الحواوشى هى من أجمل الأكلات الخطيره الشعبية المصرية، يعشقها الكبير والصغير، ويجتمع على حبها كل المصريين، تتميز بوجود التوابل التي تعطيها طعم رائع، وتعتمد الحواشى بشكل أساسى على اللحمة والخبز الذي يعطيها مذاق خلاب وشهى، يقبل على أكلها الكثيرين، وتباع في كل مكان ونحن اليوم نقدمها لكم بكل أسرارها وتكاتها، بطريقة سهلة جداً ومضمونة لأنها ستكون من ايديك بعيد عن ما يتم عملها بطريقة غير مضمونة.
طريقة الحواوشي
طريقة اعداد الحواوشي المصري
مقادير العجينة
معلقتين كبار خميره فوريه
معلقتين كبار سكر
2 كوب ماء دافى
5 كوب دقيق
نصف كوب زيت
ملعقة صغيرة ملح
طريقه عمل العجينة
نخلط الخميره والسكر والميه ورشه الملح و2 كوب دقيق فقط ونقلب ونتركها 10 دقائق تخمر وبعدين نزود ال 3 كوب الدقيق والزيت ونعجن كويس بس ونكورها المقادير دي عملت معايا 8 حواوشى
طريقة عمل اللحمه
نصف كيلو لحمه مفرومه مع بصلتين كبار و4 فلفل اخضر وملح وفلفل والتوابل بتاعتك فالكبه ونخلط ممكن تحطي بقدونس لو حابه
بس ونفرد كور العجينه كل رغيف بكورتين كوره تفرديها تبفي القاعده اللي هتحطي فيها الحشو والكوره التانيه بتغطيه من فوق وتقفلي اطرافه بشوكه وبعد مانخلص تدهني وشه بيض وترشي حبة بركه وعالفرن على درجه 170 وأول ماياخد وش تطفي وتطلعيه تكتميه ف حله عشان يبفي طري
العجينه دي هتطلعه طري اصلا ومش مستاهل يتكتم طعمها جميل وتحفه
جربوها 
