قامت المطربة شيرين عبدالوهاب بتوجيه رسالة إلى كل فتيات وسيدات مصر، وقالت:ـ “خليكوا مُتواضعين وطيبين، ولما تلاقوا إنسان طيب حطوه فوق دماغكم وكمان خلوه تاج على رؤوسكم، وكمان حابه اوجه رسالة هامة لبناتى إتعلموا وإشتغلوا وياريت آخر حاجه تفكروا فيها الجواز، وأنا كفيلة إنى أكفى بناتى.. بناتى متعلمين وعارفين مين مامتهم وقد إيه أنا غلطت في حقهم، وهما معرفوش ياخدوا نفسهم غير لما الانسان ده خرج من البيت، وبقوا سعدا أوى وبقوا يشوفوا مامتهم ويقعدوا معاها، ويطلبوا منها تعملهم ضفاير”.
"اللى يشوف حسام يتف على وجهه".. شيرين عبدالوهاب توجه رسالة شديدة اللهجه لـ فتيات مصر
وأكدت الفنانة شيرين، وذلك من خلال مداخلة هاتفية مع الاعلامية لميس الحديدى، والتى تقوم بتقديم برنامج “كلمة أخيرة”، والذى يذاع عبر فضائية “on” وقالت:ـ “الفنانة ياسمين عبدالعزيز وقفت جانبى وقفه عمرى ما هنساها.. ربنا يحفظها من شر كل عين، وقالتلى أنا مش صاحبتك أوى بس كان نفسى أضربك قلم وأقولك فوقى بقا، وأنا بطلب من الشعب المصرى والعربى كله اللى يشوف طليقى حسام يتف في وشه.. حسبى الله ونعم الوكيل فيك”.
وأضافت الفنانة:ـ “وكمان حسبى الله ونعم الوكيل في كل شخص معاه ست مُخلصة ويعمل معاه اللى إتعمل معايا.. منهم لله الرجاله اللى زى ده.. إحنا ستات، والنبى عليه الصلاة والسلام وصاهم بالقوارير.. ربنا كرمنا ورحمنا، وتيجى الرجالة تعمل فينا كل ده؟”.
وأنهت شيرين عبدالوهاب المكالمة وقالت:ـ “أى شخص مش هيدينا حقنا ويعرف قيمتنا هنفوقه، وأنا جديرة وقوية إنى أعمل ده.. أنا إتظلمت والله وظلمت نفسى أوى بس الحمد لله إنى لسه عايشة وبناتى عايشين وبخير، وإنى دلوقتى عارفة أتكلم معاكى، وياريت وحياة غلاوة النبى عندكم كل اللى بيحبونى يحسبونى عليه، وإن شاء الله تعالى مش هيعدى عليه الأسبوع ده”.
