طريقة عمل كيكة قدرة قادر بطريقتين


كيكة قدرة قادر أو كيكة الكريمة بالكراميل

طريقة عمل كيكة قدرة قادر بطريقتين 1 9/3/2016 - 2:47 م

المقادير:

(مناسبة لقالب كيك متوسط)

خليط الكراميل

½ كوب سكر أو أكثر حسب الرغبة (½ مناسب كي لا تكون عالية التحلية)

2 ملعقة كبيرة ماء وبعض عصير الليمون

قطعة زبدة صغيرة

خليط الكريم

4 بيضات

½ كوب من السكر

ملعقة صغيرة فانيليا سائلة

3 أكواب لبن (يمكن تقليلها وإضافة لبن محلى بدلًا منها بنفس المقدار)

خليط الكيك

كوب ونصف دقيق

4 بيضات

¾ سكر

¼ كوب زبدة

¾ كوب لبن

ملعقة صغيرة فانيليا سائلة

ملعقة كبيرة بيكنج باودر

الطريقة:

سخني الفرن إلى درجة حرارة متوسطة وجهزي قالبي كيك أحدهما كبير والآخر متوسط

لإعداد الكراميل، ضعي قالب الكيك المتوسط على النار وضعي السكر والماء والليمون والفانيليا لإعداد الكراميل واجعلى لونه أقرب للبني، ثم ارفعيه من على النار ودعيه يبرد قليلًا.

لإعداد الكريم، ضعي جميع المكونات في الخلاط أو يمكنك خفقه بمضرب البيض، ثم اسكبيه على الكراميل الذي سيكون قد بردت حرارته (سيكون الكريم سائلًا أشبه بلبن له رغوة).

لإعداد الكيك، ضعي المكونات السائلة في الخلاط أو اخفقيها بمضرب البيض، ثم اخلطي المكونات الجافة كالدقيق والباكينج باودر ثم أضيفيها بقدر قليل مع الخفق بمضرب البيض الكهربائي أو اليدوي. بعد وصول الخليط إلى السمك المناسب للكيك. أضيفي الخليط في نفس الصينية وسط سائل الكريم كراميل.

ضعي القالب المتوسط داخل القالب الكبير واملئي الفراغ بينهما بالماء (حمام ماء) ثم ضعي القالبين معًا في الفرن.

اتركيها ساعة إلا ثلث في الفرن، ثم تأكدي من نضج الكيك والكريم كراميل بإدخال سكين والتأكد من ذلك إن خرجت السكين نظيفة، أو اتركيها 5 دقائق أخرى.

اتركيها لتبرد تمامًا ثم اقلبها في قالب تقديم وستجدين أن الحرارة قد فصلت المكونات باختلاف كثافتها إذ ستجدين الكيك عبارة عن طبقتين الكيك في الأسفل ويعلوه الكريم كراميل. وهذا تحديدًا هو سبب التسمية.

برديها في الثلاجة وتناوليها باردة.

بعض الأشخاص يفضلون الكيك بالشوكولا، يمكنك إضافة الكاكاو أو الشوكولا الذائبة

طريقة كيكة قدرة قادر بالكريم الكراميل الجاهز

المقادير :

2كيس كريم كراميل
كيلو لبن
للكيك (بيضتين- كوب سكر- فانيليا- بيكنج بودر- نصف كوب لبن- كوب ونصف دقيق-ثلاث معالق زيت- ثلاث معالق كبار كاكاو )

طريقة الكريم كراميل
هتجيبى صنيه كبيره وتحطى فيها الصنيه إلى هتعملى فيها الكيكه وتحطى فيها الكرميل (بيكون مع الكريم كراميل في كيس شفاف) وتوزعيه على الصنيه كلها

هتجيبى كيلو اللبن وتحطى فيه كيسين بودره الكريم كراميل وتقلبى كويس وبعدين ترفعيه على النار لحد ما يغلى وتتطفي هتصبيه فوق الكراميل

طريقة عمل الكيكه
هتجيبى السكر والبيض والفانيليا وتضربيهم  بعد كده تضيفي الزيت وبعدين اللبن وتضربيهم ثم تضيفي الدقيق والكاكو والبيكنج بودر  وبعد كده تضيفي الخليط على الكريم كراميل

توضع صينية الكيكة في صنيه كبيره فيها مايه دافيه والمايه ما توصلش للاخر علشان ما تدخلش في صنيه الكيكه (يعنى هنعملها حمام ماء) علشلن الكريم كراميل ما يتحرقش

هتشغلى الفرن على درجه حراره 180
وهتاخد حوإلى 40 دقيقه (ده علشان الكريم كراميل جاهز لو هتعمليه انتى بياخد اكتر من كده في الفرن)
هتختبريها بسكينه عادى زى الكيكه العاديه لو لقتيها استوت خرجيها من الفرن وطلعيها من الصنيه الكبيره وسبها تهدى شويه (مش هتبقى جامده لان الكريم كراميل سايل تحت حاولى تحركيها براحه  )
بعد ما تهدى هتدخليها الثلاجه علشان الكريم كراميل يجمد هتاخد حوإلى 4 ساعات
هتخرجيها وتعمليلها حمام مايه سخنه في ثوانى أو تبلى فوطه مايه سخنه وتلفيها على حروف الصنيه علشان تفك من الجوانب وتعرفي تقلبها بسهوله