“كان نفسى أتجوز ميكانيكى أو واحد شغال في الحدادة وعنده عضلات”.. شيرين عبدالوهاب تتحدث عن مواصفات فتى أحلامها

قام أحد رواد مواقع التواصل الاجتماعى، بنشر لقاء تليفزيونى سابق للمطربة شيرين عبدالوهاب في عام 2016 أثناء استضافتها ببرنامج “صاحبة السعادة”، والتى تقوم بتقديمة الاعلامية إسعاد يونس، والذى يُذاع من خلال فضائية “cbc”، حيث تحدثت الفنانة خلال اللقاء عن المواصفات التى يجب أن تتوافر في فتى أحلامها.

"كان نفسى أتجوز ميكانيكى أو واحد شغال في الحدادة وعنده عضلات".. شيرين عبدالوهاب تتحدث عن مواصفات فتى أحلامها

وأكدت شيرين قائلة:ـ “الست لازم تبقى ست حتى ولو شكلها مش حلو وحتى ولو كانت فقيرة ومش معاها فلوس.. حتى ولو ماشفتشى ريحة الدلع لازم تكون ست، وأنا كان نفسى أوى أتجوز ميكانيكى أو راجل بيشتغل في الحدادة، وده علشان يخش عليا وهو مشحم ومزيت ولابس الفانلة الكت دى ويبقى عنده عضلات كبيرة أوى، وأنا على طول أقوم أحميه وأحضر له الطبلية علشان ياكل”.

وأضافت:ـ “وكمان كان نفسى أسكن في أوضة فوق السطوح على سبيل المثال، وكمان نقعد أنا وجوزى بالليل كده ويعنى أه.. بجد كان نفسى أجرب الحياة دى الحقيقية، وعلى فكرة أنا بموت في الراجل الخشن والحمش”.

وجديراً بالذكر، بأن الفنانة شيرين عبدالوهاب تستعد حالياً لإحياء حفل غنائى في يوم الثامن من شهر أُكتوير القادم بجامعة مصر للعلوم والتكنولوجيا، وقامت الفنانة بنشر بوستر ترويجى للحفل، وذلك من خلال حسابها الشخصى على موقع التواصل الاجتماعى “إنستجرام”، وعلقت قائلة:ـ “بجد وحشتونى أوى، وإن شاء الله هكون معاكم في الحفل القادم 8ـ 10 بجامعة مصر للعلوم والتكنولوجيا، وبإذن الله تكونوا سعداء معايا”.

ومن المعروف، بأن أسعار تذاكر الحفل تتراوح بين 4 فئات، وهى “500، 1000، 1500، 2000 جنيه”.