شروط التقدم في مدارس المتفوقين stem stem ومصاريف الدراسة

نعرض لكم في موقع نجوم مصرية شروط التقدم في مدارس المتفوقين stem ومصاريف الدراسة وبدايته كلمة STEM دي اختصار لـScience، Technology، Engineering، and Mathematics

شروط التقدم في مدارس المتفوقين stem stem ومصاريف الدراسة 2 4/6/2018 - 2:40 م

– شروط التقديم أن الطالب يكون جايب 98% فأكثر في تالتة اعدادي والدرجة النهائية في مادتين على الأقل من (الرياضيات والعلوم والإنجليزي) – في كلام السنادي أن الشروط هتتغير تبقى 97% ومن غير شرط تقفيل المواد بس ده لسه مش رسمي ومش أكيد- وانك تكون من مدرسة تابعة للتربية والتعليم سواء حكومي أو خاص أو تجريبي.. والمدرسة مبتقبلش طلاب الأزهري

– الناس المنطبق عليها شروط التقديم بيدخلوا امتحان القبول واللي بيكون متكوّن من علوم ورياضيات وأسئلة مهارات ذهنية وذكاء (IQ Test) وده والله مش محتاج تدحّ عشانه :D يعني بلاش ناس تسألني أذاكر ايه للإمتحان لأن أنا وناس كتير زمايلي مكناش نعرف الإمتحان عن ايه واتقبلنا.. بس اللي مصمم ممكن يتمرن على IQ أونلاين يعني

– المدرسة بدأت بأول مدرسة للبنين في أكتوبر وأول مدرسة بنات في المعادي لحد السنة اللي فاتت لكن اتعمل 7 مدارس جديدة مشتركة متوزعة على محافظات كفرالشيخ، الإسكندرية، الغردقة، الدقهلية، الإسماعيلية، أسيوط، الأقصر.. وبعد امتحان القبول بيوزّعوا الطلاب حسب درجاتهم في الإمتحان، يعني بتكتب 3 رغبات وحسب درجتك بتروح مدرسة من رغباتك ال3

– اللغة مش أزمة كبيرة أوي يعني (أنا كنت مدرسة حكومة عربي عادي) ومع الوقت بتتعود على انك تدرس كل المواد انجلش، يعني ممكن بس تحتاج مجهود زيادة أول ترم والدنيا بعد كده هتظبط

شروط التقدم في مدارس المتفوقين stem stem ومصاريف الدراسة 1 4/6/2018 - 2:40 م
شروط التقدم في مدارس المتفوقين stem

– بالنسبة للمصاريف على أيامي كانت منحة دراسية، دلوقتي بقت بـ3 آلاف جنيه أول السنة شاملة تأمين اللاب، ولما بتخرج من المدرسة بترجعه وتاخد الألفين جنيه بتوع التأمين وتسيبلهم 1000.. ومحدش يسألني اشمعنا عشان أنا نفسي مش فاهمة ليه مسابوهاش ببلاش بدل قلة القيمة :’D !

– نظام المدرسة هو السكن الداخلي حتى لو أنت من منطقة قريبة منها، يعني لو أنت من اسكندرية وتقدر ترجع البيت كل يوم لازم برضه تقيم في المدرسة في برج العرب وترجع البيت نهاية الأسبوع.. أكتوبر بنين بس والمعادي بنات بس وباقي ال7 مدارس مشتركة ولكن بسكن منفصل