التخلص من النحافة

tumblr_n03w7uhKkb1qhyl9vo1_500

التخلص من النحافة مشكلة كبيرة بتواجة كتير من الناس ودايما بيقولوا بناكل ومفيش فايده، طيب احنا ممكن نمشي مع بعض كده واحده واحده في خطوات ونحاول نحل المشكلة دي وخلينا نبص على شوية حجات مهمة. أولهم السعرات الحرارية (الكالوري) والسؤال هنا جسمك محتاج قد اية وهل انت بتديلوا كفايته من السعرات الحرارية دي؟! هنحدد ده من خلال (الوزن – السن – النشاط – الكتله العضليه.. الخ) لو سعراتك الحراريه اليوميه اقل من المعدل المطلوب هتفقد وزن وده معروف بأسم عجز السعرات الحراريه ولو سعراتك الحراريه اليوميه اعلى يبقى وزنك بيزيد وهيفضل يزيد طالما سعراتك الحراريه أو الكالوري اعلى من المعدل الطبيعي اللى بيحتاجه جسمك وده معروف بأسم فائض السعرات الحراريه. طبعا السعرات الحراريه دى بتيجى من الاكل.. وكل اكل بيختلف عن الثاني في كميه السعرات الحراريه الموجوده فيه. ويجى هنا بقى السؤال. ازاى اعرف عدد السعرات الحراريه اللى محتاجها جسمى؟ 

هتدخل على اي موقع من دول :

myfitnesspal

bmi-calculator

calculator
وتملاء البيانات الخاصة بالوزن والطول والسن والنوع وهو هيبدأ يقولك انت محتاج قد اية في اليوم من الكالوري أو السعرات الحرارية بعد كدة بتبدأ تحدد هدفك في الزيادة محتاج تزيد قد اية وعلى اساسة هتعرف هتزود سعرات قد اية من الاكل.

مثال: طلعلك عدد السعرات الحراريه اللى محتاجها 3.760 + 500 = 4.260 سعره حراريه. عشان يزيد وزنك. الـ 500 دول الزيادة على الطبيعي..

خلينا بفي نركز على حجات مهمة جداً تساعد على زيادة الوزن..

1 – الرياضة.. حاول تداوم على ريادة تنشط جسمك زي الجري الكورة الفيتنس السباحة شوف الرياضة اللى تناسبك وتريحك.

2 – المياة.. حاول تشرب مية كفاية لان الميه منشط ومكمل غذائى طبيعي وضرورى لكل وظائف جسمك شرب الميه لازم يبقى أولويه لك أول ما تصحى من سريرك وخلال اليوم.

3 – كل الاكل الصحي اللى يديلك الزيادة اللى انت محتاجهه يكون في بروتين ودهون وكربوهيدرات.

4 – الراحة والنوم مهمة جداً انك تاخد عدد الساعات المناسبة لراحة جسمك واستعادة نشاطة وطاقتة والمعدل الطبيعي 8 ساعات يوميا.

5 – ممكن تستشير طبيب بالنسبة لبعض المكملات الغذائية والفيتامينات وفواتح الشهية هتساعدك اكيد.

” ودايما تابع وزنك وتابع معدل زيادتك اسبوعيا وعلى اساسه هتقدر تحدد محتاج تزود في الاكل أو تقلل أو تثبت على نظامك.