ما هي أعراض اضطراب الشخصية السيكوباتية

لو انت شوفت شخصية الجوكر في فيلم The Dark Knight بتاع باتمان (فارس الظلام) وكمية القتل سواء اصحابه او مدينه غثا الي عايش فيها وتلزز بكدة. وبتكلم ببساطه وبرضوا لو شوفت فيلم السفاح وبداية هاني سلامة وهو طفل في الاحداث ولما كبر وكميه المدابح الي عملها وكمية القتل وانتهي برضوى بيه للإعدام ( هتسأل نفسك اي الشخصية دي) الاول بس وهو ضحلك شيء في مثال عن اضطرابات الشخصية بشكل عام وبعدين هبدا عرضنا

ما هي أعراض اضطراب الشخصية السيكوباتية 1 3/11/2020 - 5:22 م  

 تخيل معايا شخص مولع سيجارة في مكان مغلق (المصعد او الأسانسير) والي حواليه مخنوقين من ريحه السجاير وهو مستمتع بالسجاره ولا في دماغه الناس. 

ابسط شيء ممكن اعرف بية اضطرابات الشخصية بشكل عام هو مش حاسس ان عنده مشكلة اصلا زيه الفصام بالضبط. يلا بينا نبدأ 

ده اضطراب في الشخصية بتخلية مش يلتزم بأي قوانين او اخلاق ومعندوش مانع يحقق طموحاته وأهدافه فوق جماجم ودماء الاخرين وطبعا ده بتخلية ناجح جدا في شغله لان شخص معندوش اي مبادئ وتقدر تقول (الشخص العصفورة في الشغل معندوش مانع يوقع زميلة في اي مصيبة او كارثة بهدف انه يترقى او يرفد شخص) كمان معندوش اي احساس بالناس تحس كدة انه تلاجه وممكن يقتل بدم بارد ولا يحس بتأنيب ضمير هو اصلا معندوش ضمير (يبقى قاتل ويروح يتفسح ويتعشى برا ولا كأنه عمل شيء) مش بتقدر تغير سلوكه لا بالعقاب او الخبرة (ممكن يبقى اتسجن وبرضوا بيكرر الجريمة تأني عادي) ومش بيقدر يستحمل الاحباط ولا يقدر يسيطر على اعصبه وسهل جدا يفرغ عدوانه في اي شخص وأحيانا بتقدم نقد ولوم للأخرين على السلوك ده (يقولك انت الي خلتني اعمل كدة) وأحيانا بتقدم تبريرات مقبولة لسلوكياته .بمنتهي بالشخصية دي في السجن وبتلاقي الشخصية دي منتشرة بين المساجين والمجرمين عشان هما متهورين وعدوانيين  

بيثور على تقاليد المجتمع والشخصية دي بتجنح في المناصب القيادية لأنها انانية بشكل رهيب وكمان طموحه ويبيع صاحبه وابوه واي شخص مقابل تحقيق مصلحته الشخصية (عديم الوفاء والانتماء زي محمد على الكبير لما تخلص من المماليك والقيادة الشعبية رغم انهم سبب في تعيينه في حكم مصر) 

مش يحترم العاطفة ولا يحس بالإلام الاخرين رغم انها بتمثل العاطفة دي افضل من الشخص نفسة الي قدامه والشخصية دي جذابه جدا ووسيمه وفي قمة الذكاء وكلامه زي العسل ويوقع البنات في حبه بسهولة ومعندوش اي نوع من الوفاء اطلاقا لاي واحدة وبعد ما يتزوجها يأخذ فلوسها (يأخذها لحم ويرميها عضم)يسيبها هي واولادها ويتحلل من اي مسئوليات ويتجوز واحدة تانية ويعمل معاها نفس الحكاية يأخذ كل فلوسها وكل ما تملك ويسيبها بعيالها ويهجرها ويتزوج غيرها برضوى وهكذا ومعندوش مانع يرجع للزوجة الاولى يبكيها ويتوسل اليها ويطلب منها تسامحه ومش يعمل كدة تأني وندمان ندم السنين على انه عمل كدة وبعد ما يأخذ المصلحة الي جاي عشناها يرجع يسيبها تأني وبيبان صادق جدا ويصعب عليك لدرجه تبقى عايز تقطع شرايينك عشانه (زي ما قولتك دكتور ورئيس قسم في النصب والاحتيال وممكن يبيعك الهوا ويبان عليه الصدق والأمانة وانت نفسك مستحيل تصدق عليه انه ممكن يكون نصاب ) . 

