طريقتي المخصوصة في عمل تارت المربي أو الباستا فلورا وأسهل وأسرع حلويات تعمليها في البيت

تعتبر الباستا فلورا أو كما يسميها البعض تارت المربى من أسهل انواع الحلويات التي تصنع في المنزل، وذلك لسهولة وسرعة اعدادها وعدم احتياجها لمجهود أو وقت لتجهيزها، والنهارده بقدم لكم طريقة عمل الباستا فلورا من مطبخي بالتفصيل وحنبدأ بالمقادير المطلوبة…

طريقتي المخصوصة في عمل تارت المربي أو الباستا فلورا وأسهل وأسرع حلويات تعمليها في البيت 1 5/6/2015 - 6:00 م

بستا1

* المقادير :
——
– 3 كوب دقيق.

– واحد كوب سكر بودرة.

– ثلاثه ارباع كوب زبدة بدرجة حرارة الغرفة، وسبق وقلت لكم يعني ايه درجة حرارة الغرفة.. وهو انك تطلعيها قبل ما تشتغلي بها بنصف ساعه برا الثلاجة.. وبكده حتبفي في درجة حرارة الغرفة.

– 3 بيضات كبار.

– ذرة ملح

– ملعقه ونصف كبيرة بيكنج بودر.

– كيس فانيليا.

– مربى حسب النوع اللي تحبيه والنهارده حقولك على طريقه عمل مربى الفراوله والجزر وانتي اعملي اللي تحبيه منهم.

دي طريقه مربى الفراولة

https://www.youtube.com/watch?v=lBVVhgiNVP8

دي طريقة مربى الجزر

https://www.youtube.com/watch?v=UvRebsrWiGw

* طريقة عمل الباستا فلورا أو تارت المربى :

———

بستا

– اضربي السكر مع الزبدة بالمضرب الكهربائي حتى يصبح القوام كريمي.

– الآن ضيفي للخليط الفانيليا وبعد ذلك ضيفي البيض واحده واحده مع استمرار الخفق.

-ضيفي الدقيق المضاف له الملح والبيكنج بودر واحده واحده مع التقليب بايدك الي الخليط الكريمي.

– وقفي العجن بمجرد ما المكونات كلها تمتزج مع بعض.

– هاتي كيس وغطي بها العجينة واتركيها ترتاح في الثلاجة لمده عشر دقائق.

– بعد ذلك خرجيها من الثلاجه وقسميها لثلاثه اقسام، حتاخدي منهم قسمين وتفرديهم مع بعض في صينيه الخبز.

و بعد لما تفردي العجينة في الصينيه بارتفاع واحد سم، غطي وجها بنوع المربي المفضل لديكي.

– الجزء الثالث من العجين اعملي منه اشكال متنوعة حسب ذوقك وحطيها فوق المربي.

– نجهز الفرن سخن ومزبوط على درجة حرارة 180 وندخل الصينية تتخبز لمده 25 دقيقة، وبالهنا على قلبكم الذ باستا فلورا.

وطبق الباستا فلورا ده مخصوص لعيون كل اعضاء مجلة نجوم مصرية

بستا فلور