كلمات أغنية إنفصام حاد الجزء الثاني أغنية الجوكر الجديدة

أطلق اليوم بتاريخ “9 مايو” قبل ساعات أغنية جديدة بأسم “الجوكر وسام إنفصام حاد الجزء الثاني” لفنان الراب أحمد ناصر الشهير بلقب الجوكر بعد غياب دائم لأكثر من أربع شهور بعد أغنية كنتي وقادرين، وكما واضح من أسم الأغنية أنه الجزء الثاني من الأغنية الاولة بنفس الأسم  “إنفصام حاد” التي صدرت سنة 2012م شهر يوليو، وحازت حتى وقتنا هذا على أكثر من 4,600,000 مشاهدة على موقع مشاركة مقاطع الفيديو الشهير “يوتيوب”،  وسوف نتحدث في هذا المقال على موقع نجوم مصرية عن أغنية إنفصام حاد الجزء الثاني ونشارك كلماتها معاكم.

عن ماذا تتحدث أغنية إنفصام حاد الجزء الثاني

انا طيب وانا شرير فخايف أعيش وخايف أموت بخاف الدنيا تسرقني وأخاف العمر مني يفوت، كلمات في الأغنية أداء المغني “سام” توضح عن ماذا تتحدث الأغنية، لا أتحدث عن الصراع الذي يدور بين أحمد والجوكر في أغنية إنفصام حاد الجزء الثاني، لكن أتحدث عن وجهة نظري بكل بساطة، تتكلم الأغنية عن كل شيء وضده الخير والشر وأن كل شيء يتعرف بي مضادة، مثال على ذلك، لا يعرف الخير إلا بوجود الشر! ولا تشعر بالسعادة إلا بوجود الحزن، وذلك ينطبق على كل شيء.

كلمات أغنية إنفصام حاد الجزء الثاني

زي ما تكون الحياه معانداك، وحالفه لتوقعك
عندك أمل تتقدم مهما كل شيء رجعك
كل ما يبقى فاضلك خطوه..تتوجد ظروف تمنعك
إحساس إنك مش واخد حقك أكتر ما بيوجعك
وتقول لعله خير ومن تكرارها تشك في انه
لا خير ولا عمره كان.. ده شر ولنفسك زينته
انت ادعيت الزهد بركه اننا سيبنالك خيش
آخر مره السما تساعدك كانت أيام قريش

أحمد ناصر الجوكر
أحمد ناصر الجوكر

عايز تفصل بيننا وبين خالقنا عشان نعيش في غابه
عايزنا نثور على إمتحانه.. بدل ما تشوف إجابه
هتموت بتحارب الحياه، ومدوقتش طعم صلح
كن جميل ترى الجمال.. كن قبيح فترى القبح

لم تدع هذه القرية العفة لشخص أو لجهه
ربما لا تعني هذه القرية شيءا للآلهه
كلها بتقول كلام كبير وبتعرف تلفت نظر
كلها بتقول ربنا كبير، وتلف تاخد حذر
.
يحصلك خير تقول ثواب.. شر تقول مصاب
يحصلي خير تقول ده فضل.. شر تقول عقاب
الحياه يا أذكى أخواتك عشوائية نتيجة إن
ممكن فراشه في ليبيا تكون سبب إعصار في الهند

ومين اللي قالك إنه لو حصل فمش مكتوب؟
ربك بيسبب الأسباب وكل شىء محسوب

اما هو عارف مين هيتوب ومين هيموت حرامي
ما نتخلق ونخش نار وجنه بدون سياق درامي

وساعتها مش هتقول أنا اتظلمت؟

مانا مظلوم
بس هو مين يوم الحساب هيكونله حق يقول؟

لأ محدش إتظلم ومكانش قدامه اختيارات
ومحدش مبياخدش الأربعه وعشرين قيراط

ده أفيون بيضربوه المتدينين فميشوفوش
إن في أشخاص معاها فلوس متملكهاش شعوب

الناس دي قيمة المال في عينها غير في عينك انت
خلفة مشتاق لخلفه غير السابعة لأب سته
.
حاسس بيك وعارف كل شىء فكرت فيه
ضاقت الحياه عليك.. ظنيت إنه السبب في الضيق
حسيته مش مهتم بيك.. أو كإنه بيعجزك
تستقيم إزاي.. والمستقيم بيتدهس بالجزم

كل الظروف كانت ضدي لكنني في المقاومه قدوة
ما لم تعطيه لي السماء.. قد اقتلعته عنوة

وياترى كام حاجه م اللي حاربت لأجل ما توصلها
ندمت اما وصلتلها عشان منابكش غير شرها

أنا عشت واتعلمت.. وانت لا عشت ولا هتعيش

لأ عشت لكن مجريتش ورا حاجات متكتبتليش

كان ممكن تاخد أكتر.. تفرح اكتر.. لولا غبائك

الدنيا اللي بتدعي إنك فاهمها هفهمهالك
أغني الناس رغم كل فلوسه.. عاشها يوم ويوم
يوم مرتاح، يوم على أتفه حاجه مكانش يجيله نوم
أفقرهم عاشها بنفس الحسبه.. يوم ينام جعان
ويوم يرزق بعشا.. ينام الدنيا مش سيعاه
.

ربك كان قادر يصلح العالم فقط بظهوره

دي حجة أي شخص أضعف من الإيمان بوجوده

مش الصعوبة في الإيمان.. الصعوبة في الأعمال
عشان فرضها عليا إله.. وجوده مجرد إحتمال

كتر المعاصي حطك على أول طريق الكفر
شيطانك أشطر من حنين.. لن تعود بخف

انت بالنسبالك احتمال عدم وجوده مخيف
مش في صالحك تبقى غابه.. لإنك الطرف الضعيف

انت اللي فشلت تمشي صح.. فلما ذنوبك تقلت
أصبح عدم وجوده آخر أمل إن انت تفلت

انا براعي كل الاحتمالات ؛ عشان مخسرش حاجه
لو مش موجود انا عشت.. لو موجود قلت الشهادة

كان كله عمل زيك لو الجمله هي الدين

مش التوبه باب مفتوح؟.. خلاص نتوب على الستين

طب لو مت قبل كده؟

تبقى أكيد متكتبتليش

لأ تبقى أخترت لآخر لحظه إنك متسمعنيش

عن مغني الراب الجوكر:

ولد أحمد ناصر في مصر 21 ديسمبر 1992م، وكان شغوف باللغة العربية والقراءة والأعمال الأدبية، وأختار لقب الجوكر لكي يكون مُختلف عن معنيين الراب لنشر رسائلة بهدف الارتقاء بالمجتمع العربي.

قد يعجبك ايضا

اترك رد

لن يتم نشر عنوان بريدك الإلكتروني.