كشفت الفنانة الجميلة شيرى عادل، عن كواليس حياتها الشخصية وقصة حبها وارتباطها بالفنان طارق صبرى، وأشارت إلى أنها ليس لديها خلافات معه سوى صوته العالى، وأنها تريد أن تُقيم حفل الزفاف على البحر.
وأكدت الفنانة، أثناء استضافتها مع طارق صبرى ببرنامج “صاحبة السعادة”، والتى تقوم بتقديمة الفنانة إسعاد يونس، والذى يُذاع من خلال منصة “watch it”، وقالت:ـ “معنديش مشكلة مع طارق غير إنه صوته عالى لأنه بيحب المسرح، وده عشان الناس لما بنتكلم مع بعض بيحسوا إننا بنتخانق، وبجد لسه مجبتش البوتجاز وغسالة الأطباق وكفاية أوى 10 فوت و10 ملايات في البيت، وطارق قالى لو جبتى البوتجاز لازم تطبخى ليا”.
وتابعت شيرى:ـ “وبعد ما قربنا من بعض اتضح ليا إن في حاجات مشتركة بينا، وإتفقنا على الجواز، وبجد كل أصدقائنا كانوا سعداء بالخبر، وأصحابنا كانوا بيسألوا عن التسرع في قرار الزواج، وبعد الجواز إتغيرت للأفضل، ونفسى أعمل فرحى على شاطئ البحر”.
وأما عن تصريحات الفنان طارق صبرى، علق قائلاً:ـ “بجد ضغط عليها علشان نتجوز، وهى قالتلى عاوزه أعمل فرحى في الصيف، وأنا رديت وقلت نتجوز ونبقا نعمل الفرح بعدين، وفجأة لقيت نفسى إتعودت عليها وعلى وجودها في حياتى كلها حتى في مكان شغلى، وفى الأول مفيش حد عرف عن علاقتنا حاجة غير المقربين لينا، وبجد أحسن حاجة إن العلاقات تتم في هدوء”.
وأنهى الفنان حديثه وقال:ـ “كل حاجة عليا ومفيش حاجة اختارتها على ذوقى، وكل اللى بعمله أروح أدفع فلوس وبس، وبجد الحاجات العادية في اليوم من غير شيرى بتبقى مش مظبوطة ومش حلوة، ولازم تبقى موجودة معايا، وعمر اتنين ما هيعرفوا كل حاجة عن بعض قبل الجواز زى بعد الحواز”.