برضوى تلاقي في تاريخ الشخصية دي بعض التصرفات زي مثلا بيسرق ويكذب ليغتصب ومنحرف جنسيا وممكن يدمن وزي ما قولت بتلاقي نهايته الاحداث (الإصلاحية) وخطورة الشخصية دي زي ما قولت انه بيبان صادق وامين وعمرك ما هاشك ابدا انه نصاب او ممكن يعمل اي شيء عشان يوصل لهدفة وسهل جدا يصيد فريسته. 

طبعا اسباب الشخصية او نشأتها اختلف فيها الباحثين بين اسباب وراثية او فسيولوجية في الجهاز العصبي خصوصا انها تجي بعد الامراض زي الصرع والحمى المخية وبرضوا لاحظ الباحثين ان نسبة عالية من المساجين المصابين بالشخصية السيكوباتية يتميزون بطول القامه والوهن ووجود بعض الصبغيات الشاذة في الكروموسومات وهي x y y (ملحوظه الطفل الذكر بتكون نمط الكروموسومات XY البنت بتكون xx). 

في نوعين من الشخصية السيكوباتيه 

السيكوباتي المتقلب العاجز 

بتلاقيه دايما في شغل مختلف ومش بقدر يستمر في شغل اكتر من كام شهر وبيثور على قواعد العمل(معندوش طولة بال ولا مثابرة ) ويتخانق مع زملائه او المدير عشان كدة دايما يرفدوه ومش بتحسب نتائج المشاجرات دي (قطع الرزق)وينعكس ده على زوجاته وهو متجوز اكتر من واحدة ومخلف منها اكتر من طفل من كل واحدة ومش يتحمل مسئولية لرعايتهم ولا تربيتهم ومش بيخلص لاي زوجه منهم رغم انه بيظهر عليه عاطفة وحماسة بس بسرعه تتبخر ودايما في علاقات جنسية محرمه بدون ما يراعي الامراض والعواقب  وينحرف اصحاب الشخصية دي للإدمان والشذوذ الجنسي والجرائم البسيطة (سرقة نصب حاجت زي كدة )او يكون من المتوهمين المرض ويفضله يروحوا لعيادات الطبيب  

النوع التاني السيكوباتي العدواني المتقلب الانفعال 

والنوع ده مش منتشر قوي لكن في الضرر أخطر مما تتخيل وتلاقيه ممكن يقتل او يعتدي على الناس لأسباب تافهة (زي مثلا يقتل عشان جبتله القهوة من غير سكر او جبتله القميص مش مكوي او اي سبب تافهة) .معندوش اي مشاعر ولا ولاء لاي صداقة او علاقة ومعندوش مانع يخسر اي شخص مقابل يحقق مصالحه الشخصية وينسي اعز أصحابه مقابل انه حقق غرضة ومش بتعاطف مع اي مخلوق في مصائبه مادام هو مش في المصائب دي (عارف انت الي يشوف الدنيا بتولع قدامه ولا تهزله جفن) ويصول لأعلى المناصب لانتهازية وعدم تمسكه بأي مبادئ اخلاقية او دينيه او اجتماعيه ويسيطر عليه حب السلطة مع السادية (يتلزز ويستمتع بتعذيب الناس او يشوف الناس قدامه يتألم زي ما حصل مع هتلر). (زي شخصية الجوكر في فيلم The Dark Knight). 

العلاج  

علاج الشخصية السيكوباتية من أصعب المشكلات الي بتواجهه الطب النفسي وكل لما المريض يكون صغير السن فرصة الشفاء اكتر وان يكون هو عايز يتعالج ويفشل العلاج مع المجرمين والقتلة والي بحب العنف والعدوان دايما.(برضوى عدم فهمنا الكامل لأسباب الاضطراب من ضمن الاسباب الي بتخلي الاطباء بفيشلة في علاج الشخصية دي وبرضوا عدم رغبه المريض في العلاج وانه مش يتعلم من إخطائه بالخبرة او العقاب). 

المرجع 

الطب النفسي المعاصر للدكتور احمد عكاشة وطارق عكاشة