كان مهتم بالقراءة من صغره في مختلف جميع المجالات مثل العلوم والفنون والأعمال الأدبية الشرقية وأهم الكتب الغربية، أختار فن الراب لأن الكثير من الناس لا تقرأ في وقتنا الحالي وأن معظم الناس يفضلون الاستماع، استغل فن الراب لنشر افكارة ورسائلة بهدف الارتقاء بالمجتمع والسعي للتغيير،  إختار إسم الجوكر كـ لقب يشير إلي الإختلاف عن مغني الراب، قدم أكثر من 60 أغنية منهم المعروف في بدايته بأغاني راب “Dirty” ولكن قام بمسحهم وإتجاه إلي الفن الهادف.