تعريف الأنسولين ومتى يتم إستخدامه والأنواع الموجودة في السوق وكيف يتم تخزينه في المنزل

نتحدث في هذا الموضوع عن تعريف لمادة دوائية مهمة جدا وخاصة لمرضى السكر وهي الأنسولين ومتى يتم اللجوء لإستخدامه مع مرضى السكر والأنواع المتواجدة في السوق الدوائي والطريقة الصحيحة لتخزين الأنسولين في المنزل مع الحفاظ عليه.

تعريف الأنسولين ومتى يتم إستخدامه والأنواع الموجودة في السوق وكيف يتم تخزينه في المنزل 4 29/6/2020 - 10:28 ص

متى يجب تناول الأنسولين؟

يجب إستخدام الأنسولين مع هذه الحالات

١- النوع الاول من السكر

٢- وجود سكر اثناء الحمل

٣- النوع الثاني من السكر لو كان السكر عالي ولا يستجيب للبرشام

٤- أثناء بعض التدخلات الجراحية أو الحجز بالمستشفي

٥-عند حدوث غيبوبة ارتفاع السكر لا قدر الله او حموضة بالدم.

أنواع الأنسولين الموجود في السوق الدوائي

أولا حسب عدد ساعات العمل

  • سريع المفعول وقصير المفعول (المنتظم) ودول مجموعتين مختلفتين بس قريبين من بعض في حاجات كتير (الصافي او الرايق او المائي) وده بيتاخد قبل الاكل. ب١/٤-١/٢ ساعة و أمثلتهم نوفورابيد و ابيدرا واكترابيد وهيوميلين آر
  • متوسط المفعول (المعكر) وده غالبا بيتاخد مرتين يوميا ومن أمثلته انسولاتارد وهيوملين ان
  • طويل المفعول (القاعدي) وده غاليا بيتاخد مرة واحدة يوميا زي لانتوس وتريسبا وليفيمير
  • مختلط (معكر + مائي) بنسب مختلفة ممكن ٣٠/٧٠ او ٥٠/٥٠). وده غاليا بيتاخد مرتين قبل الافطار والعشاء مثل الميسكتارد

تعريف الأنسولين ومتى يتم إستخدامه والأنواع الموجودة في السوق وكيف يتم تخزينه في المنزل 1 29/6/2020 - 10:28 ص

تعريف الأنسولين ومتى يتم إستخدامه والأنواع الموجودة في السوق وكيف يتم تخزينه في المنزل 2 29/6/2020 - 10:28 ص

الطريقة الصحيحة لتخزين الأنسولين

  • ممنوع وضع الأنسولين في الفريزر أو علي الأرفف القريبة منه (افضل مكان علي الرف اللي في النص او في باب الثلاجة في حالة عدم فتح الباب بشكل متكرر)
  • ممنوع تعرض الأنسولين لاشعة الشمس او الحرارة المباشرة (لاينصح بترك الانسولين داخل السيارة خاصة في الصيف).
  • في حالة السفر الطويل يجب حفظ الأنسولين داخل عبوات عازلة للحرارة (مع عدم التعرض المباشرللثلج)
  • عبوة الانسولين المستخدمة بشكل يومي تحفظ في درجة حرارة الغرفة المعتدلة (١٥-٢٥ درجة). أما في حالة ارتفاع درجة حرارة الغرفة في الصيف يمكن وضعها بالتلاجة مع اخراجها من الثلاجة قبل ميعاد الحقن بنص ساعة.
  • يجب عدم استخدام عبوة الانسولين المفتوحة بعد ٢٨ يوم من تاريخ فتحها.( في معظم الأنواع)
  • عبوات الانسولين غير المستخدمة توضع في التلاجة لحين استخدمها أو انتهاء تاريخ الصلاحية
  • يجب التخلص من العبوة اذا لوحظ تغير في اللون او تكوين رواسب أو بلورات متجمدة.

كيفية تناول الأنسولين بطريقة صحيحة

أولا التجهيز للحقن

  • طلع الأنسولين من مكان التخزين الخاص به سواء كان جوه التلاجة او بره التلاجة )وحركه ببطء بين ايديك خاصة لو الانسولين معكر او مختلط بمعكر mixtard)،
  • لو بتستخدم السرنجة ماعليك غير انك تسحب الجرعة المطلوبة بعد تفريغ الهواء
  • لو بتستخدم القلم وبعد ماتركب السن اظبط الأرقام علي ٢ وحده ودوس علي المكبس في نهاية القلم لتفريغ الهواء( وده بنعمله مره واحدة مع بداية استخدام القلم الجاهز، أما في حالة القلم متعدد الاستخدام بيتم مع استبدال كل خرطوشة) وبعدين تظبط الأرقام علي الجرعة المطلوبة

تعريف الأنسولين ومتى يتم إستخدامه والأنواع الموجودة في السوق وكيف يتم تخزينه في المنزل 3 29/6/2020 - 10:28 ص

ثانيا :- طريقة الحقن

  • اختار مكان للحقن
  • شد جزء من الجلد لبره واحقن فيه الجرعة بشكل عمودي
  • انتظر ١٠ ثواني أو عد لغاية ١٠ وبعدين اخرج السن
  • غطي السن وتخلص منه

فيديو تعريفي للأنسولين وطريقة استخدامه وكيفية تخزينه

نتمنى لكم دوام الصحة والعافية