التجهيزات والتحضيرات المطلوبة للاستعداد لشهر رمضان علشان تتفرغي للعبادة وقراءة القران – الجزء الثاني

لم يبق سوى أيام قلائل ويبدأ شهر رمضان الكريم وكما سبق أن وعدناكم بتقديم سلسلة مقالات تختص بجميع التجهيزات والتحضيرات اللازمة لشهر رمضان من أجل أن تصبحي متفرغة بشكل تام من أجل أداء العبادات وقراءه القران وفي ذات الوقت تكوني دائما مستعدة لعمل اجمل الموائد الرمضانية واشهى والذ الاطباق والوصفات لأفراد أسرتك ولضيوفك.

منيو مختلف وأفكار جديدة لليوم الثاني من أيام شهر رمضان المبارك

التجهيزات والتحضيرات المطلوبة للاستعداد لشهر رمضان علشان تتفرغي للعبادة وقراءة القران – الجزء الثاني

و اليوم نقدم لكم تكمله لما سبق أن قدمناه من تجهيزات وتحضيرات شهر رمضان في الجزء الأول ويمكنكم متابعته  هنــــــــــــــا ….

* بالنسبة للطماطم: عن نفسي انا عموما بجيبها وهي سعرها رخيص وبغسلها واخزنها زي ما هي كده في الديب فريزر، واطلعها يادوب على الخلاط وشويه ماء بفي عندي اجمل صلصة طماطم بشتغل بيها، انما هنا انتي حتجيبي الطماطم وتضربها في الخلاط وتعمليها صلصة عالنار ولما تبرد تقسميها في اكياس وعلى الفريزر، ويادوب تطلع على قد الاكلة.

التجهيزات والتحضيرات المطلوبة للاستعداد لشهر رمضان علشان تتفرغي للعبادة وقراءة القران - الجزء الثاني 1 22/4/2018 - 10:59 م

هدية نجوم مصرية لكل ربة منزل :

* الخضراء (شبت – بقدونس – كزبرة ): اغسليها كويس جداً وافرديها علشان تنشف من الماء، وبعد كده قطعيها وكل صنف حطيه في كيس لوحده واحفظيها في درج الثلاجه، حتقعد معاكي فترة طويلة جداً وهي بحاله طازجة.

* الثوم: حقومي بفرمه وتحطي عليه ملح وتحفظيه في اكياس في الديب فريزر.

* البصل: بتقطعيه وتشوحيه وفي اكياس في الفريزر حتخزينيه.

* البطاطس: دي اجمل طريقه اكتشفتها لتخزين البطاطس وتطلعيها على طول للتحمير، انك تحمريها لمدة دقيقتين في الزيت وتطلعيها تتصفي وتتبرد وبعدها في اكياس وعالفريزر.

* الكرنب وورق العنب: بتقطعيهم وتسلقيهم سلقه خفيفة وترصيهم كويس وعلى الفريزر تشيليهم.

* الفول: دمسي الفول ولما يبرد خالص بتقسميه في اكياس وعلى الفريزر برضه تشيليه.

  • الفلفل الألوان :

  • ودي كمان طريقة تفريز الليمون :

  • طريقة تخزين السبانخ :

* العصائر :

– المشمش: قطعيه وقسميه في اكياس جاهزه للضرب في الخلاط لعمل العصير.

هدية نجوم مصرية لكل ربة منزل :

– الخوخ: دا بعمل بيه الذ قمر الدين…

– الجوافه: قطعتها وحطيت عليها سكر علشان لا يتغير لونها مع نقطه ليمون وحفظتها في الفريزر.

– الفراوله: قطعتها وفي اكياس وعلى الفريزر.

و لسه في عندنا افكار ثاني لاجمل تجهيزات تتحضري بها علشان تستقبلي شهر رمضان الكريم وانتي مطمنه باذن الله..

و كل عام وانتم الي الله اقرب…