“بعد الإعلان عن تهجير الفلسطينيين”.. حنان مطاوع: «سيناء مش حل مطروح ودفعنا فيها كتير ومستعدين ندفع أكتر»
قامت الفنانة حنان مطاوع، بتوجيه رسالة للمصريين وطلبت منهم المشاركة بالوقفات الإحتجاجية التي تُقام اليوم الجمعة، وذلك رفضاً لما تقوم به قوات الإحتلال ضد الفلسطينيين، وأيضاً إعلان رفضهم فكرة تهجير أهل غزة لمنطقة سيناء، والتي راح ضحيتها الآلاف من المصريين بهدف استردادها.
وظهرت الفنانة، خلال مقطع فيديو لها عبر حسابها الرسمي على موقع التواصل الإجتماعي “انستجرام”، وعلقت: “من ساعة اللي حصل مع أطفالنا وأهالينا بغزة، وانا مش عارفة أقول إيه، وده علشان العقل بيعجز وبيصغر قدام أي منطق ومش عارف يحلل اللي بيحصل، وده لأنه بعيد تماماً عن حدود الإنسانية والرحمة”.
وواصلت حنان: “والناس طبعاً هتسأل وتقول كلام زي اللي بيتقال أو وقفة ممكن تغير حاجة من اللي بيحصل؟.. أكيد أه، وده علشان العدو مش بس بيحاول ينهي على شعب بأكمله مش هينتهي إلا بأمر ربنا وإرادته الحرة القوية، ومش بس كده ده كمان قرب من حدودنا وبدأوا يتكلموا عن سيناء.. تاني رجعوا يتكلموا عنها”.
وأضافت الفنانة: “سيناء حل مرفوض تماماً ومش مطروح، وده لأنها مش مجرد أرض مصرية بس.. إحنا دفعنا فيها آلاف الشهداء، وده علشان حريتها والناس في مصر مستعدة تدفع أكتر.. سيناء الحلم التايخي السخيف للعدو، وعشان السبب ده بطلب من الناس كلها إننا نتضامن ونوضح للعالم كله إننا رافضين كل اللي بيحصل ضد الشعب الفلسطيني، وكمان نوجه ليهم رسالة إننا اخترنا السيادة الكاملة على أراضينا وكرامتنا”.
وجديراً بالذكر، بأن هناك مجموعة كبيرة من النجوم والمشاهير قاموا بدعوة الشعب المصري بالنزول للشوارع والميادين اليوم الجمعة، من أجل الإعلان عن رفضهم تصفية القضية الفلسطينية بهذه الطريقة، وأيضاً دعمهم للقرار السياسي في هذا الأمر.