أثارت المطربة المعتزلة زيزى عادل، الكثير من الجدل خلال الساعات القليلة الماضية، بعد أن كشفت عن حقيقة زواجها من داعية اسلامى وإقناعها بترك الغناء، وتحدثت أيضاً عن الزواج وعلاقة الرجل بالمرأة.
وأكدت الفنانة، أثناء استضافتها ببرنامج “كلام الناس”، والتى تقوم بتقديمة الاعلامية الجميلة ياسمين عز، والذى يُذاع من خلال فضائية “mbc مصر”، وقالت:ـ “الناس قالت إنى إتجوزت داعية اسلامى وهو اللى أقنعنى إنى أعتزل، وأنا مش عارفة هما ليه بيجوزونى كتير كده، وبجد دى بشرة خير ويارب أتجوز بس ده مش حقيقى، وبجد الاعتزال مكنش له علاقة بالجواز أو الإرتباط”.
وتابعت الفنانة:ـ “قرار الاعتزال جاء من عند الله، وأنا حسيت كإنه بعتلى وقالى إبعدى عن الفن، وحاجة بتحصل بدون وصف، وكأن ربنا بيقولى كفاية هزار وتعالى بقا نعمل للجاى، وبجد مش صح إن الست تتحجب عشان زوج، وده علشان هيكون عن عدم إقتناع”.
وتحدثت زيزى خلال اللقاء، عن الزواج ورأيها في حالات الطلاق التى إنتشرت كثيراً في الأونة الأخيرة، وعلقت قائلة:ـ “أنا من وجهة نظرى إننا نسيب الست تعمل اللى حاساه، ولو عندك قابلية تسامحى الراجل لو ضايقك تمام، ولكن مينفعش نقولها لو عملك حاجة اتطلقى وإوعى تتنازلى، وبجد لو ضايقك وإعتذر ارجعى، وبردوا مش هينفع تتضربى وتسكتى، ولو كل حاجة هتاخديها على كرامتك يبقى البيوت كلها هتخرب”.
وجديراً بالذكر، بأن الفنانة زيزى عادل سبق وأن تحدثت عن أسباب إعتزالها الفن، وقالت:ـ “أنا إكتشفت إنى هاخد معايا أعمالى، ومن ساعتها وفضلت أفكر إنى مش مستعدة أقابل ربنا بالأغانى اللى عملتها، وكنت عاوزة أحس إنى مستعدة إنى أقابل ربنا، وده علشان مفيش حد صغير على الموت”.
